Author: Chakravarty

ಒಳಗೊಳಗೇ ಕುಸಿಯುತ್ತಿದೆ ಚೀನಾ!

ಒಳಗೊಳಗೇ ಕುಸಿಯುತ್ತಿದೆ ಚೀನಾ!


ಗಡಿಯಲ್ಲಿ ಚೀನಾ ತಗಾದೆ ತೆಗೆದು ತಾನೇ ಕೆಟ್ಟದ್ದಾಗಿ ಸಿಕ್ಕುಹಾಕಿಕೊಂಡಿರುವುದು ಎಂಥವನಿಗೂ ಗೋಚರವಾಗುತ್ತಿದೆ. ತೀರಾ ಇತ್ತೀಚೆಗೆ ಚುಷೂಲ್ ಕಣಿವೆಯಲ್ಲಿ ಭಾರತೀಯ ಸೈನಿಕರು ಚೀನಾಕ್ಕೆ ಕೊಟ್ಟಿರುವ ಅಚಾನಕ್ಕು ಆಘಾತದಿಂದ ಹೊರಬರಲು ಅದಕ್ಕೆ ಸಾಕಷ್ಟು ಸಮಯವೇ ಬೇಕಾಗಬಹುದೇನೋ. ಚೀನಾ ಸುಮ್ಮನಂತೂ ಕೂಡುವುದಿಲ್ಲ. ಆದರೆ ತತ್ಕ್ಷಣಕ್ಕೆ ಪ್ರತಿಕ್ರಿಯಿಸಬೇಕಾದ ಭಯಾನಕವಾದ ಆಂತರಿಕ ಒತ್ತಡಕ್ಕೆ ಸಿಲುಕಿ ಅದು ತಪ್ಪುಗಳ ಮೇಲೆ ತಪ್ಪು ಮಾಡುತ್ತಲೇ ಸಾಗುತ್ತಿದೆ. ಗಾಲ್ವಾನ್ ಕಣಿವೆಯಲ್ಲಿ ಸಾಕಷ್ಟು ಸಂಖ್ಯೆಯಲ್ಲಿ ಚೀನೀ ಸೈನಿಕರು ಹತರಾದುದರ ಬಗ್ಗೆ ಅದಾಗಲೇ ಒಳಗೊಂದು ಬೇಗುದಿ ಭುಗಿಲೇಳುತ್ತಿದೆ. ಮತ್ತೊಂದೆಡೆ ತೈವಾನ್, ಹಾಂಕಾಂಗುಗಳಷ್ಟೇ ಅಲ್ಲದೇ ಟಿಬೆಟ್ ಕೂಡ ಈಗ ಗರಿಗೆದರಿ ಕುಂತಿದೆ. ದಕ್ಷಿಣ ಚೀನಾ ಸಮುದ್ರದಲ್ಲಿ ಚೀನಾ ಮಿಸುಕಾಡಲಾಗದಂತೆ ಅದಕ್ಕೊಂದು ಖೆಡ್ಡಾ ರಚಿಸಲಾಗಿದೆ. ಅದಕ್ಕೆ ಸರಿಯಾಗಿ 1965ರ ಯುದ್ಧದ ಸೋಲನ್ನೇ ನೆನಪಿಸಿಕೊಂಡು ಯಾವ ಕಾಯರ್ಾಚರಣೆಗೂ ಹೆದರಿ ಕುಳಿತಿರುತ್ತಿದ್ದ ಭಾರತ ಈಗ ಗಡಿಯಲ್ಲಿ ಬಿಂದಾಸಾಗಿ ತಿರುಗಾಡುತ್ತಿದೆ. ಸೈನಿಕರಿಗೆ ಬೇಕಾದ ಅಗತ್ಯ ವಸ್ತುಗಳನ್ನು ಗಡಿ ಭಾಗದಲ್ಲಿ ಶೇಖರಿಸುತ್ತಿರುವುದನ್ನು ನೋಡಿದರೆ ಈ ಬಾರಿ ಭಾರತ 65ರ ಕಳಂಕವನ್ನು ತೊಡೆದುಕೊಳ್ಳುವುದಷ್ಟೇ ಅಲ್ಲದೇ ಶಾಶ್ವತವಾಗಿ ಚೀನಾದ ತಂಟೆಯಿಂದ ಮುಕ್ತವಾಗುವ ಎಲ್ಲ ಲಕ್ಷಣಗಳೂ ಕಾಣುತ್ತಿವೆ. ಮೊದಲೆಲ್ಲಾ ಚೀನಾದೊಂದಿಗೆ ಭಾರತದ ಅಧಿಕಾರಿಗಳು ಮಾತಿಗೆ ಕುಳಿತಾಗಿ ತಗ್ಗಿ-ಬಗ್ಗಿಯೇ ನಡೆಯಬೇಕಾಗುತ್ತಿತ್ತು. ಯಾವ ದಿಕ್ಕಿನಿಂದ ನೋಡಿದರೂ ಚೀನಾ ನಮಗಿಂತಲೂ ಬಲಾಢ್ಯವಾಗಿತ್ತಲ್ಲ, ಅದಕ್ಕೆ. ಈಗ ಹಾಗಿಲ್ಲ. ಮೊನ್ನೆ ಚುಷೂಲ್ನ ಎತ್ತರದ ಗುಡ್ಡಗಳನ್ನು ವಶಪಡಿಸಿಕೊಂಡ ಮೇಲಂತೂ ಪ್ಯಾಂಗಾಂಗ್ಸೊ ಭಾಗದ ಅಷ್ಟೂ ಪ್ರದೇಶಗಳ ಮೇಲೆ ನಾವು ನಿಗಾ ಇಡಲು ಸಾಧ್ಯವಾಗಿದೆ. ಒಬ್ಬ ನಿವೃತ್ತ ಸೈನಿಕರು ಹೇಳುವಂತೆ, ‘ಚೀನಾ ಯುದ್ಧವನ್ನು ಮೂರು ಅಥವಾ ನಾಲ್ಕನೇ ಲೆವೆಲ್ಗೆ ಒಯ್ಯಲು ಯತ್ನಿಸುತ್ತಿತ್ತು. ಭಾರತ ಈ ಗುಡ್ಡಗಳನ್ನು ಗೆದ್ದು ಅದನ್ನು ಒಂಭತ್ತನೇ ಲೆವೆಲ್ಗೆ ಒಯ್ದುಬಿಟ್ಟಿದೆ’ ಅಂತ. ಗುಡ್ಡಗಳ ಮೇಲಿನ ಕಾದಾಟದಲ್ಲಿ ಯಾರು ಎತ್ತರದ ಪ್ರದೇಶಗಳನ್ನು ವಶಪಡಿಸಿಕೊಂಡಿರುತ್ತಾರೋ ಅವರ ಶಕ್ತಿ ಯಾವಾಗಲೂ ಹೆಚ್ಚು. ಈಗ ಆ ಇಡಿಯ ಭಾಗದಲ್ಲಿ ನಾವು ಚೀನಿಯರ ಮೇಲೆ ಅನಾಮತ್ತು ಕಣ್ಣಿಡಲು ಸಾಧ್ಯವಾಗುತ್ತದೆ. ಈ ಸಂಗತಿಯೂ ಕೂಡ ಚೀನಾದ ಜನರಲ್ಲಿ ಅಸಹನೆ ಹುಟ್ಟುಹಾಕಿದೆ. ಭಾರತದೊಂದಿಗೆ ಸದಾ ಮೇಲುಗೈ ಹೊಂದಿದ್ದ ಚೀನಾ ಈಗ ಅದನ್ನು ಕಳಕೊಂಡಿದೆ ಎಂಬ ಆಕ್ರೋಶ ಷಿಜಿನ್ಪಿಂಗ್ಗೆ ವಿರುದ್ಧವಾಗಿ ಬೆಳೆಯುತ್ತಿದೆ. ಅದಾಗಲೇ ಅಂತರ್ರಾಷ್ಟ್ರೀಯ ಚಿಂತಕರು ಹೇಳುವಂತೆ ಈ ಘಟನೆಗಳು ಷಿಯ ಅಧಿಕಾರಕ್ಕೆ ಮುಳುವಾಗುವ ಎಲ್ಲ ಸಾಧ್ಯತೆಗಳೂ ಇದೆ! ಇವಿಷ್ಟೂ ಸಾಲದೆಂಬಂತೆ ಚೀನಾದಿಂದ ತಪ್ಪಿಸಿಕೊಂಡು ಓಡಿ ಹೋದ ಅಲ್ಲಿನ ವೈರಾಲಜಿಸ್ಟ್ ಡಾ. ಲಿ ಮೆಂಗ್ ಮೊನ್ನೆ ಈಚೆಗೆ ಇಂಗ್ಲೆಂಡಿನ ಟಾಕ್ ಶೋ ಒಂದರಲ್ಲಿ ಲೂಸ್ ವುಮೆನ್ ಕಾರ್ಯಕ್ರಮದಲ್ಲಿ ಮಾತನಾಡುತ್ತಾ ಇಡಿಯ ಕೊರೋನಾ ವೈರಸ್ ಸಕರ್ಾರಿ ಪ್ರಯೋಗಾಲಯಗಳಲ್ಲೇ ನಿಮರ್ಿತವಾಗಿದ್ದು ಎಂದು ಘಂಟಾಘೋಷವಾಗಿ ಹೇಳಿರುವುದಲ್ಲದೇ ಅದಕ್ಕೆ ಬೇಕಾಗಿರುವ ವೈಜ್ಞಾನಿಕ ಪುರಾವೆಯನ್ನು ತಾನು ಒದಗಿಸಲೂ ಸಿದ್ಧ ಎಂದು ದೃಢವಾಗಿ ಹೇಳಿದ್ದಾಳೆ. ಚೀನಾದಲ್ಲಿ ಹಬ್ಬಿದ ಹೊಸ ಬಗೆಯ ನ್ಯುಮೋನಿಯಾದ ಕುರಿತಂತೆ ಡಿಸೆಂಬರ್ ಕೊನೆಯ ಅಥವಾ ಜನವರಿ ಆರಂಭದ ವೇಳೆಗೆ ಆಕೆ ಮೊದಲ ವರದಿ ಕೊಟ್ಟಿದ್ದಳಂತೆ. ಜನವರಿ ಮಧ್ಯಭಾಗದಲ್ಲಿ ಮತ್ತೊಂದು ವರದಿಯನ್ನು ವಿಶ್ವ ಆರೋಗ್ಯ ಸಂಸ್ಥೆಯ ಚೀನಾದ ಸಂಪಕರ್ಾಧಿಕಾರಿಯಾಗಿರುವ ತನ್ನ ಹಿರಿಯ ಅಧಿಕಾರಿಯೊಂದಿಗೆ ಹಂಚಿಕೊಂಡಿದ್ದಳಂತೆ. ಬಹುಶಃ ವಿಶ್ವ ಆರೋಗ್ಯ ಸಂಸ್ಥೆ ಮತ್ತು ಚೀನೀ ಸಕರ್ಾರ ಸೂಕ್ತ ನಿರ್ಣಯಗಳನ್ನು ಕೈಗೊಳ್ಳಬಹುದೆಂಬ ಭರವಸೆ ಆಕೆಗಿತ್ತು. ಆಕೆ ಹೇಳುವ ಪ್ರಕಾರ ಹಾಗಾಗದೇ ‘ಬಾಯ್ಮುಚ್ಚಿಕೊಂಡಿದ್ದರೆ ಒಳಿತು. ಇಲ್ಲವಾದರೆ ಸದ್ದಡಗಿಸಲಾಗುವುದು’ ಎಂದಿತ್ತಂತೆ ಸಕರ್ಾರ. ಈಗ ಆಕೆ ಚೀನಾವನ್ನು ಬಿಟ್ಟು ಅನ್ಯರಾಷ್ಟ್ರಗಳಲ್ಲಿ ಕದ್ದುಮುಚ್ಚಿ ತಿರುಗಾಡುತ್ತಿದ್ದಾಳೆ. ಈ ವಿಚಾರದಲ್ಲಿ ಜಗತ್ತು ಆಕೆ ಕೊಡುವ ಪುರಾವೆಗಳನ್ನು ಕೂಲಂಕಷವಾಗಿ ಪರಿಶೀಲಿಸಿ ಅದು ಚೀನಾದ ವಿರುದ್ಧ ಬಲವಾದ ಸಾಕ್ಷಿ ಎಂದಾದರೆ ಚೀನಾದ ಆತಂಕಗಳ ಬುಟ್ಟಿಗೆ ಮತ್ತೊಂದು ಸೇರ್ಪಡೆಯಾದಂತೆಯೇ. ಇಷ್ಟೂ ದಿನಗಳ ಕಾಲ ಯಾವುದನ್ನು ಅಮೇರಿಕಾ ಜೋರಾಗಿ ಹೇಳುತ್ತಿತ್ತೋ ಅದನ್ನು ಜಗತ್ತೆಲ್ಲಾ ಒಪ್ಪುವ ಸ್ಥಿತಿ ನಿಸ್ಸಂಶಯವಾಗಿ ಬರಲಿದೆ!

ಹಾಗಂತ ಚೀನಾ ಸುಮ್ಮನಿಲ್ಲ. ಇದು ಚೀನಾದ ಬದುಕು ಸಾವಿನ ಹೋರಾಟ. ಈ ಬಾರಿ ಸೋತರೆ ಚೀನಾ ಸತ್ತಂತೆಯೇ. ಹಾಗೆಂದು ಅದು ಎಲ್ಲ ಅಸ್ತ್ರಗಳನ್ನು ಬಳಸುತ್ತಿದೆ. ಅಮೇರಿಕಾದಲ್ಲಿ ಟ್ರಂಪ್ ಸೋಲಿಗೆ ಪ್ರಯತ್ನ ಪಟ್ಟಂತೆಯೇ ಇಲ್ಲಿ ಮೋದಿಯ ಅವಹೇಳನಕ್ಕೆ ಮಾಡಬಹುದಾದ ಎಲ್ಲ ಕೆಲಸಗಳಿಗೂ ಬೆಂಬಲ ಕೊಡುತ್ತಿದೆ. ತೀರಾ ಇತ್ತೀಚೆಗೆ ಚೀನಾದ ಪತ್ರಿಕೆ ಗ್ಲೋಬಲ್ ಟೈಮ್ಸ್ ತನ್ನ ಟ್ವಿಟರ್ ಅಕೌಂಟಿನಲ್ಲಿ ‘ಭಾರತದ ಸೈನ್ಯದಲ್ಲಿ ಸೈನಿಕರಿಗೆ ಮತ್ತು ಅಧಿಕಾರಿಗಳಿಗೆ ಸಿಗುವ ಊಟದಲ್ಲಿ ತಾರತಮ್ಯವಿದೆ’ ಎಂಬ ವರದಿ ಪ್ರಕಟಿಸಿತ್ತು. ಅದು ಭಾರತದ ಸೈನಿಕರ ಆತ್ಮಶಕ್ತಿಯನ್ನು ಕುಗ್ಗಿಸುವ ಚೀನಿಯರ ಕೊನೆಯ ಪ್ರಯತ್ನ. ಈ ಹಿಂದೆ ಲಡಾಖ್ನ ಎತ್ತರದ ಗುಡ್ಡಗಳನ್ನು ಕಾಪಾಡಿಕೊಳ್ಳುವ ಕ್ಷಮತೆ ಭಾರತೀಯ ಸೈನಿಕರಿಗಿಲ್ಲವೆಂದು ಅದು ಹೇಳಿದ್ದನ್ನು ನೆನಪಿಸಿಕೊಳ್ಳಬಹುದು. ಇದನ್ನು ಕಮ್ಯುನಿಸ್ಟ್ ಪಾಟರ್ಿಯ ಮಾನಸಿಕ ಯುದ್ಧವೆಂದು ಕರೆಯಲಾಗುತ್ತದೆ. ಎದುರಾಳಿಗಳನ್ನು ಮಾನಸಿಕವಾಗಿ ಕೊಲ್ಲುವ ಯತ್ನ ಅದು. ದುರಂತವೆಂದರೆ ಗ್ಲೋಬಲ್ ಟೈಮ್ಸ್ನ ಇದೇ ವರದಿಯನ್ನು ಹಿಡಿದು ಕಾಂಗ್ರೆಸ್ಸಿನ ರಾಹುಲ್ ಸಕರ್ಾರವನ್ನು ಈ ತಾರತಮ್ಯದ ಕುರಿತಂತೆ ಟ್ವೀಟುಗಳ ಮೂಲಕ ಪ್ರಶ್ನಿಸಿದ್ದರು! ಆ ಮೂಲಕ ಕಾಂಗ್ರೆಸ್ಸು ಚೀನಾಕ್ಕೆ ತನ್ನ ಋಣವನ್ನು ತೀರಿಸಿತ್ತು. ಇದು ಚೀನಾದ ಆರಂಭಿಕ ಪ್ರಯತ್ನವಾಗಿರಬಹುದು. ಬರಲಿರುವ ದಿನಗಳಲ್ಲಿ ಭಾರತದ ವಿಚಾರಗಳ ಕುರಿತಂತೆ ಅನೇಕ ಸುಳ್ಳುಗಳನ್ನು ಹೆಣೆದು ನಮ್ಮ ಮುಂದೆಯೇ ಇಡಬಹುದಾಗಿರುವಂತಹ ಸಾಧ್ಯತೆಗಳಿವೆ ಮತ್ತು ಅದಕ್ಕೆ ಕಾಂಗ್ರೆಸ್ಸು ಬೆಂಬಲವಾಗಿ ನಿಲ್ಲುವ ಎಲ್ಲ ಲಕ್ಷಣಗಳೂ ಇದೆ. ಹೀಗಾಗಿಯೇ ಎಚ್ಚರಿಕೆ ಬಲು ಅಗತ್ಯ.


ಚೀನಾ ತಾನು ಉಳಿಯಲು ಯಾರ ಕುತ್ತಿಗೆಯ ಮೇಲೆ ಬೇಕಿದ್ದರೂ ಕಾಲಿಡುತ್ತದೆ. ನಾವು ಎಚ್ಚರಿಕೆಯಿಂದ ಹೆಜ್ಜೆ ಇಡಬೇಕಾದ ಅಗತ್ಯವಿದೆ. ಇದು ಚೀನಾದ ಪಾಲಿಗೆ ಕೊನೆಯ ಕದನ. ಮತ್ತೊಮ್ಮೆ ಟ್ರಂಪ್ ಗೆದ್ದರೆ, ಗಡಿಯಲ್ಲಿ ಭಾರತದೊಂದಿಗೆ ಚೀನಾ ಕದನದಲ್ಲಿ ಹೊಡೆಸಿಕೊಂಡಿತೆಂದರೆ, ಟಿಬೆಟ್ನಲ್ಲಿ ಜನಾಂದೋಲನವಾಯಿತೆಂದರೆ, ಕೊನೆಗೆ ಹಾಂಕಾಂಗ್, ತೈವಾನ್ಗಳು ಪ್ರತಿರೋಧದ ಜ್ವಾಲೆಯಲ್ಲಿ ಮುಖ್ಯಭೂಮಿ ಚೀನಾವನ್ನು ಸುಟ್ಟಿತೆಂದರೆ ಚೀನಾದ ಬದುಕು ಬಲು ಕಷ್ಟವಿದೆ. ಅಲ್ಲೊಂದು ಬಲುದೊಡ್ಡ ಆಂತರಿಕ ದಂಗೆಯಾದರೂ ಅಚ್ಚರಿ ಪಡಬೇಕಿಲ್ಲ. ಒಟ್ಟಾರೆ ಹೊಸ ಬದಲಾವಣೆಗೆ ಕ್ಷಣಗಣನೆ ಆರಂಭವಾಗಿದೆ. ಸ್ವಲ್ಪ ಕಾಯೋಣ..

ಆಲೋಚನಗೆ ಅವಕಾಶವಿರುವುದು ಹಿಂದೂಧರ್ಮದಲ್ಲಿ ಮಾತ್ರ!

ಆಲೋಚನಗೆ ಅವಕಾಶವಿರುವುದು ಹಿಂದೂಧರ್ಮದಲ್ಲಿ ಮಾತ್ರ!

‘ವ್ಯಕ್ತಿಯೊಬ್ಬ ಪಶ್ಚಿಮದ ಮಾದರಿಯ ವಿದ್ಯೆಯನ್ನು ಸಾಕಷ್ಟು ಪಡೆದಿರಬಹುದು. ಆದರೆ ಅವನಿಗೆ ಧರ್ಮದ ಎ ಬಿ ಸಿಯೂ ಗೊತ್ತಿರಬೇಕೆಂದಿಲ್ಲ. ಅವನನ್ನು, ನಿನಗೆ ಆತ್ಮವನ್ನು ಊಹಿಸಿಕೊಳ್ಳಲು ಸಾಧ್ಯವೇ? ಆತ್ಮವಿಜ್ಞಾನದಲ್ಲಿ ಸಾಕಷ್ಟು ಮುಂದುವರೆದಿರುವಿಯಾ? ಆತ್ಮವನ್ನು ಸಾಕ್ಷಾತ್ಕರಿಸಿಕೊಳ್ಳಲು ಸಾಧ್ಯವಿದೆಯೇ? ಎಂದೆಲ್ಲಾ ಕೇಳಿ ನೋಡಿ. ಉತ್ತರ ಇಲ್ಲವೆಂದಾದಲ್ಲಿ ಆತನ ಪಾಲಿನ ಧರ್ಮ ಬರಿ ಮಾತು, ಪುಸ್ತಕ ಮತ್ತು ವೈಭವದ ಬದುಕು ಅಷ್ಟೇ’. ಹಾಗೆಂದು ಸ್ವಾಮಿ ವಿವೇಕಾನಂದರು ಪಶ್ಚಿಮದ ಜನರೆದುರು ಉದ್ಘೋಷಿಸಿದ್ದರು. ಹೀಗೆ ಹೇಳುವುದು ಅಂದಿನ ದಿನಗಳಲ್ಲಿ ಸುಲಭವಾಗಿತ್ತೆಂದು ಭಾವಿಸಬೇಡಿ. ತನ್ನ ಪ್ರಾಪಂಚಿಕ ಗೆಲುವುಗಳಿಂದ, ವೈಜ್ಞಾನಿಕ ಸಾಧನೆಗಳಿಂದ ಮೆರೆಯುತ್ತಿದ್ದ ಪಶ್ಚಿಮಕ್ಕೆ ತನ್ನನ್ನು ಮೀರಿಸುವ ಶಕ್ತಿ ಮತ್ತೊಂದಿಲ್ಲ ಎಂಬ ದುರಹಂಕಾರ ತುಂಬಿಕೊಂಡುಬಿಟ್ಟಿತ್ತು. ಈ ಅವಕಾಶವನ್ನು ಚೆನ್ನಾಗಿಯೇ ಬಳಸಿಕೊಂಡ ಕ್ರಿಶ್ಚಿಯನ್ನರು ಕ್ರಿಸ್ತನ ಮತದ ಕಾರಣದಿಂದಾಗಿಯೇ ಈ ವೈಭವ ಎಂದು ನಂಬಿಬಿಟ್ಟಿದ್ದರಲ್ಲದೇ ಅದನ್ನೇ ಪದೇ-ಪದೇ ಹೇಳುತ್ತಾ ಇತರರನ್ನೂ ನಂಬಿಸುವ ಧಾವಂತದಲ್ಲಿದ್ದರು. ಹಾಗೆಂದೇ ನಡೆದದ್ದು ಸರ್ವಧರ್ಮ ಸಮ್ಮೇಳನ! ಪಶ್ಚಿಮದ ಭೌತಿಕ ಸಾಧನೆಗಳ ನಡುವೆ ಧರ್ಮವನ್ನು ಪ್ರತಿಬಿಂಬಿಸುವ ಪ್ರಯತ್ನಕ್ಕಾಗಿಯೇ ವಿಶ್ವಧರ್ಮ ಸಮ್ಮೇಳನ ನಡೆದಿದ್ದು. ಮೇಲ್ನೋಟಕ್ಕೆ ವಿಶ್ವಭ್ರಾತೃತ್ವದ ಚಿಂತನೆ ಇದ್ದಂತೆ ಕಾಣುತ್ತಿದ್ದರೂ ನಿಸ್ಸಂಶಯವಾಗಿ ಕ್ರಿಶ್ಚಿಯನ್ ಮತದ ಸಾರ್ವಭೌಮತೆಯನ್ನು ಜಗತ್ತಿಗೆ ಸಾಬೀತುಪಡಿಸುವುದು ಸಮ್ಮೇಳನದ ಅಂತರಂಗದ ಉದ್ದೇಶವಾಗಿತ್ತು. ಅನೇಕ ಚಚರ್ುಗಳು ಈ ಸಮ್ಮೇಳನದಲ್ಲಿ ಕ್ರಿಶ್ಚಿಯನ್ ಮತಕ್ಕೆ ಯೋಗ್ಯವಲ್ಲದ ಇತರರೊಂದಿಗೆ ಸಮಾನ ವೇದಿಕೆ ಹಂಚಿಕೊಳ್ಳುವ ಕುರಿತಂತೆ ಆಕ್ಷೇಪ ವ್ಯಕ್ತಪಡಿಸಿ ಸಮ್ಮೇಳನವನ್ನೇ ಧಿಕ್ಕರಿಸಿಬಿಟ್ಟಿದ್ದವು. ಸಮ್ಮೇಳನದ ಆಯೋಜನೆಯ ಮುಖ್ಯಸ್ಥರಲ್ಲೊಬ್ಬರು ಆ ಎಲ್ಲ ಮತಗಳನ್ನೂ ಕೂರಿಸಿಕೊಂಡು ತಮ್ಮ ಮತದ ಶ್ರೇಷ್ಠತೆಯನ್ನು ಸಾಬೀತುಪಡಿಸಲು ಇದಕ್ಕಿಂತ ಒಳ್ಳೆಯ ಅವಕಾಶ ದೊರೆಯದೆಂದು ಸೂಕ್ಷ್ಮವಾಗಿ ಹೇಳಿದ್ದರೂ ಕೂಡ. ತಾನೊಂದು ಬಗೆದರೆ, ದೈವವೊಂದು ಬಗೆಯಿತು ಎನ್ನುತ್ತಾರಲ್ಲಾ, ಕೊನೆಗೆ ಆದದ್ದು ಅದೇ. ಹಿಂದೂಧರ್ಮದ ಪ್ರತಿನಿಧಿಯಾಗಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಸ್ವಾಮಿ ವಿವವೇಕಾನಂದರು ಹಿಂದೂಧರ್ಮವನ್ನಂತೂ ಪ್ರಭಾವಿಯಾಗಿಯೇ ಜಗತ್ತಿನ ಮುಂದೆ ಮಂಡಿಸಿದರು ನಿಜ. ಅದರೊಟ್ಟಿಗೆ ಕ್ರಿಶ್ಚಿಯನ್ನರ ಮುಖಕ್ಕೆ ಕನ್ನಡಿ ಹಿಡಿದು ಅವರ ಯೋಗ್ಯತೆಯನ್ನೂ ಪರಿಚಯಿಸಿಕೊಟ್ಟರು! ಈ ಹಿನ್ನೆಲೆಯಲ್ಲಿಯೇ ಆರಂಭದಲ್ಲಿ ಉಲ್ಲೇಖಿಸಿದ ಸ್ವಾಮೀಜಿಯವರ ಮಾತುಗಳು ಮನನಯೋಗ್ಯ.

ಹಿಂದೂಗಳನ್ನು ಮೂತರ್ಿಪೂಜಕರೆಂದು ನಿಂದಿಸುತ್ತಿದ್ದ ಕ್ರಿಶ್ಚಿಯನ್ನರಿಗೆ ವಿವೇಕಾನಂದರು ಹಿಂದೂಗಳ ಪರಿಚಯ ಮಾಡಿಕೊಟ್ಟ ರೀತಿ ಅನನ್ಯವಾಗಿತ್ತು. ‘ಬ್ಯಾಬಿಲೋನಿನ, ರೋಮನ್ನಿನ ಮೂತರ್ಿ ಪೂಜನೆಯಂತೆ ಹಿಂದೂಗಳದ್ದಲ್ಲ. ವಿಗ್ರಹದ ಮುಂದೆ ಕುಳಿತಿರುವ ಹಿಂದೂ ಕಣ್ಮುಚ್ಚಿ ಹೀಗೆ ಆಲೋಚಿಸಲು ಯತ್ನಿಸುತ್ತಾನೆ, ನಾನೇ ಅವನು. ನನಗೆ ಸಾವೂ ಇಲ್ಲ, ಹುಟ್ಟೂ ಇಲ್ಲ. ನಾನು ಅನಂತ ಅಸ್ತಿತ್ವ, ಅನಂತ ಆನಂದ ಮತ್ತು ಅನಂತ ಜ್ಞಾನ. ನಾನು ಪುಸ್ತಕದ ಚೌಕಟ್ಟಿಗೆ ಒಳಪಟ್ಟಿಲ್ಲ. ತೀರ್ಥಕ್ಷೇತ್ರಗಳ ಚೌಕಟ್ಟಿಗೂ ಒಳಪಟ್ಟಿಲ್ಲ. ನಾನೇ ಸಚ್ಚಿದಾನಂದ, ಈ ಮಾತುಗಳನ್ನು ಆತ ಪದೇ ಪದೇ ಹೇಳಿಕೊಳ್ಳುತ್ತಾನೆ. ಹೇ ಭಗವಂತ, ನಾನು ಹುಲುಮಾನವ. ನಿನ್ನನ್ನು ಕಲ್ಪಿಸಿಕೊಳ್ಳುವ ಸಾಮಥ್ರ್ಯವೂ ನನ್ನಲ್ಲಿಲ್ಲ ಎಂದು ಮತ್ತೆ ಮತ್ತೆ ಭಾವಿಸುತ್ತಾನೆ. ಆನಂತರ ತನ್ನ ಕಣ್ನನ್ನು ತೆರೆದು ಎದುರಿಗಿರುವ ಮೂತರ್ಿಯನ್ನು ಕಂಡು ಸಾಷ್ಟಾಂಗ ಪ್ರಣಾಮ ಮಾಡುತ್ತಾನೆ. ಎಲ್ಲ ಮುಗಿದಮೇಲೆ, ಹೇ ಭಗವನ್, ಈ ರೀತಿಯ ಅಪರಿಪೂರ್ಣ ಪೂಜೆ ಮಾಡುತ್ತಿರುವುದಕ್ಕೆ ನನ್ನನ್ನು ಕ್ಷಮಿಸಿಬಿಡು ಎಂದು ಕೇಳಿಕೊಳ್ಳುತ್ತಾನೆ.’ ಹೀಗೆಂದು ಹೇಳುವ ಸ್ವಾಮೀಜಿ ಕ್ರಿಶ್ಚಿಯನ್ನರ ದೂಷಣೆಯ ಮನೋಭಾವವನ್ನು ಟೀಕಿಸುತ್ತಾರೆ. ಭಾರತೀಯರನ್ನು ಮನಸೋ ಇಚ್ಛೆ ದೂಷಿಸುವ ಈ ಕ್ರಿಶ್ಚಿಯನ್ ಮಿಷನರಿಗಳು, ಮೂತರ್ಿಪೂಜಕರು ನರಕಕ್ಕೆ ಹೋಗುತ್ತಾರೆ ಎನ್ನಲೂ ಹೇಸುವುದಿಲ್ಲ ಎನ್ನುವುದನ್ನು ನೆನಪಿಸಿಕೊಡುತ್ತಾರಲ್ಲದೇ, ಮುಸಲ್ಮಾನರೆದುರಿಗೆ ಇಂಥದ್ದನ್ನು ಹೇಳುವ ತಾಕತ್ತು ಅವರಿಗಿಲ್ಲ ಏಕೆಂದರೆ ಅವರ ಕತ್ತಿಗಳು ಆಗಿಂದಾಗ್ಯೆ ಝಳಪಿಸಲ್ಪಡುತ್ತವೆ ಎಂಬ ಅರಿವಿದೆ ಎಂಬುದಾಗಿ ಲೇವಡಿಯನ್ನೂ ಮಾಡುತ್ತಾರೆ. ಇಷ್ಟೆಲ್ಲಾ ಆದಾಗ ‘ಹಿಂದುವಾದವನು, ಮೂರ್ಖರು ಮಾತನಾಡಿಕೊಳ್ಳಲಿ ಎಂದು ಹೇಳುತ್ತಾ ನಕ್ಕು ಮುನ್ನಡೆದುಬಿಡುತ್ತಾನೆ’ ಎನ್ನುತ್ತಾರೆ. ಕ್ರಿಶ್ಚಿಯನ್ ಮಿಷನರಿಗಳೆದುರಿಗೆ ನಿಂತು ಸ್ವಾಮೀಜಿ, ‘ನೀವು ನಿಂದಿಸಲು ಮತ್ತು ಟೀಕಿಸಲೆಂದೇ ಜನರನ್ನು ತರಬೇತುಗೊಳಿಸುತ್ತೀರಿ. ಪ್ರತಿಯಾಗಿ ನಾನೇನಾದರೂ ಒಳಿತಿನ ಉದ್ದೇಶದಿಂದ ನಿಮ್ಮನ್ನು ಸ್ವಲ್ಪವಾದರೂ ನಿಂದಿಸಿಬಿಟ್ಟರೆ ನೀವು ಕುದ್ದು ಹೋಗುತ್ತೀರಿ. ನಾವು ಅಮೇರಿಕನ್ನರು. ನಾವು ಜಗತ್ತಿನ ಯಾರನ್ನು ಬೇಕಿದ್ದರೂ ಟೀಕಿಸುತ್ತೇವೆ, ನಿಂದಿಸುತ್ತೇವೆ, ಶಾಪವನ್ನೂ ಹಾಕುತ್ತೇವೆ. ಆದರೆ ನಮ್ಮನ್ನು ಮಾತ್ರ ಮುಟ್ಟಬೇಡಿ, ಎನ್ನುತ್ತೀರಿ’ ಎಂದು ಹಂಗಿಸುತ್ತಾರೆ!

ಸ್ವಾಮೀಜಿ ಇಷ್ಟಕ್ಕೇ ನಿಲ್ಲುವುದಿಲ್ಲ. ಮತ-ಪಂಥಗಳ ಜಾತಕವನ್ನೇ ಜಾಲಾಡಿಬಿಡುತ್ತಾರೆ ‘ನಿಮ್ಮ ಪೂರ್ವಜರು ಹೇಗೆ ಮತಾಂತರಗೊಂಡರೆಂಬುದು ನನಗೆ ಗೊತ್ತಿದೆ. ಅವರು ಮತಪರಿವರ್ತನೆ ಮಾಡಿಕೊಳ್ಳಲೇಬೇಕಿತ್ತು, ಇಲ್ಲವೇ ಸಾಯಬೇಕಿತ್ತು ಅಷ್ಟೆ. ಮುಸಲ್ಮಾನರಿಗಿಂತ ನೀವು ಹೆಚ್ಚಿನದ್ದೇನು ಮಾಡಬಲ್ಲಿರಿ ಹೇಳಿ? ನಾವೆಲ್ಲರೂ ಒಂದೇ ಎನ್ನುವಿರಿ ಏಕೆಂದರೆ, ನಾವು ಇತರರನ್ನು ಕೊಲ್ಲಬಹುದು ಎನ್ನುವುದಷ್ಟೇ ನಿಮ್ಮ ದೃಷ್ಟಿ. ಅರಬ್ಬರೂ ಅದನ್ನೇ ಹೇಳಿದರು. ಅದನ್ನೇ ಕೊಚ್ಚಿಕೊಂಡರು. ಆದರೆ ಈಗವರು ಎಲ್ಲಿದ್ದಾರೆ? ಹೀಗೆ ಮೆರೆದ ರೋಮನ್ನರು ಈಗೆಲ್ಲಿ? ಯಾರು ಶಾಂತಿಗಾಗಿ ಬದುಕಿದರೋ ಅವರು ಭುವಿಯನ್ನು ಆನಂದಿಸುತ್ತಾರೆ. ಉಳಿದವೆಲ್ಲಾ ಮರಳ ಮನೆಯಂತೆ. ದೀರ್ಘಕಾಲ ಉಳಿಯಲಾರದು’ ಹಾಗೆಂದು ಸ್ವಾಮೀಜಿ ಎಚ್ಚರಿಕೆಯನ್ನೂ ಕೊಟ್ಟಿದ್ದರು. ಮುಂದುವರೆದು ಸ್ವಾಮೀಜಿ ‘ಇಸ್ಲಾಂ ತನ್ನ ಅನುಯಾಯಿಗಳಿಗೆ ತನ್ನ ಮತವೊಪ್ಪದವರನ್ನು ಕೊಲ್ಲಲು ಅನುಮತಿಸುತ್ತದೆ. ಕುರಾನಿನಲ್ಲಿ, ಇಸ್ಲಾಮಿನಲ್ಲಿ ನಂಬಿಕೆ ಇರಿಸದವನನ್ನು ಮತ್ತು ಈ ಮತವನ್ನು ಸ್ವೀಕರಿಸದವನನ್ನು ಕೊಲ್ಲಿರಿ ಎಂದು ಸ್ಪಷ್ಟವಾಗಿ ಹೇಳಿದೆ. ಅವರನ್ನು ಬೆಂಕಿಗೆಸೆಯಬೇಕು, ಕತ್ತಿಯಿಂದ ತುಂಡರಿಸಬೇಕು ಎಂದೂ ಹೇಳಲಾಗುತ್ತದೆ. ಈಗ ನಾವೇನಾದರೂ ಮುಸಲ್ಮಾನನಿಗೆ ಇದು ತಪ್ಪೆಂದು ಹೇಳಿದರೆ ಆತ ಸಹಜವಾಗಿಯೇ ನಮ್ಮನ್ನು ಪ್ರಶ್ನಿಸುತ್ತಾನೆ. ನನ್ನ ಪುಸ್ತಕ ಇದನ್ನು ಹೇಳಿದೆ ಎಂದೂ ಹೇಳುತ್ತಾನೆ. ಕ್ರಿಶ್ಚಿಯನ್ನರು ಮಧ್ಯೆ ಬಂದು, ನನ್ನ ಪುಸ್ತಕ ನಿನ್ನ ಪುಸ್ತಕಕ್ಕಿಂತ ಹಳೆಯದು ಎಂದರೆ, ಬುದ್ಧನ ಅನುಯಾಯಿಗಳು ನಡುವೆ ನುಸುಳಿ, ನಮ್ಮ ಪುಸ್ತಕ ನಿಮ್ಮದ್ದಕ್ಕಿಂತಲೂ ಪ್ರಾಚೀನ ಎಂದು ಕ್ರಿಶ್ಚಿಯನ್ನರಿಗೆ ಹೇಳುತ್ತಾರೆ. ಹಿಂದೂವೇನು ಕಡಿಮೆಯೇ? ಆತ ಎಲ್ಲರಿಗಿಂತಲೂ ಪ್ರಾಚೀನವಾದ್ದು ನನ್ನ ಪುಸ್ತಕ ಎನ್ನುತ್ತಾನೆ. ಆದ್ದರಿಂದಲೇ ಪುಸ್ತಕವನ್ನು ಮುಂದಿಟ್ಟುಕೊಳ್ಳುವುದು ಒಳಿತಲ್ಲ. ಕ್ರಿಸ್ತನ ಅನುಯಾಯಿಗಳು ಸರ್ಮನ್ ಆನ್ ದ ಮೌಂಟ್- ಇದನ್ನು ಶ್ರೇಷ್ಠವೆಂದರೆ, ಮುಸಲ್ಮಾನರು ಕುರಾನಿನ ನೀತಿಗಳೇ ಶ್ರೇಷ್ಠವೆನ್ನುತ್ತಾರೆ. ಇವರಿಬ್ಬರ ನಡುವೆ ನಿಣರ್ಾಯಕ ಪಾತ್ರ ಯಾರು ವಹಿಸಬೇಕು? ತೃತೀಯ ವ್ಯಕ್ತಿಯೇ ಆಗಬೇಕಲ್ಲವೇ? ಮತ್ತು ಅದು ಇನ್ನೊಂದು ಇಂಥದ್ದೇ ಪುಸ್ತಕ ಆಗಲು ಸಾಧ್ಯವೇ ಇಲ್ಲ. ಅದು ವೈಶ್ವಿಕವಾಗಿರಬೇಕು. ಪ್ರಜ್ಞೆಗಿಂತಲೂ ವಿಶ್ವವ್ಯಾಪಿಯಾಗಿರುವುದು ಮತ್ಯಾವುದಿರಲು ಸಾಧ್ಯ? ಆದರೆ ವ್ಯಕ್ತಿಯ ಈ ಆಲೋಚನೆಗಳನ್ನೊಪ್ಪದ ಕ್ರಿಶ್ಚಿಯನ್ನರು, ಪಾದ್ರಿಗಳ ಒಕ್ಕೂಟವೇ ನಿರ್ಣಯಿಸಬಲ್ಲದು ಎಂದು ವಾದಿಸುತ್ತಾರೆ. ವ್ಯಕ್ತಿಯೊಬ್ಬನ ವಿಚಾರ ದುರ್ಬಲವೆನ್ನುವುದಾದರೆ ಗುಂಪುಗೂಡಿರುವ ವ್ಯಕ್ತಿಗಳ ವಿಚಾರ ಅದಕ್ಕಿಂತಲೂ ದುರ್ಬಲವೆನ್ನುವುದನ್ನು ಮರೆಯುವಂತಿಲ್ಲ. ಮನುಕುಲ ತನ್ನ ಪ್ರಜ್ಞೆಯನ್ನು ಅನುಸರಿಸಿ ನಾಸ್ತಿಕವಾದಿಯಾಗುವುದು, ಯಾವುದೋ ಗುಂಪಿನ ಆದೇಶವನ್ನು ಸುಖಾಸುಮ್ಮನೆ ಸ್ವೀಕರಿಸಿ ಆಸ್ತಿಕನಾಗಿ ಲಕ್ಷಾಂತರ ದೇವರುಗಳನ್ನು ನಂಬುವುದಕ್ಕಿಂತಲೂ ಮೇಲು’ ಹೀಗೆನ್ನುವ ಸ್ವಾಮೀಜಿ ಆತ್ಮಸಾಕ್ಷಾತ್ಕಾರಕ್ಕಿಂತ ಮಿಗಿಲಾದ್ದು ಯಾವುದೂ ಇಲ್ಲ ಎಂಬುದನ್ನು ಅವರೆದುರು ಸಾಬೀತುಪಡಿಸುತ್ತಾರೆ. ತಮ್ಮ ಇನ್ನೊಂದು ಭಾಷಣದಲ್ಲಿ ಧರ್ಮವೊಂದರ ಮೂರು ಮುಖ್ಯ ಸಂಗತಿಗಳೆಡೆಗೆ ಎಲ್ಲರ ಗಮನ ಸೆಳೆಯುತ್ತಾರೆ. ಮೊದಲನೆಯದ್ದು ತತ್ವ, ಎರಡನೆಯದ್ದು ತತ್ವಕ್ಕೆ ಪೂರಕವಾದ ಪುರಾಣ ಮತ್ತು ಮೂರನೆಯದ್ದು ಆಚರಣೆ. ಯಾವ ಮತ-ಪಂಥಗಳೆಡೆಗೆ ಗಮನ ಹರಿಸಿದರೂ ಈ ಮೂರೂ ಇದ್ದೇ ಇರುತ್ತದೆ. ಸ್ವಾಮೀಜಿಯ ಅಭಿಪ್ರಾಯದ ಪ್ರಕಾರ ಹೊರ ಆವರಣವಾದ ಆಚರಣೆಯಲ್ಲಿಯೇ ಬಹುತೇಕರು ಮಗ್ನರಾಗುವುದಲ್ಲದೇ ಅದಕ್ಕಾಗಿ ಕಚ್ಚಾಡುತ್ತಿರುತ್ತಾರೆ. ಇತರರನ್ನು ಮತಾಂತರಗೊಳಿಸುವ ಧಾವಂತವಿರುವ ಪ್ರತಿಯೊಬ್ಬರೂ, ತಮ್ಮ ಆಚರಣೆಯನ್ನು ಹೇರಬಯಸುವ ಸಾಮಾನ್ಯ ಜನರು ಮಾತ್ರ. ತಮ್ಮ ಪುರಾಣ ಕಥೆಗಳನ್ನೇ ಅನಾಮತ್ತು ಒಪ್ಪಿಕೊಳ್ಳಬೇಕೆನ್ನುವ ಧಾಷ್ಟ್ರ್ಯ ಅವರಿಗಿದೆ. ಆಚರಣೆ ಮತ್ತು ಈ ದಂತಕಥೆಗಳ ಹಿಂದೆ ಬಿದ್ದಷ್ಟೂ ಧರ್ಮದ ತತ್ವ ಚಿಂತನೆಯಿಂದ ದೂರವಾಗಿಬಿಡುತ್ತೇವೆ. ಸಿದ್ಧಾಂತದ ಹತ್ತಿರಕ್ಕೆ ಹೋದಷ್ಟೂ ಬಾಹ್ಯಾಚರಣೆಗಳೆಲ್ಲ ಕುಸಿದುಬೀಳುತ್ತವೆ ಎಂದೆಲ್ಲಾ ಹೇಳುವ ಸ್ವಾಮೀಜಿ ಪಶ್ಚಿಮದ ಜನರನ್ನು ಮೂಲಸತ್ವದತ್ತ ಸೆಳೆದು, ‘ಕ್ರಿಸ್ತನ ವಿಚಾರಗಳಿಗೆ ಮರಳಿ, ಅಲ್ಲಿಯೇ ನಿಮ್ಮ ಸಾಕ್ಷಾತ್ಕಾರ ಅಡಗಿದೆ’ ಎನ್ನುವುದನ್ನು ನೆನಪಿಸಿಕೊಡಲು ಮರೆಯುವುದಿಲ್ಲ!

ಸರ್ವಧರ್ಮ ಸಮ್ಮೇಳನದ ಆರಂಭದಲ್ಲಿ ಸ್ವಾಮಿ ವಿವೇಕಾನಂದರನ್ನು ಪ್ರೀತಿಯಿಂದಲೇ ಸ್ವೀಕರಿಸಿದ ಕ್ರಿಶ್ಚಿಯನ್ನರು ಬರಬರುತ್ತಾ ಎದುರು ನಿಲ್ಲಲಾರಂಭಿಸಿದರು. ಸಂಘಟಕರಲ್ಲಿ ಪ್ರಮುಖನಾದ ಬೊರೊಸ್ ವಿವೇಕಾನಂದರಿಗೆ ಸಿಕ್ಕ ಅಭೂತಪೂರ್ವ ಗೌರವವನ್ನು ಬಲು ಪ್ರೀತಿಯಿಂದಲೇ ಬಣ್ಣಿಸಿದ್ದು ನಿಜವಾದರೂ ಆನಂತರದ ದಿನಗಳಲ್ಲಿ ಮದ್ರಾಸಿಗೆ ಬಂದು ವಿವೇಕಾನಂದರ ಕುರಿತಂತೆ ಸಾಕಷ್ಟು ಸುಳ್ಳುಗಳ ಪ್ರಚಾರವನ್ನು ಮಾಡಿದ. ಇದು ಪಶ್ಚಿಮದಲ್ಲಿ ವಿವೇಕಾನಂದರು ಕ್ರಿಸ್ತಮತದ ಮೇಲೆ ಉಂಟುಮಾಡಿದ ಆಘಾತದ ಅಡ್ಡಪರಿಣಾಮವಾಗಿತ್ತು ಅಷ್ಟೆ! ಅಂದಿನ ಪತ್ರಿಕೆಯೊಂದು ವಿವೇಕಾನಂದರ ಭಾಷಣದ ಪ್ರಭಾವವನ್ನು ಬಣ್ಣಿಸುತ್ತಾ ಅವರ ಮಾತುಗಳನ್ನು ಕೇಳಲು ಜನ ಧಾವಿಸುತ್ತಿದ್ದ ಪರಿಯನ್ನು ವಿವರಿಸುತ್ತದೆ. ಅದರ ಮುಕ್ಕಾಲುಪಾಲು ಅಮೆರಿಕನ್ ಸ್ತ್ರೀಯರೇ ಇದ್ದುದನ್ನು ಗುರುತಿಸುತ್ತದೆ ಕೂಡ. ಸ್ವಾಮೀಜಿ ಭವಿಷ್ಯದ ಪೀಳಿಗೆಯನ್ನು ವೈಚಾರಿಕವಾಗಿಸಲು ಮಾಡಿದ ಪ್ರಯಾಸ ಎಂಥದ್ದೆಂಬುದು ಅರಿವಾಗುವುದು ಆಗಲೇ. ಹಾಗಂತ ಅವರು ಭಾವನಾತ್ಮಕವಾದ ಮಾತುಗಳಿಂದ ಅಷ್ಟೇ ತಮ್ಮ ವಿಚಾರವನ್ನು ಮುಟ್ಟಿಸುವ ಪ್ರಯತ್ನ ಮಾಡಲಿಲ್ಲ. ವಿಜ್ಞಾನದ ಸಹಕಾರ ಪಡೆದು ಧಾಮರ್ಿಕ ಸಂಗತಿಗಳನ್ನು ಮನಮುಟ್ಟುವಂತೆ ವಿವರಿಸಿದರು. ಎಲ್ಲರನ್ನೂ ಒಂದೇ ಮತಕ್ಕೆ ಸೇರಿಸಿಬಿಡುವ, ಒಂದೇ ರೀತಿ ಕಾಣುವಂತೆ ಮಾಡಿಬಿಡುವ, ಒಂದೇ ಪುಸ್ತಕವನ್ನು, ಒಬ್ಬನೇ ವ್ಯಕ್ತಿಯನ್ನು ಅನುಸರಿಸುವ ಏಕರೂಪತೆ ತರುವ ಕ್ರಿಶ್ಚಿಯನ್ನರ, ಮುಸಲ್ಮಾನರ ವಾದವನ್ನು ಅವರು ಸಮರ್ಥವಾಗಿ ಖಂಡಿಸಿದರು. ಈ ರೀತಿಯ ಏಕರೂಪತೆ ಅಸಾಧ್ಯವೆಂದುದಲ್ಲದೇ ಭಿನ್ನತೆ ಇರುವುದರಿಂದಲೇ ಸೃಷ್ಟಿ ಇದೆ ಎಂಬುದನ್ನು ಒಪ್ಪಿಸಿದರು. ಕೋಣೆಯೊಂದರಲ್ಲಿ ಶಾಖವಿದೆ ಎಂದಿಟ್ಟುಕೊಳ್ಳಿ. ಅದು ಶಾಖವಿಲ್ಲದೆಡೆಗೆ ಹರಿಯುವ ಪ್ರಯತ್ನ ಮಾಡಿಯೇ ಮಾಡುತ್ತದೆ. ಒಂದು ವೇಳೆ ಹಾಗೆ ಶಾಖ ಹರಿಯುವುದು ನಿಂತಿತೆಂದರೆ ಆ ಕೋಣೆಯಲ್ಲಿ ಇನ್ನು ಶಾಖದ ಅನುಭೂತಿಯಾಗುವುದಿಲ್ಲವೆಂದೇ ಅರ್ಥ. ಹಾಗೆಯೇ ಭಿನ್ನತೆ ಇರುವುದರಿಂದಲೇ ನಮಗೆ ಎಲ್ಲ ಸಂಗತಿಗಳು ಅರಿವಿಗೆ ಬರುತ್ತವೆ. ಏಕರೂಪತೆ ತಾಳಿದೊಡನೆ ಅನುಭವ ಕಳೆದುಹೋಗಿಬಿಡುತ್ತದೆ, ಎನ್ನುವ ಮೂಲಕ ಎಲ್ಲರೂ ಕ್ರಿಸ್ತನನ್ನು ಅನಸರಿಸಿಬಿಡಬೇಕೆಂಬ ಕ್ರಿಶ್ಚಿಯನ್ನರ ಧಾವಂತಕ್ಕೆ ಸ್ವಾಮೀಜಿ ಬ್ರೇಕ್ ಹಾಕಿದ್ದರು. ಒಂದು ಹಂತದಲ್ಲಂತೂ ಸ್ವಾಮೀಜಿ ಹೆಚ್ಚು-ಹೆಚ್ಚು ಮತ-ಪಂಥಗಳಾದಷ್ಟೂ ಸಮಾಜಕ್ಕೆ ಒಳಿತೇ ಎಂಬುದನ್ನು ಮುಲಾಜಿಲ್ಲದೇ ಸಾರಿದ್ದರು. ಅವರ ಪ್ರಕಾರ ಪ್ರತಿಯೊಬ್ಬ ವ್ಯಕ್ತಿಯೂ ತಾನೇ ಒಂದು ಮತವಾದರೆ ಅದು ನಾಶಕ್ಕೆ ಕಾರಣವಾಗುವುದಿಲ್ಲ, ಬದಲಿಗೆ ಎಲ್ಲವೂ ಒಟ್ಟಾಗಿ ಏಕತೆಗೆ ಕಾರಣವಾಗುತ್ತದೆ ಎಂಬುದನ್ನು ಘಂಟಾಘೋಷವಾಗಿ ಸಾರಿದ್ದರು.

ಈ ಆಲೋಚನೆಯನ್ನು ಮನಸ್ಸಿನಲ್ಲಿಟ್ಟುಕೊಂಡು ನಾವು ಪೂಜಿಸುವ 33 ಕೋಟಿ ದೇವರುಗಳನ್ನು, ನಮ್ಮ ವಿಭಿನ್ನ ಆಲೋಚನೆಯ ಪ್ರಕ್ರಿಯೆಗಳನ್ನು ಒಮ್ಮೆ ಯೋಚಿಸಿ ನೋಡಿ. ಹಿಂದೂಧರ್ಮ ನಮಗೆ ಕೊಟ್ಟಿರುವ ಸ್ವಾತಂತ್ರ್ಯ ಮತ್ತು ಭಗವಂತನ ಹತ್ತಿರಕ್ಕೆ ಹೋಗಲು ನಮಗಿರುವ ದಿವ್ಯ ಮಾರ್ಗ ಎಂಥದ್ದೆಂಬುದರ ಅರಿವಾಗುತ್ತದೆ. ಸ್ವಾಮೀಜಿ ಬಲುಸೂಕ್ಷ್ಮವಾಗಿಯೇ ಹಿಂದೂಧರ್ಮ ಇತರೆಲ್ಲ ಮತಗಳಿಗಿಂತಲೂ ಎಷ್ಟು ವೈಚಾರಿಕವಾದ್ದು ಮತ್ತು ಪರಿಪೂರ್ಣವಾದ್ದು ಎನ್ನುವುದನ್ನು ಪಶ್ಚಿಮದ ಸಮಾಜದ ಮುಂದಿಟ್ಟರಲ್ಲ, ಅದು ನಿಜಕ್ಕೂ ಆಕರ್ಷಣೀಯವಾದ್ದು. ಹಾಗೆ ನೋಡಿದರೆ, ಅಲ್ಲಿನವರೇ ಅದನ್ನು ಬಲುಬೇಗ ಅಥರ್ೈಸಿಕೊಂಡು ಜೀಣರ್ಿಸಿಕೊಂಡರು. ನಾವಿನ್ನೂ ಹೆಣಗಾಡುತ್ತಲೇ ಇದ್ದೇವೆ!

ತರುಣರೇಕೆ ಇಸ್ಲಾಂ ಬಿಡುತ್ತಿದ್ದಾರೆ!?

ತರುಣರೇಕೆ ಇಸ್ಲಾಂ ಬಿಡುತ್ತಿದ್ದಾರೆ!?

ಹಸನ್ ಸುರೂರ್ ಬರೆದಿರುವ ‘ಹು ಕಿಲ್ಡ್ ಲಿಬರಲ್ ಇಸ್ಲಾಂ’ ಎಂಬ ಪುಸ್ತಕದ ಆಯ್ದ ಭಾಗವನ್ನು ಟೆಲಿಗ್ರಾಫ್ ಪತ್ರಿಕೆ ಕಳೆದ ವರ್ಷ ಪ್ರಕಟಿಸಿತ್ತು. ತರುಣ ಮುಸಲ್ಮಾನರು ಇಸ್ಲಾಮನ್ನು ತೊರೆಯುತ್ತಿರುವುದೇಕೆ ಎಂಬ ಪ್ರಶ್ನೆ ಅಲ್ಲಿತ್ತು. ಸಾಕಷ್ಟು ದಾಖಲೆಗಳ ಸಮೇತ ಇಸ್ಲಾಂ ತೊರೆಯುತ್ತಿರುವವರ ಕುರಿತಂತೆ ವಿವರವಾದ ಮಾಹಿತಿ ಆ ಲೇಖನದಲ್ಲಿತ್ತು. ಅಂಕಿ-ಅಂಶಿಗಳು ನಿಜವೇ ಆಗಿದ್ದರೆ, ತರುಣರು ಇಸ್ಲಾಂ ತೊರೆಯುತ್ತಿರುವ ಕಾರಣ ಲೇಖನದಲ್ಲಿ ಹೇಳಿರುವ ಅಂಶಗಳೇ ಆಗಿದ್ದರೆ ಈಗಂತೂ ಜಗತ್ತಿನ ಬಹುಪಾಲು ಜನ ಮುಸಲ್ಮಾನರೇ ಆಗಿಲ್ಲವೆನಿಸುತ್ತದೆ. ಅಮೇರಿಕಾದ ದ ನ್ಯೂ ರಿಪಬ್ಲಿಕ್ ಪತ್ರಿಕೆ ಕೆಲವು ವರ್ಷಗಳ ಹಿಂದೆ ಈ ಕುರಿತಂತೆ ವರದಿ ಪ್ರಕಟಿಸಿದಾಗ ಸೌದಿ ಅರೇಬಿಯಾವೂ ಸೇರಿದಂತೆ ಮುಸಲ್ಮಾನ ರಾಷ್ಟ್ರಗಳೆಲ್ಲಾ ಒಮ್ಮೆ ಅವಾಕ್ಕಾಗಿಬಿಟ್ಟಿದ್ದವು. ಫ್ರೀ ಅರಬ್ಸ್ ಎಂಬ ಪತ್ರಿಕೆಯ ಸಂಪಾದಕ ಈ ಕುರಿತಂತೆ ಬರೆಯುತ್ತಾ ನಾಸ್ತಿಕವಾದದ ಕುರಿತಂತೆ ಫೇಸ್ಬುಕ್ಕಿನಲ್ಲಿ ಹುಡುಕಾಡುವಾಗ ಭಿನ್ನ ಭಿನ್ನ ಅರಬ್ ರಾಷ್ಟ್ರಗಳ ಪೇಜುಗಳು ಕಂಡುಬಂದವೆಂದು ಹೇಳಿದ್ದರು. ಇವುಗಳನ್ನು ಅನುಸರಿಸುವವರ ಸಂಖ್ಯೆ ಕೆಲವು ನೂರುಗಳಿಂದ ಹಿಡಿದು ಹತ್ತು ಸಾವಿರವನ್ನು ಮೀರಿತ್ತು ಎಂಬುದನ್ನು ಅವರು ಗುರುತಿಸಲು ಮರೆಯಲಿಲ್ಲ. ಅಮೇರಿಕಾದಂತಹ ರಾಷ್ಟ್ರದಲ್ಲೋ ಅಥವಾ ಭಾರತದಲ್ಲೋ ಈ ರೀತಿಯ ಪೇಜುಗಳಿದ್ದರೆ ಲಕ್ಷಾಂತರ ಅನುಯಾಯಿಗಳಿದ್ದರೆ ಅಚ್ಚರಿ ಪಡಬೇಕಿಲ್ಲ. ಏಕೆಂದರೆ ಇಲ್ಲಿ ವಾಕ್ ಸ್ವಾತಂತ್ರ್ಯ ಇದೆ, ಆಲೋಚನೆಗೆ ಚೌಕಟ್ಟುಗಳಿಲ್ಲ. ಆದರೆ ಅರಬ್ ರಾಷ್ಟ್ರಗಳಲ್ಲಿ ಹಾಗಲ್ಲವೇ ಅಲ್ಲ. ನಾಲ್ಕು ಎಂದರೆ ಹೆಚ್ಚು ಮೂರು ಎಂದರೆ ಕಡಿಮೆ. ಷರಿಯಾ ಕಾನೂನುಗಳು ಯಾರನ್ನು ಯಾವಾಗ ತರಿದು ಬಿಸಾಡುವುದೋ ದೇವರೇ ಬಲ್ಲ. ಅಂಥದ್ದರಲ್ಲೂ ಈ ರೀತಿಯ ಅಲೋಚನೆಗಳು ಟಿಸಿಲೊಡೆಯುತ್ತಿವೆ ಎಂದರೆ ಕ್ರೌರ್ಯದಿಂದ ಕಟ್ಟಿದ ಸೌಧವೊಂದು ಕುಸಿದು ಬೀಳುವ ಕಾಲ ಸನ್ನಿಹಿತವಾಗಿದೆ ಎಂದೇ ಅರ್ಥ!

ಟ್ವಿಟರ್ನಲ್ಲೋ ಫೇಸ್ಬುಕ್ಕಿನಲ್ಲೋ ಎಕ್ಸ್ ಮುಸ್ಲೀಂ ಎಂದು ಕೊಟ್ಟು ನೋಡಿ. ಅನೇಕರು ಅದರಡಿಯಲ್ಲಿ ತಾವು ಇಸ್ಲಾಮನ್ನು ಬಿಟ್ಟಿರುವುದೇಕೆಂತಲೋ ನಾಸ್ತಿಕವಾದಿಗಳಾಗಿರುವುದು ಎಷ್ಟು ಸುಖವೆಂತಲೋ ಬಣ್ಣಿಸಿರುತ್ತಾರೆ. 2012ರಲ್ಲಿ ಗ್ಯಾಲಪ್ ಇಂಟರ್ನ್ಯಾಷನಲ್ ನಡೆಸಿದ ಸವರ್ೇಯೊಂದರಲ್ಲಿ ಸೌದಿಯ, ಹ್ಞಾಂ! ಸೌದಿಯ ಶೇಕಡಾ 5ರಷ್ಟು ಜನ ತಮ್ಮನ್ನು ತಾವು ಶ್ರದ್ಧೆಯಿಂದಲೇ ನಾಸ್ತಿಕವಾದಿಗಳಾದವರು ಎಂದು ಹೇಳಿಕೊಂಡಿದ್ದರು. ಸುಮಾರು 19 ಪ್ರತಿಶತದಷ್ಟು ಜನ ತಮ್ಮನ್ನು ತಾವು ತೀರಾ ಧಾಮರ್ಿಕವಲ್ಲ ಎಂದು ಪರಿಚಯಿಸಿಕೊಂಡಿದ್ದರು. ಈ ಸಂಖ್ಯೆ ಅಮೇರಿಕಾ, ಇಟಲಿ ಮೊದಲಾದ ರಾಷ್ಟ್ರಗಳಲ್ಲಿ ಇನ್ನೂ ಹೆಚ್ಚಾಗಿದೆ ಎಂಬುದನ್ನು ಮರೆಯುವಂತಿಲ್ಲ. ಮಧ್ಯ ಏಷ್ಯಾದಲ್ಲಿ ಅತ್ಯಂತ ಹೆಚ್ಚು ಡೌನ್ಲೋಡ್ ಆಗಿರುವ ಕೃತಿ ರಿಚಡರ್್ ಡಾಕಿನ್ನ ಗಾಡ್ ಡೆಲ್ಯೂಷನ್ ಎಂಬ ಪುಸ್ತಕ ಎನ್ನುವುದು ಗಮನಿಸಲೇಬೇಕಾದ ಸಂಗತಿ ಏಕೆಂದರೆ ಈ ಕೃತಿಯ ಲೇಖಕ ತನ್ನನ್ನು ತಾನು ನಾಸ್ತಿಕವಾದಿ ವಿಜ್ಞಾನಿ ಎಂದೇ ಕರೆದುಕೊಳ್ಳುತ್ತಾನೆ. ಮನೆಯ ಮಕ್ಕಳು ನಾಸ್ತಿಕವಾದದ ಸೆಳೆತಕ್ಕೆ ಒಳಪಡುತ್ತಿರುವುದನ್ನು ಕಂಡು ಗಾಬರಿಗೊಂಡ ಶ್ರದ್ಧಾವಂತ ಮುಸಲ್ಮಾನರು ಒಂದೆಡೆ ತಮ್ಮ ಮಕ್ಕಳನ್ನು ಮರಳಿ ತರುವಲ್ಲಿ ಪ್ರಯತ್ನಿಸುತ್ತಿದ್ದರೆ ಮತ್ತೊಂದೆಡೆ ಈ ಸುದ್ದಿ ಹೊರಗೆ ಗೊತ್ತಾಗದಂತೆ ಮುಚ್ಚಿಡುವಲ್ಲಿ ಹರಸಾಹಸ ಮಾಡುತ್ತಿದ್ದಾರೆ. ಅದರಲ್ಲೂ ಧಾಮರ್ಿಕ ನಂಬಿಕೆಗಳ ವಿರುದ್ಧ ಮಾತನಾಡಿದವರನ್ನು ಕೊಂದೇಬಿಡುವ ಅರಬ್ ರಾಷ್ಟ್ರಗಳಲ್ಲಿ ಸುದ್ದಿಯನ್ನು ಮುಚ್ಚಿಟ್ಟು ಕಾಯುವುದು ಅತ್ಯಗತ್ಯವೇ ಸರಿ. ಅಮೇರಿಕಾದಲ್ಲಿ ವಾಸಿಸುತ್ತಿದ್ದ ಸೊಮಾಲಿಯಾದ ಮಹಾಡ್ ಓಲಾಡ್ನ ಕಥೆಯನ್ನು ದಿ ಎಕನಾಮಿಸ್ಟ್ 2018ರಲ್ಲಿ ಪ್ರಕಟಿಸಿತ್ತು. ಮಗ ಇಸ್ಲಾಮಿನ ಮೇಲೆ ಭರವಸೆ ಕಳೆದುಕೊಳ್ಳುತ್ತಿದ್ದಾನೆಂದು ಗೊತ್ತಾದಾಗ ಕೀನ್ಯಾ ಪ್ರವಾಸಕ್ಕೆ ಕರೆದೊಯ್ಯುತ್ತೇವೆಂದು ತಂದೆ-ತಾಯಿಯರು ಅವನನ್ನು ಪುಸಲಾಯಿಸಿದ್ದರು. ಅಲ್ಲಿ ಅವನನ್ನು ಮುಸ್ಲೀಂ ಮದರಸಾಕ್ಕೆ ಸೇರಿಸಿ ಮತ್ತೆ ಧರ್ಮದ ಕುರಿತಂತೆ ಆಸಕ್ತಿ ಮೂಡಿಸುವ ಪ್ರಯತ್ನ ಅವರದ್ದು. ವಿಮಾನದಲ್ಲಿರುವಾಗಲೇ ಈ ಕುರಿತ ಅನುಮಾನದಿಂದ ಎಚ್ಚರಗೊಂಡ ಮಹಾಡ್ ಇಳಿದೊಡನೆ ತಾಯಿಯ ಕೈಚೀಲದಿಂದ ಪಾಸ್ಪೋರ್ಟನ್ನು ಕಸಿದುಕೊಂಡು ಎಂಬೆಸ್ಸಿಗೆ ಹೋಗಿ ಅವರ ಸಹಕಾರದಿಂದ ಅಮೇರಿಕಾ ಮುಟ್ಟಿಕೊಂಡಿದ್ದ. ಇದು ಆತನೊಬ್ಬನ ಕಥೆಯಲ್ಲ. ಅರಬ್ ರಾಷ್ಟ್ರಗಳಿಂದ ತನ್ನನ್ನು ಉಳಿಸಿ ಎಂದು ಸಾಮಾಜಿಕ ಜಾಲತಾಣಗಳ ಮೂಲಕ ಅನೇಕ ಹೆಣ್ಣುಮಕ್ಕಳು ಇಂದಿಗೂ ಕೇಳಿಕೊಳ್ಳುತ್ತಾರೆ!

ಹೀಗೆ ಇಸ್ಲಾಂ ಬಿಡುವುದೇಕೆನ್ನುವುದರ ಕುರಿತಂತೆ ಅನೇಕ ಚಚರ್ೆಗಳಾಗಿವೆ. ಆ ಮತದ ಆಕ್ರಮಣಕಾರಿ ನೀತಿಗಳು, ಇತರರನ್ನು ಭಯೋತ್ಪಾದನೆಯ ಮೂಲಕ ಕೊಲ್ಲುವುದಕ್ಕೆ ಅಲ್ಲಿಂದ ಪಡೆಯುವ ಪ್ರೇರಣೆ ಇವತ್ತಿನ ತರುಣರನ್ನು ಆ ಮತದಿಂದ ವಿಮುಖಗೊಳಿಸುತ್ತಿದೆ ಎಂಬುದು ಕೆಲವರ ವಾದವಾದರೆ ಬ್ರಿಯಾನ್ ವಿಟೇಕರ್ ತನ್ನ ಕೃತಿಯ ಸಂಶೋಧನೆಗೆ ತೊಡಗಿದ್ದಾಗ ಸಿಕ್ಕಿರುವ ಮಾಹಿತಿಯ ಆಧಾರದ ಮೇಲೆ ಅವನ್ನೆಲ್ಲಾ ಸುಳ್ಳೆಂದು ಸಾಬೀತುಪಡಿಸಿದ್ದಾರೆ. ಆತ ಹೇಳುವಂತೆ ಇಸ್ಲಾಮನ್ನು ತೊರೆದು ಬಂದಿರುವ ಬಹುತೇಕರು ಅದಕ್ಕೆ ಕಾರಣವಾಗಿ ಭಯೋತ್ಪಾದನೆಯನ್ನೋ ಮತಾಂಧತೆಯನ್ನೋ ಮುಂದಿಡುವುದಿಲ್ಲ. ಮತಗ್ರಂಥದಲ್ಲೇ ಇರುವ ಕೆಲವು ಅಸಂಬದ್ಧತೆಗಳ ಕುರಿತಂತೆ ಪ್ರಶ್ನೆಗೆ ಉತ್ತರ ಸಿಗದಾದಾಗ ಹೊರಹೋಗುತ್ತಿದ್ದಾರೆ ಅಂತ. ಮುಸಲ್ಮಾನರಲ್ಲದೇ ಒಳ್ಳೆಯ ವ್ಯಕ್ತಿತ್ವ ಹೊಂದಿರುವವರು ನರಕಕ್ಕೆ ಹೋಗುವುದಾದರೂ ಏಕೆ ಎಂಬ ಪ್ರಶ್ನೆಗೆ ಉತ್ತರವಿಲ್ಲ. ಅಲ್ಲಾಹ್ನಿಗೆ ಹಿಂದಿನದ್ದು, ಮುಂದಿನದ್ದು ಎಲ್ಲಾ ಗೊತ್ತಿರುವಾಗ ಕೆಲವರನ್ನು ಮಾತ್ರ ಕೆಟ್ಟ ಪಥದಲ್ಲಿ ನಡೆಸಿ ಆ ಕಾರಣಕ್ಕೆ ಅವರನ್ನೇ ಶಿಕ್ಷಿಸುವುದು ಯಾವ ನ್ಯಾಯ? ಭೂಮಿಯ ಮೇಲೆ ಹೆಂಡ ಕುಡಿಯುವುದನ್ನು ನಿಷೇಧಿಸಿ ಸ್ವರ್ಗದಲ್ಲಿ ಹೆಂಡದ ಹೊಳೆ ಹರಿಸುವುದೇಕೆ? ಎಂಬ ಅನೇಕ ಪ್ರಶ್ನೆಗಳನ್ನು ಅವರು ಕೇಳುತ್ತಾರೆ ಎಂದು ವಿಟೇಕರ್ ವಾದಿಸುತ್ತಾರೆ. ಹಾಗಂತ ಇಸ್ಲಾಂ ತೊರೆಯುವ ಮುನ್ನ ಸಾಕಷ್ಟು ಪರಿತಪಿಸಿ ಮೂಲಗ್ರಂಥಗಳನ್ನೆಲ್ಲ ಅಧ್ಯಯನ ಮಾಡಿ ತಾವು ಓದಿರುವ ಗ್ರಂಥವೂ ಕೂಡ ಅದರಂತೆಯೇ ಇದೆ ಎಂದು ಖಾತ್ರಿ ಪಡಿಸಿಕೊಂಡೇ ಬಿಟ್ಟುಹೋಗುತ್ತಾರೆ!

ಇವೆಲ್ಲದರೊಟ್ಟಿಗೆ ಜಗತ್ತಿನಾದ್ಯಂತ ಮುಸಲ್ಮಾನರು ನಡೆಸುತ್ತಿರುವ ದೊಂಬಿ-ಗಲಾಟೆಗಳು ಸಭ್ಯ, ಬುದ್ಧಿವಂತ, ಸಹನೆಯ ವ್ಯಕ್ತಿತ್ವವುಳ್ಳ ಯಾವ ಮುಸಲ್ಮಾನನನ್ನೂ ಸಂಪ್ರೀತಿಗೊಳಿಸಲಾರದು. ಇಂದಿನ ದಿನದ ಭಾವನೆ ಹೇಗಿದೆ ಎಂದರೆ ಮುಸಲ್ಮಾನರ ಸಂಖ್ಯೆ ಹೆಚ್ಚುತ್ತಿದ್ದಂತೆ ಇತರರು ಬದುಕುವುದೇ ಸಾಧ್ಯವಿಲ್ಲ ಎಂಬಷ್ಟರಮಟ್ಟಿಗೆ. ಇದು ಅವರಲ್ಲಿ ಜಾಗೃತಿ ಮೂಡಿಸಬೇಕಾಗಿರುವ ಸಂಗತಿಗಳು. ಅಚ್ಚರಿ ಎಂದರೆ ಈ ಲೇಖನದಲ್ಲಿ ಅರಬ್ ರಾಷ್ಟ್ರಗಳಷ್ಟೇ ಅಲ್ಲದೇ, ಪಾಕಿಸ್ತಾನ, ಭಾರತಗಳಲ್ಲೂ ಕೂಡ ತರುಣ ಮುಸಲ್ಮಾನರು ತಮ್ಮ ಮತ ಬಿಟ್ಟು ತೆರಳುತ್ತಿರುವುದರ ಕುರಿತಂತೆ ಉಲ್ಲೇಖಿಸಲಾಗಿದೆ. ಆದರೆ ಹೀಗೆ ಮತ ತೊರೆದವರು ಯಾರಿಗೂ ಹೇಳದೇ ಅದನ್ನು ಬಚ್ಚಿಟ್ಟುಕೊಳ್ಳುವುದರಿಂದ ಅದು ಹೊರಬರುವುದಿಲ್ಲ ಎಂದೂ ಅಭಿಪ್ರಾಯ ಪಡುತ್ತಾರೆ.

ಏನೇ ಆಗಲಿ, ಸೌಹಾರ್ದಯುತವಾಗಿ ಬದುಕಲು ಎಲ್ಲರೂ ಪ್ರಯತ್ನಿಸಬೇಕಾಗಿರುವ ಹೊತ್ತು ಇದು. ನಾವು ನಾಲ್ಕೋ ಆರನೆಯದ್ದೋ ಶತಮಾನದಲ್ಲಿಲ್ಲ. 21ನೇ ಶತಮಾನದಲ್ಲಿದ್ದೇವೆ. ಆಧುನಿಕ ವಿಜ್ಞಾನದೊಂದಿಗೆ ಎಲ್ಲವನ್ನೂ ಒರೆಗೆ ಹಚ್ಚಿ ಸತ್ಯವನ್ನು ಅನುಸರಿಸಬೇಕಾದ ಸಾಮಥ್ರ್ಯ ಪಡೆದಿದ್ದೇವೆ. ಜಾಗೃತರಾಗುವ ಹೊತ್ತು ಬಂದಿದೆ!

ಎಡಪಂಥೀಯರ ಬಂಡವಾಳ ಬಯಲಾದಷ್ಟೂ ರಾಷ್ಟ್ರಕ್ಕೆ ಒಳ್ಳೆಯದೇ!

ಎಡಪಂಥೀಯರ ಬಂಡವಾಳ ಬಯಲಾದಷ್ಟೂ ರಾಷ್ಟ್ರಕ್ಕೆ ಒಳ್ಳೆಯದೇ!

ಎಡಪಂಥೀಯರದ್ದು ವಿಚಿತ್ರವಾದ ಸಿದ್ಧಾಂತ. ತಮ್ಮವರು ಏನು ಮಾಡಿದರೂ ಸರಿಯೇ. ತಮ್ಮನ್ನೊಪ್ಪದವರು ಏನು ಮಾಡಿದರೂ ತಪ್ಪೇ. ಇದು ಇಂದಿನ ಚಿಂತನೆಯಲ್ಲ ಅವರದ್ದು. ಹುಟ್ಟಿದಾಗಿನಿಂದಲೂ ಹಾಗೆಯೇ. ಚೀನಾವನ್ನೇ ನೋಡಿ. ವೈರಸ್ಸನ್ನು ಜಗತ್ತಿಗೆ ಹಬ್ಬಿಸಿ ಲಕ್ಷಾಂತರ ಜನರ ಸಾವಿಗೆ ಕಾರಣವಾಗಿ, ಕೋಟ್ಯಂತರ ಜನರ ಬದುಕನ್ನು ಧ್ವಂಸಗೊಳಿಸಿದ್ದು ಸರಿಯಾದ ಕ್ರಮ. ಆದರೆ ಅಕ್ಕಪಕ್ಕದ ರಾಷ್ಟ್ರಗಳು ತಮ್ಮ-ತಮ್ಮ ಗಡಿಯ ರಕ್ಷಣೆ ಮಾಡಿಕೊಳ್ಳುತ್ತಾ ಇತರ ರಾಷ್ಟ್ರಗಳೊಂದಿಗೆ ಸಹಕಾರ ವೃದ್ಧಿಸಿಕೊಳ್ಳುವುದನ್ನು ಅದು ತಪ್ಪೆನ್ನುತ್ತದೆ. ತಾನು ಟಿಬೆಟ್ ನುಂಗಿದ್ದು ತಪ್ಪಲ್ಲ. ಆದರೆ ಭಾರತ ತನ್ನದ್ದೇ ಅಂಗವಾಗಿರುವ ಪಾಕ್ ಆಕ್ರಮಿತ ಕಾಶ್ಮೀರವನ್ನು ಮರಳಿ ಪಡೆಯುತ್ತೇನೆಂದರೆ ತಪ್ಪು. ತನ್ನ ದೇಶದಲ್ಲಿ ಮುಸಲ್ಮಾನರ ಬದುಕನ್ನು ನರಕಕ್ಕಿಂತಲೂ ಕಡೆಯಾಗಿಸಿದ ಚೀನಾ ಭಾರತೀಯರು 370ನೇ ವಿಧಿಯನ್ನು ಕಿತ್ತೊಗೆದು ಕಾಶ್ಮೀರದ ಮುಸಲ್ಮಾನರನ್ನು ಪ್ರತ್ಯೇಕತಾವಾದಿಗಳ ಕಬಂಧ ಬಾಹುವಿನಿಂದ ಬಿಡಿಸಿ ತಂದಿದ್ದು ಅಕ್ಷಮ್ಯವಂತೆ. ಇದೇ ಚಾಳಿ ಈ ದೇಶದ ಕಮ್ಯುನಿಸ್ಟರಿಗೂ ಇದೆ. ಒಂದಷ್ಟು ಘಟನೆಗಳನ್ನು ಈ ಹಿನ್ನೆಲೆಯಲ್ಲೇ ನಿಮ್ಮ ಮುಂದಿಡುವ ಪ್ರಯತ್ನ. ಇತ್ತೀಚೆಗೆ ಸುಷಾಂತ್ಸಿಂಗ್ ಸುದ್ದಿಯಲ್ಲಿರುವ ಚಿತ್ರನಟ. ಆತ ನಿಗೂಢವಾಗಿ ಸಾವನ್ನಪ್ಪಿದ್ದು ಮುಂಬೈ ಪೊಲೀಸರ ಪಾಲಿಗೆ ಸಹಜ ಸಾವು ಎನಿಸಿಕೊಂಡಿತ್ತು. ಆದರೆ ಮಾಧ್ಯಮಗಳು ಹಿಂದೆ ಬಿದ್ದು ಆ ಸಾವಿನ ತನಿಖೆಯನ್ನು ಸಿಬಿಐಗೆ ವಹಿಸಲೇಬೇಕೆಂಬ ಆಗ್ರಹ ಮಂಡಿಸಿದವು. ಈ ಪ್ರಕರಣದಲ್ಲಿ ಶಿವಸೇನಾ ಮುಖ್ಯಸ್ಥನೊಬ್ಬ ಭಾಗಿಯಾಗಿರುವ ಅನುಮಾನವಿದ್ದುದರಿಂದ ಹೇಗಾದರೂ ಮಾಡಿ ಸುಷಾಂತ್ ಸಾವಿಗೆ ನ್ಯಾಯ ದೊರಕಬೇಕೆಂದರೆ ಪ್ರಕರಣ ಮುಂಬೈ ಪೊಲೀಸರಿಂದ ದಾಟಲ್ಪಡಲೇಬೇಕಿತ್ತು. ಇಡಿಯ ದೇಶ ಈ ಪರವಾಗಿ ದನಿ ಎತ್ತಿತು. ಪರಿಣಾಮ ಕೋಟರ್ಿನ ಮೂಲಕ ಪ್ರಕರಣ ಕಡ್ಡಾಯವಾಗಿ ಸಿಬಿಐಗೆ ವಗರ್ಾವಣೆಯಾಯ್ತು. ಅಷ್ಟರೊಳಗೆ ಪ್ರಕರಣದ ಸಾಕ್ಷ್ಯವನ್ನು ಮುಚ್ಚಿಹಾಕಲು, ಪ್ರಕರಣದ ವಿಚಾರಣೆ ನಡೆಸಲೆತ್ನಿಸಿದ ಬಿಹಾರ್ ಪೊಲೀಸರ ಉತ್ಸಾಹ ತಗ್ಗಿಸಲು ಮುಂಬೈ ಪೊಲೀಸರು ಮಾಡಿದ ಸಾಹಸ ಅಂತಿಂಥದ್ದಲ್ಲ. ಬಿಹಾರ್ ಪೊಲೀಸರು ವಿಚಾರಣೆಗೆಂದು ಬಂದೊಡನೆ ಬೇಕಂತಲೇ 14 ದಿನಗಳ ಕಾಲ ಅವರನ್ನು ಕ್ವಾರೆಂಟೈನ್ಗೆ ತಳ್ಳಲಾಯ್ತು. ಪ್ರಕರಣದ ವಿಚಾರಣೆಯಲ್ಲಿ ಯಾವ ದೋಷವೂ ಆಗಿಲ್ಲವೆಂದು ತೋರ್ಪಡಿಸಲು ಹರಸಾಹಸ ಮಾಡಲಾಯ್ತು. ಆಗ ಮಾಧ್ಯಮಗಳು ತಾವೇ ತನಿಖೆಯನ್ನು ಕೈಗೆತ್ತಿಕೊಂಡು ಅನೇಕ ಸೂಕ್ಷ್ಮ ಸಂಗತಿಗಳನ್ನು ಹೊರಗೆಡವುತ್ತಿದ್ದಂತೆ ಮುಂಬೈ ಪೊಲೀಸರು ಕಕ್ಕಾಬಿಕ್ಕಿಯಾದರು. ಮುಂದೇನು ಮಾಡಬೇಕೆಂದು ತೋಚದೇ ಇರುವಾಗಲೇ ಸಿಬಿಐ ಮುಂಬೈಗೆ ಧಾವಿಸಿತು. ಮಾಧ್ಯಮಗಳೂ ಕೂಡ ಒಂದು ಹೆಜ್ಜೆ ಹಿಂದೆ ಬರದೇ ಪ್ರಕರಣದಲ್ಲಿರುವ ಅನೇಕ ಸೂಕ್ಷ್ಮ ಸಂಗತಿಗಳನ್ನು ಬಯಲಿಗೆಳೆಯಲಾರಂಭಿಸಿದವು. ಆಗಲೇ ಇಡೀ ದೇಶಕ್ಕೆ ಕಂಟಕವಾದ ಡ್ರಗ್ ಮಾಫಿಯಾ ಹೊರಬಂದದ್ದು. ಈ ಮಾಫಿಯಾದಲ್ಲಿ ಬಲುದೊಡ್ಡ ಪಾತ್ರ ವಹಿಸಿರುವುದು ಬಾಲಿವುಡ್ನ ನಟನಟಿಯರೇ ಎಂಬುದು ಈ ಹಂತದಲ್ಲೇ ಬೆಳಕಿಗೆ ಬಂತು. ಇವರದ್ದೇ ಪ್ರಭಾವದಿಂದಾಗಿ ಕನ್ನಡದ ನಟನಟಿಯರೂ ಈ ರೀತಿಯ ಚಟುವಟಿಕೆಗಳಲ್ಲಿ ಪಾಲ್ಗೊಂಡಿರುವುದು ಈಗ ಬೆಳಕಿಗೆ ಬಂದಿದೆ. ಇಷ್ಟೆಲ್ಲಾ ಇರುವಾಗ್ಯೂ ರಾಜ್ದೀಪ್ ಸರದೇಸಾಯಿಯಂತಹ ಎಡಪಂಥೀಯ ಪತ್ರಕರ್ತರು ಮಾಧ್ಯಮಗಳ ಈ ಹೋರಾಟದ ಕುರಿತಂತೆ ಆಕ್ರೋಶ ವ್ಯಕ್ತಪಡಿಸುತ್ತಾರೆ. ತಾವೇ ವಿಚಾರಣೆ ನಡೆಸುವ ಮಾಧ್ಯಮಗಳ ಈ ಧಾವಂತಿಕೆಯನ್ನು ಅವರು ವಿರೋಧಿಸುತ್ತಾರೆ. ಅಚ್ಚರಿಯೆಂದರೆ ಇವರುಗಳೇ ಜಸ್ಟೀಸ್ ಲೋಯಾ ಸಾವಿಗೆ ಹತ್ಯೆಯ ರಂಗು ಕೊಟ್ಟಿದ್ದು. ಸ್ವತಃ ಲೋಯಾ ಕುಟುಂಬದವರೇ ಇದು ಕೊಲೆಯಲ್ಲ. ಆತ್ಮಹತ್ಯೆ ಎಂದು ಒತ್ತಿ-ಒತ್ತಿ ಹೇಳುವಾಗಲೂ ಎಡಪಂಥೀಯ ಪತ್ರಕರ್ತರೂ ಮಾತ್ರ ಬಿಟ್ಟೂ ಬಿಡದೇ ಅದನ್ನು ಕೊಲೆ ಎಂದು ಸಾಬೀತುಪಡಿಸುವ ಹಠಕ್ಕೆ ಬಿದ್ದಿದ್ದರು. ಅದೃಷ್ಟವಶಾತ್ ನ್ಯಾಯಾಲಯ ಕೊನೆಯಲ್ಲಿ ಜಸ್ಟೀಸ್ ಲೋಯಾ ಸಾವಿನಲ್ಲಿ ಮೋದಿಯಾಗಲೀ ಅಮಿತ್ಶಾ ಆಗಲೀ ಯಾವ ಪಾತ್ರ ವಹಿಸಿಲ್ಲವೆಂದು, ಅದು ಸಹಜ ಸಾವೆಂದು ತೀಪರ್ು ಕೊಟ್ಟಿತು. ಅಷ್ಟಾದರೂ ಅವರುಗಳಿಗೆ ಸಮಾಧಾನವಿಲ್ಲ. ಈಗಲೂ ಅದೇ ವಿಚಾರವನ್ನು ಕೆದಕುತ್ತಾ ಸ್ವತಃ ಪ್ರಧಾನಮಂತ್ರಿಯೇ ಈ ಹತ್ಯೆಯ ಸಂಚಿನಲ್ಲಿದ್ದಾರೆ ಎಂದು ಹೇಳಲೂ ಹಿಂಜರಿಯುವುದಿಲ್ಲ. ಆಗೆಲ್ಲಾ ಇದು ಮೀಡಿಯಾಗಳೇ ನಡೆಸುತ್ತಿರುವ ವಿಚಾರಣೆ ಎಂದು ಎಡಪಂಥೀಯರಿಗೆ ಅನ್ನಿಸಲೇ ಇಲ್ಲ. ಬಿಹಾರದ ಚುನಾವಣೆಗೆ ಸುಷಾಂತ್ನ ಹತ್ಯೆಯ ವಿಚಾರವನ್ನು ಬಿಜೆಪಿ ಬಳಸಿಕೊಳ್ಳುತ್ತಿದೆ ಎಂದು ಆರೋಪಿಸುವ ಎಡಪಂಥೀಯ ಪತ್ರಕರ್ತರು ಮಹಾರಾಷ್ಟ್ರ ಚುನಾವಣೆಯಲ್ಲಿ ಜಸ್ಟೀಸ್ ಲೋಯಾ ಬಳಕೆಯಾಗಿದ್ದನ್ನು ಮತ್ತು ಮೋದಿ ಕಳೆಗುಂದಿಸುವಲ್ಲಿ ಅದನ್ನು ತಾವೂ ಬಳಸಿದ್ದರ ಕುರಿತಂತೆ ಚಕಾರವೆತ್ತಲಿಲ್ಲ.

ಕಂಗನಾ ವಿಷಯದಲ್ಲೂ ಹಾಗೆಯೇ ಆಯ್ತು. ಶಿವಸೇನೆಯ ಸಂಜಯ್ ರೌತ್ ಆಕೆಯನ್ನು ಮುಂಬೈಯಲ್ಲಿ ಇರುವಂತಿಲ್ಲ ಎಂದು ತಾಕೀತು ಮಾಡಿದ. ಕಂಗನಾಳ ಜಾಗದಲ್ಲಿ ಬೇರೆ ಯಾರಾದರೂ ಇದ್ದಿದ್ದರೆ ಶಿವಸೈನಿಕರ ಕಾಲಿಗೆ ಬಿದ್ದು ಕ್ಷಮೆ ಕೇಳಬೇಕಿತ್ತೇನೋ. ಆಕೆ ತಲೆಕೆಡಿಸಿಕೊಳ್ಳಲಿಲ್ಲ. ಝಾನ್ಸಿ ರಾಣಿಯ ಮೇಲಿನ ತನ್ನ ಸಿನಿಮಾ ಹೊರಬರುವಾಗ ರಾಜಸ್ತಾನದ ಕಣರ್ಿ ಸೇನಾ ಪುಂಡಾಟಿಕೆ ಮಾಡಹೊರಟಿತ್ತಲ್ಲ ಆಗ ಕಚ್ಚೆ ಕಟ್ಟಿ ನಿಂತ ಈ ಹೆಣ್ಣುಮಗಳು, ‘ನಾನೂ ರಜಪೂತಳೇ. ತಾಕತ್ತಿದ್ದರೆ ಸಿನಿಮಾ ನಿಲ್ಲಿಸಿ, ನೋಡಿಬಿಡುತ್ತೇನೆ’ ಎಂದಿದ್ದಳು. ಕಣರ್ಿ ಸೇನಾ ಮಾತೂ ಆಡದೇ ತೆಪ್ಪಗಾಯ್ತು. ಈ ಬಾರಿಯೂ ಹಾಗೆಯೇ. ಮುಂಬೈ ಯಾರಪ್ಪನದೂ ಅಲ್ಲ. ಹೀಗಾಗಿ ತನ್ನನ್ನು ಓಡಿಸುವ ತಾಕತ್ತು ಯಾರಿಗೂ ಇಲ್ಲ ಎಂಬ ಹೇಳಿಕೆಯನ್ನು ಆಕೆ ಮುಲಾಜಿಲ್ಲದೇ ಕೊಟ್ಟಳು. ‘ಮುಂಬೈ ಪಾಕ್ ಆಕ್ರಮಿತ ಕಾಶ್ಮೀರದಂತಾಗಿದೆ’ ಎಂಬ ಹೇಳಿಕೆ ಕೊಟ್ಟು ಉದ್ಧವ್ ಠಾಕ್ರೆಯ ಸಕರ್ಾರಕ್ಕೆ ಕೈಗನ್ನಡಿ ಹಿಡಿದಳು ಆಕೆ. ಮೈಯ್ಯಲ್ಲಾ ಪರಚಿಕೊಂಡ ಸಂಜಯ್ ರೌತ್ ಕಂಗನಾ ಪಾಕಿಸ್ತಾನಕ್ಕೆ ಹೋಗುವುದಿದ್ದರೆ ನಾನೇ ಹಣಕೊಟ್ಟು ಕಳಿಸಿಕೊಡುವೆ ಎಂದು ಹೇಳಿ ಮತ್ತಷ್ಟು ವಿವಾದವನ್ನು ಮೈಮೇಲೆಳೆದುಕೊಂಡ. ಏಕೆಂದರೆ ಪಿಒಕೆ ಭಾರತದ ಅಂಗ ಎಂದು ಹೇಳುತ್ತಿದ್ದ ಹಿಂದೂಪರ ಪಕ್ಷಗಳಲ್ಲಿ ಶಿವಸೇನೆಯೇ ಮುಖ್ಯಭೂಮಿಕೆಯಲ್ಲಿತ್ತು. ಈ ಹೇಳಿಕೆಗೆ ಪ್ರತಿಕ್ರಿಯಿಸುವ ಭರದಲ್ಲಿ ಆತ ಅದನ್ನು ಪಾಕಿಸ್ತಾನಕ್ಕೆ ಬರೆದುಕೊಟ್ಟುಬಿಟ್ಟಿದ್ದ. ಜನರ ಬೈಗುಳಗಳನ್ನು ತಡೆಯಲಾಗದೇ ಮತ್ತೊಂದು ತಪ್ಪು ಹೆಜ್ಜೆಯನ್ನಿಟ್ಟು ಮಾಧ್ಯಮಗಳ ಮುಂದೆ ಕಂಗನಾಳನ್ನು ಅತ್ಯಂತ ಕೆಟ್ಟ ಪದಗಳಲ್ಲಿ ನಿಂದಿಸಿಬಿಟ್ಟ. ಮಾತೆತ್ತಿದರೆ ಸ್ತ್ರೀವಾದದ ಕುರಿತಂತೆ ಅರಚಾಡುತ್ತಾ ಹಿಂದೂಧರ್ಮದ ವಿರುದ್ಧ ಬೊಟ್ಟು ಮಾಡಿ ತೋರಿಸುವ ಎಡಪಂಥೀಯರು ಈಗೇಕೋ ಬಾಯಿಮುಚ್ಚಿ ಕುಳಿತಿದ್ದರು. ಈ ಹಿಂದೆ ಸುಷಾಂತ್ನ ಪ್ರಕರಣದ ಹಿನ್ನೆಲೆಯಲ್ಲಿ ಬಿಹಾರ್ ಪೊಲೀಸರನ್ನು, ಅಲ್ಲಿನ ಮುಖ್ಯಮಂತ್ರಿಯನ್ನು ನಿಂದಿಸಿದ್ದ ರಿಯಾ ಚಕ್ರವತರ್ಿಯನ್ನು ಬಿಹಾರ್ ಪೊಲೀಸ್ ಮುಖ್ಯಸ್ಥರು ತರಾಟೆಗೆ ತೆಗೆದುಕೊಂಡಾಗ ಇದೇ ಎಡಪಂಥೀಯ ಪಟಾಲಂ ಉರಿದುಬಿದ್ದಿತ್ತು. ಬಿಹಾರದ ಪೊಲೀಸರು ಕ್ಷಮೆ ಯಾಚಿಸಬೇಕೆಂದು ಆಗ್ರಹಿಸಿತ್ತು. ಈಗ ರಾಜಕೀಯ ನಾಯಕನೊಬ್ಬ ಕಂಗನಾಳ ವಿರುದ್ಧ ನಿಂದನೆಯ ಪದಗಳನ್ನು ಬಳಸಿದಾಗಲೂ ಅವರು ಮಾತ್ರ ತಲೆಕೆಡಿಸಿಕೊಂಡಿರಲಿಲ್ಲ.

ಕನರ್ಾಟಕದಲ್ಲೂ ಇಂಥವರಿಗೆ ಕೊರತೆ ಇಲ್ಲ. ಅಗತ್ಯಕ್ಕೆ ತಕ್ಕಂತೆ ಮಾತುಗಳನ್ನು ಬದಲಾಯಿಸುವ, ಹೊಣೆಗಾರಿಕೆಯಿಂದ ನುಣುಚಿಕೊಳ್ಳುವ ಮಂದಿ ಬೇಕಾದಷ್ಟಿದ್ದಾರೆ. ಗೌರಿ ಹತ್ಯೆಯ ಕುರಿತಂತೆ ಅಷ್ಟೆಲ್ಲಾ ಅರಚಾಡಿದವರು ಒಂದಾದ ಮೇಲೊಂದು ಹಿಂದೂಗಳ ಹತ್ಯೆಯಾಯಿತಲ್ಲ, ಆಗ ಮಾತನಾಡಲೇ ಇಲ್ಲ. ಡಿ.ಜೆ ಹಳ್ಳಿಯ ಪ್ರಕರಣದಲ್ಲಂತೂ ಹಿಂದೂಗಳ ಮನೆಯನ್ನೇ ಹುಡು-ಹುಡುಕಿ ಧ್ವಂಸಗೊಳಿಸಲಾಯ್ತು. ಆ ಮೂಲಕ ಆ ಭಾಗದ ಹಿಂದೂಗಳಲ್ಲಿ ಭಯದ ವಾತಾವರಣವನ್ನು ಹುಟ್ಟಿಸಿ ಅವರೆಲ್ಲರೂ ಆ ಪ್ರದೇಶವನ್ನೇ ಬಿಟ್ಟು ಮುಸಲ್ಮಾನರಿಗೆ ಕಾಣಿಕೆಯಾಗಿ ಕೊಟ್ಟು ಹೋಗಬೇಕೆಂಬ ರೀತಿಯಲ್ಲೆ ದಂಗೆಗಳನ್ನು ನಡೆಸಲಾಯ್ತು. ಸ್ವತಃ ಶಾಸಕರನ್ನೆ ಬಿಡದ ಜನ ಇನ್ನು ಸಾಮಾನ್ಯರ ಕುರಿತಂತೆ ತಲೆಕೆಡಿಸಿಕೊಳ್ಳುವರೇನು? ಒಟ್ಟಾರೆ ಭಯದ ವಾತಾವರಣವನ್ನು ಸೃಷ್ಟಿಮಾಡಿ ಮುಸಲ್ಮಾನರ ವಿರುದ್ಧ ಯಾರೂ ಮಾತನಾಡದಂತೆ ಮಾಡಿಬಿಟ್ಟರಲ್ಲಾ, ಧರಣಿಕೋರರಲ್ಲಿ ಒಬ್ಬರಾದರೂ ಟೌನ್ಹಾಲ್ ಮುಂದೆ ಕಾಣಿಸಿಕೊಂಡರಾ? ದೂರದ ಬಿಹಾರದಲ್ಲಿ, ಉತ್ತರ ಪ್ರದೇಶದಲ್ಲಿ ಒಂದಿಬ್ಬರು ಮುಸಲ್ಮಾನರ ಹತ್ಯೆಯಾದಾಗ ಇಲ್ಲಿ ಅಸಹಿಷ್ಣುತೆಯ ಕೂಗೆಬ್ಬಿಸಿ ಅರಚಾಡಿದವರ್ಯಾರೂ ಈ ಹೊತ್ತಿನಲ್ಲಿ ಮಾತೇ ಆಡಲಿಲ್ಲವಲ್ಲಾ. ಈಗ ಅವರಿಗೆ ಅಸಹಿಷ್ಣುತೆಯ ಭೂತ ಕಾಣಲೇ ಇಲ್ಲವೇ? ಅದರಲ್ಲೂ ದಲಿತ ಶಾಸಕನ ಮೇಲಿನ ಮುಸಲ್ಮಾನರ ಈ ಅತ್ಯಾಚಾರ ಎಡಪಂಥೀಯರ ಕಣ್ ತಪ್ಪಿದ್ದಾದರೂ ಹೇಗೆ? ಪ್ರಶ್ನೆ ಕೇಳಬೇಕಲ್ಲ.

ಇವರ ದ್ವಂದ್ವ ನೀತಿ ಇಲ್ಲಿಗೇ ಮುಗಿಯುವುದಿಲ್ಲ. ಮಹಾರಾಷ್ಟ್ರದ ಪಾಲ್ಘರ್ನಲ್ಲಿ ಸಾಧುಗಳಿಬ್ಬರನ್ನು ಬರ್ಬರವಾಗಿ ಕೊಲ್ಲಲಾಯ್ತು. ಪೊಲೀಸರ ರಕ್ಷಣೆಯಲ್ಲಿದ್ದ ಸಾಧುಗಳು ತಮ್ಮನ್ನು ತಾವು ಸುರಕ್ಷಿತರೆಂದೇ ಭಾವಿಸಿದ್ದರು. ದುರಂತವೆಂದರೆ ಅದೇ ಪೊಲೀಸರು ಆ ಸಾಧುಗಳನ್ನು ದಂಗೆಕೋರರಿಗೆ ಒಪ್ಪಿಸಿದ್ದರು. ಇಡಿಯ ಪ್ರಕರಣದ ಹಿಂದೆ ಎಡಪಂಥೀಯರ ಪಡೆಯೊಂದಿತ್ತು ಎಂಬುದನ್ನು ಈಗ ಸತ್ಯಶೋಧಕ ಸಮಿತಿ ಹೊರಹಾಕಿದೆ. ಯಾವೊಬ್ಬನೂ ತುಟಿಪಿಟಿಕ್ ಎನ್ನುತ್ತಿಲ್ಲ. ತಮ್ಮ ಬೇಳೆ ಬೇಯಿಸಿಕೊಳ್ಳುವ ಹೋರಾಟವಿದ್ದಾಗ ಮಾತ್ರ ಬಾಯಿ ಬಿಡುತ್ತಾ ಅದಕ್ಕೆ ದಲಿತ ಸಂವೇದನೆಯ, ಸ್ತ್ರೀ ಸಂವೇದನೆಯ ಬಣ್ಣ ಬಳಿಯುತ್ತಾ ಕೂರುವ ಈ ಮಂದಿ ನಿಜವಾಗಿಯೂ ದಲಿತರಿಗೆ ಆಘಾತವಾದಾಗ, ಹೆಣ್ಣುಮಕ್ಕಳಿಗೆ ತೊಂದರೆಯಾದಾಗ ಬಾಯಿ ಬಿಡುವುದೇ ಇಲ್ಲ. ಇವರಿಗೆಲ್ಲ ಈಗಿರುವ ಒಂದೇ ಸಮಸ್ಯೆ ಎಂದರೆ ಅವರು ಆಶಾಭಾವನೆಯಿಂದ ನೋಡುತ್ತಿದ್ದ, ಮುಂದೊಂದು ದಿನ ತಮ್ಮೆಲ್ಲರ ಚಟುವಟಿಕೆಯ ಕೇಂದ್ರವಾಗಿ ನಿಲ್ಲುತ್ತದೆಂದು ಕನಸು ಕಾಣುತ್ತಿದ್ದ ಚೀನಾ ಕುಸಿದು ಬೀಳುತ್ತಿದೆ. ಅದಾಗಲೇ ಭಾರತ ಗಡಿಯಲ್ಲಿ ಪ್ರತಾಪ ತೋರಿರುವುದಲ್ಲದೇ 1962ರಲ್ಲಿ ಕಳೆದುಕೊಂಡಿದ್ದ ಕೆಲವು ಭೂಭಾಗಗಳನ್ನು ವಶಪಡಿಸಿಕೊಂಡಿರುವ ಸುದ್ದಿಯೂ ಬಂದಿದೆ. ರಷ್ಯಾದಲ್ಲಿ ಭಾರತದ ರಕ್ಷಣಾ ಸಚಿವರನ್ನು ಕಾಡಿ ಭೇಟಿ ಮಾಡಿದ ಚೀನಾದ ರಕ್ಷಣಾ ಸಚಿವರು ‘ಭಾರತ ನಮ್ಮ ಗಡಿ ಭಾಗದೊಳಕ್ಕೆ ನುಸುಳಲು ನಾವು ಬಿಡುವುದೇ ಇಲ್ಲ’ ಎಂಬ ಹೇಳಿಕೆ ಕೊಟ್ಟಿದ್ದಾರೆ. ಕಳೆದ ಎರಡು ದಶಕಗಳಿಂದ ಈ ಮಾತನ್ನು ನಾವು ಹೇಳುತ್ತಿದ್ದೆವು. ಭಾರತೀಯ ಸೇನಾನಿನಗಳ ಮನೋಬಲ ಬಲು ಎತ್ತರದಲ್ಲಿದೆ. ಚೀನಾ ಜಗತ್ತಿನ ಇತರೆ ರಾಷ್ಟ್ರಗಳಲ್ಲಿ ತನ್ನ ಪ್ರತಾಪವನ್ನು ತೋರಿಸಲು ಸಾಧ್ಯವಾಗದಂತೆ ಭಾರತವೇ ಚೀನಾವನ್ನು ಗಡಿಯಲ್ಲಿ ಕಟ್ಟಿ ಹಾಕಿದೆ. ಅದೇ ವೇಳೆಗೆ ಮುಸಲ್ಮಾನ ರಾಷ್ಟ್ರಗಳೊಂದಿಗೂ ಸೇರಿ ಜಗತ್ತಿನ ಅನೇಕ ರಾಷ್ಟ್ರಗಳೊಂದಿಗೆ ತನ್ನ ಬಾಂಧವ್ಯವನ್ನು ಭಾರತ ಬಲಗೊಳಿಸಿಕೊಳ್ಳುತ್ತಲೇ ನಡೆದಿದೆ. ಆಂತರಿಕವಾಗಿಯೂ ಚೀನಾ ಕುಸಿಯುವ ವಾತಾವರಣ ಸ್ಪಷ್ಟವಾಗಿ ಗೋಚರಿಸುತ್ತಿದೆ. ಹೀಗಾಗಿಯೇ ಚಡಪಡಿಸುತ್ತಿರುವ ಚೀನಾ ಭಾರತದೊಳಕ್ಕೆ ದಂಗೆಯನ್ನು ಹಬ್ಬಿಸಲು ಎಲ್ಲಿಲ್ಲದ ಪ್ರಯತ್ನ ಮಾಡುತ್ತಿದೆ. ಸಹಜವಾಗಿಯೇ ಅವರ ಮುಂದಿರುವ ಆಶಾಕಿರಣ ಕಾಂಗ್ರೆಸ್ಸು ಮತ್ತು ಎಡಪಂಥೀಯರು ಮಾತ್ರ. ಜೊತೆಗೆ ಜಿಹಾದಿಗಳು. ಇತ್ತೀಚೆಗೆ ತಾನೇ ಚೀನಾದ ಗ್ಲೋಬಲ್ ಟೈಮ್ಸ್ ಪತ್ರಿಕೆ ರಾಹುಲ್ ನೇತೃತ್ವದ ಕಾಂಗ್ರೆಸ್ಸು ಗಡಿ ವಿಚಾರವನ್ನು ಮುಂದಿಟ್ಟುಕೊಂಡು ನರೇಂದ್ರಮೋದಿಯ ವಿರುದ್ಧ ಆಂದೋಲನ ನಡೆಸಲು ಸಿದ್ಧತೆ ಮಾಡಿಕೊಂಡಿದೆ ಎಂಬರ್ಥದ ಟ್ವೀಟ್ ಮಾಡಿತ್ತು. ಇಷ್ಟು ದಿನ ಪಾಕಿಸ್ತಾನದ ಪತ್ರಿಕೆಗಳು ರಾಹುಲ್ನನ್ನು ಸಂಭ್ರಮಿಸುತ್ತಿದ್ದವು. ಈಗ ಚೀನಾದ ಪತ್ರಿಕೆಗಳೂ ಕೂಡ. ಎಲ್ಲ ಚುಕ್ಕಿಗಳೂ ಸೇರಿದರೆ ಭಾರತವನ್ನು ಚೂರುಗೊಳಿಸಬೇಕೆಂಬ ಇವರುಗಳ ವಿದ್ರೋಹದ ಚಿಂತನೆ ಕಣ್ಣಿಗೆ ರಾಚುವಂತಿದೆ. ಆದರೆ ಭಾರತೀಯರು ಹಿಂದೆಂದಿಗಿಂತಲೂ ಹೆಚ್ಚು ಜಾಗೃತವಾಗಿರುವುದರಿಂದ ಈಗೀಗ ಇವರ ಮನೋಗತಗಳೆಲ್ಲಾ ಬಯಲಿಗೆ ಬರುತ್ತಿವೆ. ಇದು ಭಾರತದ ಪುನರ್ ನಿಮರ್ಾಣದ ಪರ್ವಕಾಲ. ದೇಶವಿರೋಧಿ ಚಿಂತನೆ ನಡೆಸುವ ಇವರುಗಳ ಬಂಡವಾಳ ಹೆಚ್ಚು ಬಯಲಿಗೆ ಬಂದಷ್ಟೂ ಭಾರತ ಬಲುಬೇಗ ನಿಮರ್ಾಣಗೊಳ್ಳುತ್ತದೆ.

ಪರಿವಾರ ರಾಜಕೀಯಕ್ಕೆ ಅಂತ್ಯ ಬಂದಿದೆ!

ಪರಿವಾರ ರಾಜಕೀಯಕ್ಕೆ ಅಂತ್ಯ ಬಂದಿದೆ!

ರಾಜ್ದೀಪ್ ಸರ್ದೇಸಾಯಿಯೊಂದಿಗೆ ಜೊತೆಗಾರನಾಗಿ ಕುಳಿತುಕೊಳ್ಳುತ್ತಿದ್ದ ಅರ್ನಬ್ ಕ್ರಮೇಣ ಬೆಳೆಯುತ್ತಾ ಟೈಮ್ಸ್ ನೌನಲ್ಲಿ ತನ್ನದ್ದೇ ಆದ ಶೋ ನಡೆಸಿಕೊಡುವ ವೇಳೆಗೆ ಬಲಾಢ್ಯವಾಗಿಬಿಟ್ಟಿದ್ದ. ಆಳುವ ಸಕರ್ಾರದ ವಿರುದ್ಧದ 2ಜಿ, 3ಜಿ ಹಗರಣಗಳನ್ನು, ಕಾಮನ್ವೆಲ್ತ್ ಗೇಮ್ಸ್ ಹಗರಣವನ್ನು ಆತ ಬಯಲಿಗೆಳೆದು ಸಕರ್ಾರವನ್ನು ಪ್ರಶ್ನಿಸಿದ ರೀತಿ ಅನನ್ಯವಾಗಿತ್ತು.

ದೇಶ ಹೊಸ ದಿಕ್ಕಿನತ್ತ ಸಾಗುತ್ತಿದೆ. ಅನೇಕ ದೊಡ್ಡವರ ಬಂಡವಾಳಗಳು ಸಹಜವಾಗಿಯೇ ಹೊರಬರುತ್ತಿದೆ. ಒಂದು ದಶಕದ ಹಿಂದೆ ಗಾಂಧಿ ಪರಿವಾರದ ಕುರಿತಂತೆ ಈ ದೇಶದಲ್ಲಿ ಯಾರೂ ತುಟಿಪಿಟಿಕ್ ಎನ್ನುತ್ತಿರಲಿಲ್ಲ. ಈಗ ಹಾಗೇನಿಲ್ಲ. ಮಾಧ್ಯಮಗಳು ಮುಲಾಜಿಲ್ಲದೇ ಅವರು ಮಾಡಿರುವ ತಪ್ಪನ್ನು ಎತ್ತಿ ತೋರಿಸುತ್ತದೆ. ತೀರಾ ಇತ್ತೀಚೆಗೆ ಸೋನಿಯಾ ಮತ್ತೊಮ್ಮೆ ಕಾಂಗ್ರೆಸ್ಸಿನ ಚುಕ್ಕಾಣಿಯನ್ನು ತನ್ನ ತೆಕ್ಕೆಯಲ್ಲಿಟ್ಟುಕೊಂಡಿರುವುದೇ ಇದಕ್ಕೆ ಸಾಕ್ಷಿ. ಅವರ ಪರಿಸ್ಥಿತಿಯೂ ಹೇಗಾಗಿದೆ ಎಂದರೆ ಕಾಂಗ್ರೆಸ್ಸಿನೊಳಗಿರುವ ಹಿರಿಯರು ರಾಹುಲ್ ವಿರುದ್ಧ ತಿರುಗಿ ಬೀಳುವಷ್ಟು. ಇಷ್ಟು ವರ್ಷಗಳ ಕಾಲ ಪರಿವಾರದ ಜೀತ ಮಾಡಿಕೊಂಡು ಬಂದವರೂ ಏಕಾಕಿ ಹೀಗೆ ಪ್ರತಿಕ್ರಿಯಿಸುತ್ತಿರುವುದು ನೋಡಿದರೆ ಒಟ್ಟಾರೆ ಪರಿವಾರ ರಾಜಕೀಯ ಇನ್ನು ಮುಂದೆ ಅಂತ್ಯವಾಗುವ ಎಲ್ಲ ಲಕ್ಷಣಗಳೂ ಕಾಣುತ್ತಿವೆ. ಇದು ಭಾರತದ ಪಾಲಿಗೆ ಒಳ್ಳೆಯ ಸಂಗತಿಯೇ. ಹಾಗಂತ ಇದು ರಾಜಕೀಯದಲ್ಲಿ ಮಾತ್ರವಲ್ಲ, ಸಿನಿಮಾ ರಂಗದಲ್ಲೂ ಕೂಡ ಪರಿವಾರ ರಾಜಕೀಯ ಅಂತ್ಯಗೊಂಡು ಅನೇಕ ಸತ್ಯಗಳು ಬಯಲಿಗೆ ಬರುವ ಲಕ್ಷಣಗಳು ಗೋಚರವಾಗುತ್ತಿವೆ. ಸುಷಾಂತ್ ಸಿಂಗ್ ರಜಪೂತ್ ಅದಕ್ಕೆ ನಾಂದಿ ಹಾಡಿದ್ದಾನೆ ಅಷ್ಟೇ. ಯಾರು ಏನೇ ಹೇಳಲಿ ಅರ್ನಬ್ ಗೋಸ್ವಾಮಿಯನ್ನು ಮೆಚ್ಚಲೇಬೇಕು. ಆತ ಪತ್ರಿಕೋದ್ಯಮದಲ್ಲಿ ಬೆಳೆದು ಬಂದ ಹಾದಿ, ಈಗ ಆತ ಏರಿರುವ ಎತ್ತರವನ್ನು ಯಾರೂ ಅವಗಣನೆ ಮಾಡಲು ಸಾಧ್ಯವೇ ಇಲ್ಲ. ರಾಜ್ದೀಪ್ ಸರ್ದೇಸಾಯಿಯೊಂದಿಗೆ ಜೊತೆಗಾರನಾಗಿ ಕುಳಿತುಕೊಳ್ಳುತ್ತಿದ್ದ ಅರ್ನಬ್ ಕ್ರಮೇಣ ಬೆಳೆಯುತ್ತಾ ಟೈಮ್ಸ್ ನೌನಲ್ಲಿ ತನ್ನದ್ದೇ ಆದ ಶೋ ನಡೆಸಿಕೊಡುವ ವೇಳೆಗೆ ಬಲಾಢ್ಯವಾಗಿಬಿಟ್ಟಿದ್ದ. ಆಳುವ ಸಕರ್ಾರದ ವಿರುದ್ಧದ 2ಜಿ, 3ಜಿ ಹಗರಣಗಳನ್ನು, ಕಾಮನ್ವೆಲ್ತ್ ಗೇಮ್ಸ್ ಹಗರಣವನ್ನು ಆತ ಬಯಲಿಗೆಳೆದು ಸಕರ್ಾರವನ್ನು ಪ್ರಶ್ನಿಸಿದ ರೀತಿ ಅನನ್ಯವಾಗಿತ್ತು. ಅಲ್ಲಿಯವರೆಗೂ ತಾವು ಮಾಡಿದ್ದೇ ಸತ್ಯವೆಂಬಂತೆ ಬೀಗುತ್ತಿದ್ದ ಕಾಂಗ್ರೆಸ್ಸು ಅರ್ನಬ್ ಕೇಳುವ ಪ್ರಶ್ನೆಗಳಿಗೆ ಉತ್ತರಿಸಲಾಗದೇ ಪತರಗುಟ್ಟಿ ಹೋಗುತ್ತಿತ್ತು. ಅನೇಕ ಬಾರಿ ಕಾಂಗ್ರೆಸ್ಸಿನ ವಕ್ತಾರರು ಚಚರ್ೆಯ ನಡುವೆಯೇ ಎದ್ದು ಹೋಗಿದ್ದು ಮತ್ತು ಚಚರ್ೆಗೆ ಬರುವುದಿಲ್ಲವೆಂದು ತಮಗೆ ತಾವೇ ನಿರ್ಬಂಧ ಹೇರಿಕೊಂಡಿದ್ದು ಆಗಿಬಿಟ್ಟಿದೆ. ಯಾವುದಾದರೊಂದು ವಿಚಾರವನ್ನು ಹಿಡಿದುಕೊಂಡರೆ ಆತ ದಿನೇ ದಿನೇ ಅದರ ಕುರಿತಂತೆ ಹೊಸ-ಹೊಸ ಸಂಗತಿಗಳನ್ನು ಹುಡುಕಾಡುತ್ತಾ ತನ್ನ ತಂಡವನ್ನು ಬಳಸಿಕೊಂಡು ಆಳಕ್ಕೆ ಹೊಕ್ಕು ಸತ್ಯ ಅನಾವರಣ ಮಾಡುವ ಪರಿ ದೇಶದ ಮೆಚ್ಚುಗೆಗೆ ಪಾತ್ರವಾಗಿದೆ. ಹೀಗಾಗಿಯೇ ಆತ ಟೈಮ್ಸ್ ನೌನಲ್ಲಿದ್ದಾಗಲೂ ಅಗ್ರಣಿಯೇ ಮತ್ತು ಈಗಲೂ ಅಗ್ರಣಿಯೇ.

5

ಟೈಮ್ಸ್ ನೌನ ಮಾಲೀಕರು ಸಕರ್ಾರದ ವಿರುದ್ಧ ಬೆಂಕಿ ಕಾರುತ್ತಿರುವ ಅರ್ನಬ್ಗೆ ಚೌಕಟ್ಟು ಹಾಕಲೆತ್ನಿಸಿದಾಗ ಪ್ರತಿಭಟಿಸಿ ಬಿಟ್ಟುಬಂದವ ರಿಪಬ್ಲಿಕ್ ಎಂಬ ಸ್ವಂತದ ಸಂಸ್ಥೆಯನ್ನು ಕಟ್ಟಿಕೊಂಡ. ಅದರ ಮೂಲಕ ಮತ್ತೆ ತನ್ನ ಬಿಡುಬೀಸಾದ ಮಾತಿನ ಮೂಲಕ ಜನರನ್ನು ಸೆಳೆದ. ನೋಡ-ನೋಡುತ್ತಲೇ ಹೊಸದಾಗಿ ಶುರುವಾದ ಹಿಂದಿ ಮತ್ತು ಇಂಗ್ಲೀಷ್ ಚಾನೆಲ್ಗಳೆರಡನ್ನೂ ನಂಬರ್ ಒನ್ ಪಟ್ಟಕ್ಕೇರಿಸಿ ಕೂರಿಸಿಬಿಟ್ಟ. ಅದೂ ಎಂತಹ ಸಂದರ್ಭದಲ್ಲಿ? ಬಹುತೇಕ ಪತ್ರಕರ್ತರ ಸಮೂಹ ಅವನ ವಿರುದ್ಧವೇ ನಿಂತಿದ್ದಾಗ! ಅರ್ನಬ್ನ ಬೆಳವಣಿಗೆಯನ್ನು ಸಹಿಸಲಾಗದೇ ಅವರು ಆಡಿಕೊಳ್ಳುವ, ಟ್ರಾಲ್ ಮಾಡುವ ಪ್ರಯತ್ನ ಮಾಡುತ್ತಿರುವಾಗಲೂ ಆತ ಮಾತ್ರ ಸದ್ದಿಲ್ಲದೇ ಬೆಳೆದುಬಿಟ್ಟ. ಅರ್ನಬ್ನ ವಿಚಾರದಲ್ಲಿ ಸದ್ದಿಲ್ಲದೇ ಎಂದರೆ ಯಾರೂ ನಂಬುವುದಿಲ್ಲ ಬಿಡಿ. ಏಕೆಂದರೆ ಅರ್ನಬ್ ಸದ್ದಿಗೇ ವಿಖ್ಯಾತನಾದವನು. ಅವನ ಕೂಗಾಟ ಒಂದು ನಶೆ ಇದ್ದಂತೆ. ‘ನನಗೆ ಅವನ ಕೂಗಾಟ ಹಿಡಿಸುವುದಿಲ್ಲ’ ಎಂದು ಹೇಳುವವರು ಬೇಡವೆಂದರೂ ಪ್ರತಿದಿನ ಅವನ ಡಿಬೆಟ್ ಅನ್ನು ನೋಡುತ್ತಲೇ ಕೂರುತ್ತಾರೆ. ಅದು ಅವನ ವೈಶಿಷ್ಟ್ಯ. ಈ ಕಾರಣದಿಂದಾಗಿಯೇ ಆತ ಈ ದೇಶದಲ್ಲಿ ಬಲುದೊಡ್ಡ ಒಪಿನಿಯನ್ ಮೇಕರ್ ಆಗಿ ಹೊರ ಹೊಮ್ಮಿದ್ದಾನೆ. ಆತ ಇಂದು ತೆಗೆದುಕೊಂಡ ವಿಚಾರ ಮರುದಿನ ದೇಶದಲ್ಲಿ ಬೆಂಕಿ ಹೊತ್ತಿಸಲು ಸಾಕು. ತನ್ನ ಮುಂಬೈನ ಸ್ಟುಡಿಯೊದಲ್ಲಿ ಕುಳಿತು ಕಾಂಗ್ರೆಸ್ಸಿನ ಅಧಿನಾಯಕಿ ಸೋನಿಯಾರನ್ನು ಆತ ಆಕೆಯ ಮೂಲ ಹೆಸರು ಆಂಟೋನಿಯೋ ಮೈನೋ ಎಂದು ಕರೆದದ್ದಕ್ಕೆ ಕುಪಿತವಾದ ಕಾಂಗ್ರೆಸ್ಸು ಆತನ ಮೇಲೆರಗಲು ಪ್ರಯತ್ನಿಸಿ ಸೋತಿತಲ್ಲ; ಆನಂತರ ಪೊಲೀಸ್ ಸ್ಟೇಶನ್ಗೆ ಆತನನ್ನು ಓಯ್ದು ಮಾನಸಿಕ ಹಿಂಸೆ ಕೊಡುವ ಪ್ರಯತ್ನ ನಡೆಸಿತಲ್ಲ, ಬೇರೆ ಯಾರಾದರೂ ಆಗಿದ್ದರೆ ಮುರಿದು ಬೀಳುತ್ತಿದ್ದರೇನೋ. ಅರ್ನಬ್ ಕಾಂಗ್ರೆಸ್ಸನ್ನು ಎದುರು ಹಾಕಿಕೊಳ್ಳಲು ತೊಡೆತಟ್ಟಿ ನಿಂತ. ಆತನನ್ನು ಬೇಕೆಂತಲೇ ಹಿಂಸಿಸಿದ ಶಿವಸೇನೆಗೆ ಆತ ಸರಿಯಾಗಿ ಪಾಠ ಕಲಿಸಿದ್ದು ಹೇಗೆ ಗೊತ್ತೇ? ಸುಷಾಂತ್ ಸಿಂಗ್ ರಜಪೂತ್ನ ಸಾವಿನ ನಿಗೂಢತೆಯ ಅಂತರಾಳವನ್ನು ಬೇಧಿಸುವ ಮೂಲಕ. ಅಲ್ಲಿಯವರೆಗೂ ಆತ್ಮಹತ್ಯೆ ಎಂದು ಬಿಂಬಿತವಾಗಿದ್ದ ಈ ಸಾವು ರಿಪಬ್ಲಿಕ್ ಮತ್ತು ಟೈಮ್ಸ್ ನೌ ಕೈ ಹಾಕಿದ ಮೇಲೆ ಒಂದೊಂದೇ ಎಳೆ ಅನಾವರಣಗೊಳ್ಳುತ್ತಾ ಸಾಗಿತು. ರಿಚಾ ಚಕ್ರವತರ್ಿ, ಆಕೆಯ ಹಿಂದಿರಬಹುದಾದ ಮಹೇಶ್ ಭಟ್, ಆತನನ್ನಾಡಿಸುವ ಸಲ್ಮಾನ್ ಖಾನ್, ಅವನ ಹಿಂದಿರುವ ದಾವೂದ್ ಇಬ್ರಾಹಿಂ ಒಬ್ಬೊಬ್ಬರಾಗಿ ಎಲ್ಲರೂ ಬೆಳಕಿಗೆ ಬರಲಾರಂಭಿಸಿದರು! ಅರ್ನಬ್ ಎಂತಹ ವೇದಿಕೆ ನಿಮರ್ಿಸಿಕೊಟ್ಟನೆಂದರೆ ಪರಿವಾರ ರಾಜಕೀಯದಿಂದಾಗಿ ಬೇಸತ್ತು ಬಸವಳಿದಿದ್ದ ಅನೇಕ ಕಲಾವಿದರು ಈಗ ವೇದಿಕೆಯಲ್ಲಿ ಮಾತನಾಡಲಾರಂಭಿಸಿದರು. ಶಾರುಖ್, ಸಲ್ಮಾನ್ ಇವರುಗಳ ಏಕಸ್ವಾಮ್ಯ ಹೊಂದುವ ಬಯಕೆಯನ್ನು ಒಬ್ಬೊಬ್ಬರಾಗಿ ಬಯಲಿಗೆ ತಂದರು. ಕಂಗನಾ ರನಾವತ್ ಆರಂಭಿಸಿದ ಈ ಪ್ರಹಾರ ಈಗ ಎಲ್ಲಿಯವರೆಗೂ ಬಂದಿದೆ ಎಂದರೆ ಇದು ನಿಲ್ಲುವ ಯಾವ ಲಕ್ಷಣವನ್ನೂ ತೋರುತ್ತಿಲ್ಲ. ಹೇಗೆ ರಾಜಕೀಯದಲ್ಲಿ ಪರಿವಾರದ ಏಕಸ್ವಾಮ್ಯವನ್ನು ಮುರಿಯುವ ಮಹತ್ತಾದ ಪ್ರಯತ್ನ ಆರಂಭವಾಗಿದೆಯೋ ಅದಕ್ಕೆ ನಿಮರ್ಾಣಗೊಂಡ ವೇದಿಕೆಯ ಮೇಲೆ ಅನೇಕ ಹಿರಿಯ ರಾಜಕಾರಣಿಗಳು ಮಾತನಾಡುತ್ತಿದ್ದಾರೋ, ಅದೇ ರೀತಿಯಲ್ಲೀಗ ಸಿನಿಮಾದಲ್ಲಿ ಶುರುವಾಗಿದೆ. ಮುಂದಿನ ದಿನಗಳಲ್ಲಿ ನಿಜವಾದ ಪ್ರತಿಭೆ ಇರುವ ವ್ಯಕ್ತಿಗಳು ಸಮಾಜದಲ್ಲಿ ಪ್ರಬಲವಾಗಿ ಮುನ್ನುಗ್ಗುವ ಎಲ್ಲ ಅವಕಾಶಗಳನ್ನೂ ಪಡೆದುಕೊಳ್ಳುವುದಕ್ಕೆ ಇದೊಂದು ಪ್ರಮುಖ ಸಂಗತಿಯಾಗಿ ರೂಪುಗೊಳ್ಳುವುದರಲ್ಲಿ ಯಾವ ಅನುಮಾನವೂ ಇಲ್ಲ. ಅರ್ನಬ್ ಆ ನಿಟ್ಟಿನಲ್ಲಿ ಎಲ್ಲರಿಂದಲೂ ಗೌರವಕ್ಕೊಳಪಡಬೇಕಾದವನೇ. ಬದಲಾವಣೆ ಈಗ ಬರದಿದ್ದರೆ ಇನ್ನೆಂದಿಗೂ ಇಲ್ಲ. ಎಲ್ಲರಿಗೂ ಒಳಿತಾದರೆ ಸಾಕು ಅಷ್ಟೇ!

ಕೊರೋನಾ; ಇನ್ನೆಷ್ಟು ದಿನ ಹೆದರಿಕೆ?!

ಕೊರೋನಾ; ಇನ್ನೆಷ್ಟು ದಿನ ಹೆದರಿಕೆ?!

ನನಗೆ ಗೊತ್ತು. ಇವಿಷ್ಟನ್ನೂ ಹೇಳುವ ಅಧಿಕಾರ ನಿಮಗೇನಿದೆ ಎಂದು ಅನೇಕರು ಕೇಳಬಹುದು. ನಾನು ವೈದ್ಯನಾಗಿ ಇವೆಲ್ಲವನ್ನೂ ಹೇಳುತ್ತಿಲ್ಲ. ಆದರೆ, ರೋಗಿಯಾಗಿ ಈ ವೈರಸ್ಸನ್ನು ಎಂಟ್ಹತ್ತು ದಿನಗಳ ಕಾಲ ದೇಹದೊಳಗೆ ಸಾಕಿಕೊಂಡ ಅನುಭವದ ಆಧಾರದ ಮೇಲೆ ಈ ವಿಚಾರಗಳನ್ನು ಹಂಚಿಕೊಳ್ಳುತ್ತಿದ್ದೇನೆ. ಇಷ್ಟಕ್ಕೂ ಸಂಶೋಧನೆ ನಡೆಯುವುದು ಸಿಗುವ ಡಾಟಾಗಳ ಆಧಾರದ ಮೇಲೆ.

ಸದ್ದಿಲ್ಲದೇ ಒಂದು ವಿಶ್ವದಾಖಲೆ ನಿಮರ್ಾಣಗೊಂಡಿದೆ. ಮೊನ್ನೆ 29ಕ್ಕೆ ಒಂದೇ ದಿನದಲ್ಲಿ 78,903 ಕೊವಿಡ್ ಪ್ರಕರಣಗಳು ಬೆಳಕಿಗೆ ಬರುವುದರೊಂದಿಗೆ ಒಂದು ದಿನದಲ್ಲೇ ಅತ್ಯಂತ ಹೆಚ್ಚು ಪ್ರಕರಣಗಳು ದಾಖಲಾದ ಕೀತರ್ಿ ಭಾರತದ ಪಾಲಿಗಿದೆ. ಇದನ್ನು ಕೀತರ್ಿ ಎನ್ನುತ್ತೀರೋ ಅಪಕೀತರ್ಿ ಎನ್ನುತ್ತೀರೋ ತಡವಾಗಿ ನಿಧರ್ಾರವಾಗಲಿದೆ. ಆದರೆ ಸದ್ಯಕ್ಕಂತೂ ಒಂದು ದಿನದಲ್ಲಿ 78,427 ಪ್ರಕರಣಗಳನ್ನು ಗುರುತಿಸಿದ ಅಮೇರಿಕಾವನ್ನು ದಾಟಿ ಭಾರತ ಮುಂದಡಿಯಿಟ್ಟಿದೆ. ಆದರೆ ಗಮನಿಸಬೇಕಾದ ಒಂದು ಮಹತ್ವದ ಸಂಗತಿ ಎಂದರೆ ಅಮೇರಿಕಾ ಈ ಸಂಖ್ಯೆಯನ್ನು ಮುಟ್ಟಿದ್ದು ಜುಲೈ ಕೊನೆಯ ವಾರದಲ್ಲಿ. ಭಾರತ ಆಗಸ್ಟ್ ಕೊನೆಯ ವಾರಕ್ಕೆ ಈ ಸಂಖ್ಯೆಯನ್ನು ತಲುಪಿದೆ. ಜನಸಂಖ್ಯೆಯ ವಿಚಾರಕ್ಕೆ ಬಂದರೆ ತುಲನೆಗೂ ಮೀರಿದ ಅಂತರವಿದೆ. ಹೀಗಿರುವಾಗ ಭಾರತ ಇಡಿಯ ಕೊವಿಡ್ ಅನ್ನು ನಿರ್ವಹಿಸಿರುವ ರೀತಿಯನ್ನು ಕುರಿತಂತೆ ನಿಸ್ಸಂಶಯವಾಗಿ ಹೆಮ್ಮೆ ಪಡಬೇಕು. ಜಗತ್ತಿನ ಅತ್ಯಂತ ಮುಂದುವರಿದ, ಆರೋಗ್ಯದ ವಿಚಾರದಲ್ಲಿ ಅತ್ಯಾಧುನಿಕವೆನಿಸಿಕೊಳ್ಳುವ ರಾಷ್ಟ್ರಗಳೆಲ್ಲವೂ ಕೊವಿಡ್ನ ಕಾಲಕ್ಕೆ ಮುರಿದುಬಿದ್ದವು. ಆದರೆ 130 ಕೋಟಿ ಜನಸಂಖ್ಯೆಯುಳ್ಳ ಭಾರತ ಇದನ್ನು ಹೇಗೆ ಜೀಣರ್ಿಸಿಕೊಳ್ಳುವುದು ಎಂಬ ಆತಂಕಕ್ಕೆ ಈಗ ತೆರೆ ಬಿದ್ದಿದೆ. ಮಿತ್ರರೊಬ್ಬರು ತಮಾಷೆಯಾಗಿ ಹೇಳುತ್ತಿದ್ದರು ‘ಕೊರೋನಾ ಹೊರದೇಶಗಳಿಗೆ ಬರುವ ಮುನ್ನ ಭಾರತಕ್ಕೇ ಬಂದುಬಿಟ್ಟಿದ್ದರೆ ಜಗತ್ತು ನೆಮ್ಮದಿಯಿಂದಿರುತ್ತಿತ್ತು. ಏಕೆಂದರೆ ಭಾರತೀಯರು ಅದನ್ನು ಹೊಸಕಿ ಹಾಕಿರುತ್ತಿದ್ದರು’ ಅಂತ!

1

ಇಂದು ಒಮ್ಮೆ ಹಿಂದಿರುಗಿ ನೋಡಿದರೆ ಕೊರೋನಾ ಕುರಿತಂತೆ ನಾವು ಹೆದರಿದ್ದೇ ಹೆಚ್ಚಾಯ್ತಾ ಎಂದೆನಿಸುತ್ತಿದೆ. ಈಗಾಗಲೇ ಭಾರತದಲ್ಲಿರುವ ಪ್ರಕರಣ ಎಷ್ಟಿದೆಯೋ ಕನಿಷ್ಠಪಕ್ಷ ಅದರ ನಾಲ್ಕುಪಟ್ಟು ಜನರಾದರೂ ಈ ವೈರಸ್ನಿಂದ ಬಾಧಿತರಾಗಿದ್ದಾರೆ. ಅವರ್ಯಾರೂ ಪರೀಕ್ಷೆಗೆಂದು ಹೋಗುತ್ತಿಲ್ಲ ಅಷ್ಟೆ. ಏಕೆಂದರೆ ಪರೀಕ್ಷೆ ಮಾಡಿಸಿಕೊಂಡು ವೈರಸ್ ಇದೆ ಎಂದು ಗೊತ್ತಾದರೆ ಆ ವೈರಸ್ಗಿಂತಲೂ ಹೆಚ್ಚಿನ ಕಾಟವನ್ನು ಸುತ್ತಮುತ್ತಲಿನವರು ಕೊಟ್ಟುಬಿಡುತ್ತಾರೆ ಎಂಬ ಭಯ. ಹೀಗಾಗಿಯೇ ನಮಗರಿವಿಲ್ಲದೆಯೇ ನಮ್ಮ ಸುತ್ತಲೂ ಜೀವಂತ ವೈರಸ್ಸಿನ ಸಮುದ್ರವೇ ಇದೆ ಎಂಬುದನ್ನು ನಾವು ಮರೆಯುವುದು ಬೇಡ. ಕೊರೋನಾ ಸಾಮಾನ್ಯವಾದ ಜ್ವರದಂತೆ ಕಾಡುವಂತಹ ಒಂದು ರೋಗ. ವೈರಸ್ ದೇಹ ಪ್ರವೇಶಿಸಿದ ನಂತರ ಮೈ-ಕೈ ನೋವು ಆರಂಭವಾಗುತ್ತದೆ. ಅದರ ಜೊತೆ-ಜೊತೆಗೇ ಸಹಿಸಲಸಾಧ್ಯವಾದ ತಲೆನೋವು. ಕೆಲವರಿಗೆ ಜ್ವರ ಕಾಣಿಸಿಕೊಳ್ಳಬಹುದು. ಆದರೆ ಬಹುತೇಕರಿಗೆ ಜ್ವರ ಒಂದು ಲಕ್ಷಣವೇ ಅಲ್ಲ. ತಲೆನೋವು ಕಡಿಮೆಯಾಗುತ್ತಿದ್ದಂತೆ ಮೂಗು ವಾಸನೆ ಗ್ರಹಿಸುವುದನ್ನು ನಿಲ್ಲಿಸಿಬಿಡುತ್ತದೆ. ಮೂಗಿನ ಬಳಿಗೇ ವಸ್ತುವನ್ನೋಯ್ದರೂ ಅದರ ವಾಸನೆ ಅರಿಯಲಾಗದೇ ಒಮ್ಮೆ ಚಡಪಡಿಕೆ ಶುರುವಾಗುತ್ತದೆ. ಹೀಗಾಗುವ ವೇಳೆಗೆ ವೈರಸ್ಸು ದೇಹದೊಳಗೆ ಸಾಕಷ್ಟು ಕೆಲಸ ಮಾಡಿದೆ ಎಂದೇ ಅರ್ಥ. ಇದರೊಟ್ಟಿಗೆ ಅಸಾಧ್ಯವಾದ ಸುಸ್ತು ಕಾಡುತ್ತದೆ. ಮೊದಲೆಲ್ಲಾ ಮುಲಾಜಿಲ್ಲದೇ ನಾಲ್ಕಾರು ಕಿಲೋಮೀಟರ್ ನಡೆದಾಡುತ್ತಿದ್ದವ ಈಗ 40 ಮೀಟರ್ಗೂ ಏದುಸಿರುಬಿಡುತ್ತಾನೆ. ಮೆಟ್ಟಿಲು ಹತ್ತಿ ಬಂದರಂತೂ ಒಂದೆರಡು ನಿಮಿಷ ಸುಧಾರಿಸಿಕೊಳ್ಳಬೇಕೆನಿಸುತ್ತದೆ. ವಾರದ ಹಿಂದೆ ಗಟ್ಟಿಮುಟ್ಟಾಗಿದ್ದವ ಇಷ್ಟು ಸೊರಗಿದ್ದೇಕೆ ಎಂಬುದು ಅರ್ಥವೇ ಆಗುವುದಿಲ್ಲ. ವೈರಸ್ಸು ಶ್ವಾಸಕೋಶದ ಮೇಲೆ ಮಾಡಿರುವ ಪರಿಣಾಮ ಅದು! ನಿಧಾನವಾಗಿ ವಾಸನೆ ಗ್ರಹಿಸುವ ಶಕ್ತಿ ಮೂಗಿಗೆ ಮರಳಿ ಬರುತ್ತದೆ. ಅಲ್ಲಿಗೆ ದೇಹ ವೈರಸ್ಸಿನೊಂದಿಗೆ ಸೆಣಸಾಟ ಮಾಡಿ ಗೆದ್ದಿದೆ ಎಂದರ್ಥ. ಮೈ-ಕೈ ನೋವು, ತಲೆನೋವು ಯಾವುದೂ ಈಗ ಕಾಡುವುದಿಲ್ಲ. ಕೆಲವರಲ್ಲಿ ಈ ಹಂತದಲ್ಲಿ ಕೆಮ್ಮು ಕಾಣಿಸಿಕೊಳ್ಳುತ್ತದೆ. ಇನ್ನೂ ಕೆಲವರಿಗೆ ಹೊಟ್ಟೆ ಅಜೀರ್ಣದಿಂದ ನರಳುತ್ತದೆ. ಸರಿಯಾದ ಊಟ, ಸೂಕ್ತ ನಿದ್ದೆ ಇವೆರಡೂ ದೇಹವನ್ನು ಎರಡು ವಾರಗಳೊಳಗೆ ಸಹಜ ಸ್ಥಿತಿಗೆ ತರುತ್ತದೆ. ಇಡಿಯ ಕೊರೋನಾದ ಕೆಟ್ಟ ಅನುಭವವೆಂದರೆ ಕೂತಲ್ಲೆಲ್ಲಾ ನಿದ್ದೆ ಬರುವುದು. ಹೀಗಾಗಿಯೇ ಈ ವೈರಸ್ಸಿನಿಂದ ಬಾಧಿತರು ಆದಷ್ಟು ವಿಶ್ರಾಂತಿ ಪಡೆಯಬೇಕು ಎಂದು ವೈದ್ಯರು ಹೇಳೋದು. ಸಾಧಾರಣವಾಗಿ ಸರಿಯಾದ ಆಹಾರ ಮತ್ತು ನಿದ್ದೆ ದೊರೆತರೆ ವ್ಯಕ್ತಿಯೊಬ್ಬ ಸರಾಸರಿ ಏಳು ದಿನಗಳೊಳಗೆ ತಯಾರಾಗಿಬಿಡುತ್ತಾನೆ. 14 ದಿನವೆನ್ನುವುದು ಆತ ದೇಹವನ್ನು ಪೂತರ್ಿ ತಯಾರಿ ಮಾಡಿಕೊಂಡು ಮತ್ತೆ ಮರಳಲು ಬೇಕಾದ ಸಮಯ. ಅನೇಕ ಆಸ್ಪತ್ರೆಗಳಲ್ಲಿ ಕೊರೋನಾಕ್ಕೆ ಚಿಕಿತ್ಸೆ ಎಂದರೆ ಕಾಣಿಸಿಕೊಳ್ಳುವ ಲಕ್ಷಣಗಳಿಗೆ ಚಿಕಿತ್ಸೆಯಷ್ಟೇ. ಮೈ-ಕೈ ನೋವು, ತಲೆ ನೋವು, ಹೊಟ್ಟೆಯ ಬಾಧೆ, ಇವುಗಳಿಗೆ ಸೂಕ್ತವಾದ ಮದ್ದನ್ನು ಕೊಡುತ್ತಾ ಕಷ್ಟವನ್ನೆದುರಿಸುವ ಶಕ್ತಿಯನ್ನು ತುಂಬುವ ಪ್ರಯತ್ನ ಮಾಡುತ್ತಾರೆ. ಅನೇಕ ಕಡೆಗಳಲ್ಲಿ ಎಂಟ್ಹತ್ತು ದಿನಗಳ ಕಾಲ ಒಂದೂ ಮಾತ್ರೆಯನ್ನೂ ತೆಗೆದುಕೊಳ್ಳದೇ ಕೊರೋನಾ ವಾಸಿಯಾಗಿ ಮರಳಿದವರಿದ್ದಾರೆ. ಅದರರ್ಥ ಆಯುವರ್ೇದ ಹೇಳುವಂತೆ ಆಂತರಿಕ ಶಕ್ತಿಯನ್ನು ಬಲಗೊಳಿಸಿಕೊಂಡರೆ ಕೊರೋನಾವನ್ನೆದುರಿಸುವುದು ಕಷ್ಟವಲ್ಲ ಎನ್ನುವುದು ಅಕ್ಷರಶಃ ಸತ್ಯ. ಯಾರು ಏನೇ ಹೇಳಲಿ, ಕಜೆಯವರ ಮತ್ತು ಪತಂಜಲಿಯವರ ಔಷಧಿಗಳು ಕೆಲಸ ಮಾಡುತ್ತವೆನ್ನುವುದು ನಿಜಕ್ಕೂ ಸತ್ಯ. ಹೀಗಾಗಿ ಯಾವ ಹೆದರಿಕೆಗೂ ಕಾರಣವಿಲ್ಲ. ಧೈರ್ಯವಾಗಿ ಸಾಮಾಜಿಕ ಅಂತರವನ್ನು ಕಾಯ್ದುಕೊಂಡು, ಮಾಸ್ಕ್ ಬಳಸುವ ಮೂಲಕ ನಮ್ಮ ದೈನಂದಿನ ಚಟುವಟಿಕೆಗಳನ್ನು ನಿಭಾಯಿಸುವುದೊಳಿತು.

ನನಗೆ ಗೊತ್ತು. ಇವಿಷ್ಟನ್ನೂ ಹೇಳುವ ಅಧಿಕಾರ ನಿಮಗೇನಿದೆ ಎಂದು ಅನೇಕರು ಕೇಳಬಹುದು. ನಾನು ವೈದ್ಯನಾಗಿ ಇವೆಲ್ಲವನ್ನೂ ಹೇಳುತ್ತಿಲ್ಲ. ಆದರೆ, ರೋಗಿಯಾಗಿ ಈ ವೈರಸ್ಸನ್ನು ಎಂಟ್ಹತ್ತು ದಿನಗಳ ಕಾಲ ದೇಹದೊಳಗೆ ಸಾಕಿಕೊಂಡ ಅನುಭವದ ಆಧಾರದ ಮೇಲೆ ಈ ವಿಚಾರಗಳನ್ನು ಹಂಚಿಕೊಳ್ಳುತ್ತಿದ್ದೇನೆ. ಇಷ್ಟಕ್ಕೂ ಸಂಶೋಧನೆ ನಡೆಯುವುದು ಸಿಗುವ ಡಾಟಾಗಳ ಆಧಾರದ ಮೇಲೆ. ನಾನು ಮತ್ತು ನನ್ನೊಂದಿಗಿನ ಎಂಟ್ಹತ್ತು ಜನ ತರುಣರು, ಈ ವೈರಸ್ನ ಪ್ರಭಾವಕ್ಕೆ ಒಳಗಾದ ಎಲ್ಲರ ಅನುಭವವೂ ಇದೇ ಆಗಿದೆ. ಈಗಲೂ ಅಧಿಕೃತವಾಗಿ ಪಾಸಿಟಿವ್ ಎಂದು ಗೊತ್ತಾದವರ ಅನುಭವಗಳನ್ನು ಕೇಳುವಾಗ ಅದು ಹೆಚ್ಚು ಸಾಮ್ಯ ಹೊಂದಿದೆ ಎಂಬುದೂ ತಿಳಿದುಬರುತ್ತಿದೆ.

IMG-20200726-WA0005 (1)

ಇಷ್ಟಕ್ಕೂ ನಮಗೆ ಕೊರೋನಾ ಮೇಲಿನ ಹೆದರಿಕೆ ಕಡಿಮೆಯಾಗಲು, ಅದನ್ನೆದುರಿಸುವಲ್ಲಿ ಧೈರ್ಯ ಹೆಚ್ಚಾಗಲು ಶಕ್ತಿ ಬಂದಿದ್ದು ವಿಕ್ಟೋರಿಯಾ ಆಸ್ಪತ್ರೆಯ ಸ್ವಚ್ಛತೆಗೆಂದು ಹೋದ ನಂತರವೇ. ವಿಶೇಷಾಧಿಕಾರಿ ಬಾಲಾಜಿ ಪೈ ಅವರು ಮಿತ್ರ ತನ್ವೀರ್ ಅಹ್ಮದ್ರ ಮೂಲಕ ನಮ್ಮನ್ನು ಸಂಪಕರ್ಿಸುವಾಗ ನಿಜಕ್ಕೂ ವಿಕ್ಟೋರಿಯಾದಲ್ಲಿ ಸಮಸ್ಯೆಯಿತ್ತು. ಗುತ್ತಿಗೆಯಲ್ಲಿರುವ ಡಿ ಗ್ರೂಪ್ ನೌಕರರು ಕೊರೋನಾದ ಅಪಾಯವನ್ನು ಎದುರಿಸುವ ಧೈರ್ಯ ಸಾಲದೇ ಕೆಲಸಕ್ಕೇ ರಾಜಿನಾಮೆ ಕೊಟ್ಟಿದ್ದರು. ಇಡಿಯ ಆಸ್ಪತ್ರೆಯ ಸ್ವಚ್ಛತೆ, ರೋಗಿಗಳಿಗೆ ಊಟ-ತಿಂಡಿ ಕೊಡುವ ವ್ಯವಸ್ಥೆಯನ್ನು ನಿಭಾಯಿಸುವಲ್ಲಿ ಸಾಕಷ್ಟು ಕಷ್ಟವಾಗುತ್ತಿತ್ತು. ಆಗ ಬೆಂಗಳೂರಿನಲ್ಲೇ ಠಿಕಾಣಿ ಹೂಡಿರುವ, ವಯಸ್ಸಾದ ಹಿರಿಯರಿಂದ ದೂರವಿರುವ ಸುಮಾರು 15 ಜನರ ತಂಡವೊಂದನ್ನು ಕಟ್ಟಿಕೊಂಡು ಆವರ್ತನದಂತೆ ಬೆಳಿಗ್ಗೆ 7 ರಿಂದ 10 ಗಂಟೆಯವರೆಗೂ ಆಸ್ಪತ್ರೆಯಲ್ಲಿ ಕೆಲಸ ನಿರ್ವಹಿಸುತ್ತಿದ್ದೆವು. ಸವಾಲು ಸುಲಭದ್ದಾಗಿರಲಿಲ್ಲ. ಪಿಪಿಇ ಕಿಟ್ಗಳನ್ನು ಧರಿಸುವುದರಿಂದ ವೈರಸ್ಸು ನಮ್ಮನ್ನಾಕ್ರಮಿಸುವುದು ಸಾಧ್ಯವಿಲ್ಲವೆಂಬ ವಿಶ್ವಾಸವೇನೋ ಇತ್ತು. ಆದರೆ ಮನೆಯಲ್ಲಿರುವ ಹಿರಿಯರನ್ನು, ಆತಂಕಪಡುವ ಹಿತೈಷಿಗಳನ್ನು ಒಪ್ಪಿಸುವುದು ಹೇಗೆ? ಎಲ್ಲರದ್ದೂ ಒಂದೇ ಪ್ರಶ್ನೆ ‘ಅದಕ್ಕಾಗಿಯೇ ಕೆಲಸದವರಿರುವಾಗ ನೀವೇಕೆ?’ ಅಂತ. ಹೋಗಬಾರದೆನ್ನುವುದಕ್ಕೆ ಅವರು ಕೊಡುವ ಕಾರಣ ವೈರಸ್ ಆಕ್ರಮಿಸಿದರೆ ದೇಹ ದುರ್ಬಲವಾಗುತ್ತದೆ ಎಂಬುದಷ್ಟೇ. ಈ ದೇಹ ದೌರ್ಬಲ್ಯ ಆ ಡಿ ಗ್ರೂಪಿನ ನೌಕರರನ್ನೂ ಕಾಡುತ್ತದೆನ್ನುವುದಾದರೆ ಅವರೂ ಸವಾಲನ್ನೆದುರಿಸುತ್ತಿದ್ದಾರೆ ಎಂದೇ ಅರ್ಥವಲ್ಲವೇ? ನಮ್ಮ ಕೆಲಸ ಅವರಿಗೆ ಸನ್ಮಾನ ಮಾಡುವುದು ಮಾತ್ರವೋ ಅಥವಾ ಅವರೊಟ್ಟಿಗೆ ಕೈಜೋಡಿಸುವುದೂ ಕೂಡ ಇದೆಯೋ? ನಾವು ಎರಡನೆಯದನ್ನು ಆರಿಸಿಕೊಂಡೆವು. ಅದನ್ನೇ ಆಧಾರವಾಗಿಟ್ಟುಕೊಂಡು ಇತರರನ್ನು ಒಪ್ಪಿಸಿದೆವೂ ಕೂಡ. ಆಸ್ಪತ್ರೆಯ ಒಳ ಹೋದ ಮೇಲೇ ಗೊತ್ತಾಗಿದ್ದು ಲಕ್ಷಣಗಳಿಲ್ಲದ ಕೊರೋನಾ ಬಂದಿರುವ ರೋಗಿಗಳು ಆಸ್ಪತ್ರೆಯ ಹಾಸಿಗೆಗಳ ಮೇಲೆ ಮೊಬೈಲ್ನಲ್ಲಿ ಸಿನಿಮಾ ನೋಡುತ್ತಲೋ, ಆಟವಾಡುತ್ತಲೋ ಹಾಯಾಗಿದ್ದಾರೆ ಅಂತ! ಈ ರೋಗಿಗಳು ಕುಣಿದು ಕುಪ್ಪಳಿಸುವ, ಕ್ರಿಕೆಟ್ ಆಡುವ ಯಾವ ದೃಶ್ಯಾವಳಿಗಳೂ ಸುಳ್ಳಲ್ಲವೆಂಬ ಅರಿವಾಗಿದ್ದೇ ಆಗ. ಕೊರೋನಾ ಎಂದರೆ ಇಷ್ಟೆ ಎಂಬ ನಿರ್ಣಯಕ್ಕೆ ನಾವು ಬಂದುಬಿಟ್ಟೆವು. ಈ ಧೈರ್ಯ ನಮಗೊಂದು ಹೊಸ ಶಕ್ತಿಯನ್ನು ತಂದುಕೊಟ್ಟಿತು. ಸುಮಾರು 17 ದಿನಗಳ ಕಾಲ ಪ್ರತಿನಿತ್ಯ ರೋಗಿಗಳನ್ನು ಸಂಪಕರ್ಿಸುವ, ಅವರಿಗೆ ಧೈರ್ಯ ತುಂಬುವ ಕೆಲಸ ನಮ್ಮದ್ದಾಗಿತ್ತು. ಹೀಗಾಗಿಯೇ ಸ್ವತಃ ವೈರಸ್ ನಮ್ಮನ್ನಾವರಿಸಿಕೊಂಡಾಗ ಹೆದರುವ ಪ್ರಮೇಯವೇ ಬರಲಿಲ್ಲ.

3

ಇವಿಷ್ಟನ್ನೂ ಏಕೆ ಹೇಳಬೇಕಾಯ್ತೆಂದರೆ ಕಮ್ಯುನಿಟಿ ಸ್ಪ್ರೆಡ್ ಹಂತಕ್ಕೆ ತಲುಪಿರುವ ಈ ವುಹಾನ್ ವೈರಸ್ಸಿನಿಂದ ಈಗ ತಪ್ಪಿಸಿಕೊಂಡು ತಿರುಗಾಡುವುದು ಸುಲಭವೇನಲ್ಲ. ಸರಿಯಾಗಿ ಟೆಸ್ಟ್ ಮಾಡಿದರೆ ನಮ್ಮಲ್ಲಿ ಬಹುತೇಕರು ಕೊರೋನಾ ರೋಗಿಗಳೇ. ದುರದೃಷ್ಟಕರವೆಂದರೆ ನಾವು ಬಳಸುತ್ತಿರುವ ಟೆಸ್ಟ್ ಕಿಟ್ಗಳು ಸರಿಯಾದ ವರದಿಯನ್ನು ಕೊಡುತ್ತಿಲ್ಲವೆಂಬ ಆರೋಪ ಅಕ್ಷರಶಃ ಸತ್ಯ. ನಮ್ಮ ಗುಂಪಿನಲ್ಲಿಯೇ ಲಕ್ಷಣವೇ ಇರದಿದ್ದ ಹುಡುಗನಿಗೆ ಪಾಸಿಟಿವ್ ಫಲಿತಾಂಶ ಬಂದಿದ್ದರೆ ಎಲ್ಲಾ ಲಕ್ಷಣಗಳಿದ್ದೂ ಜೀರ್ಣವಾಗಿದ್ದ ಹುಡುಗನ ಫಲಿತಾಂಶ ನೆಗೆಟಿವ್ ಎಂದಿತ್ತು. ಹೀಗಾಗಿ ತುಂಬ ತಲೆಕೆಡಿಸಿಕೊಳ್ಳದೇ ನಮ್ಮಿಂದ ಮತ್ತೊಬ್ಬರಿಗೆ ಈ ವೈರಸ್ಸು ಹಬ್ಬದಂತೆ ಕಾಪಾಡಿಕೊಳ್ಳುವಲ್ಲಿ ನಾವು ಬಲಗೊಳ್ಳಬೇಕಿದೆ ಅಷ್ಟೇ. ಇಷ್ಟಕ್ಕೂ ಕಳೆದ ಆರು ತಿಂಗಳಿಂದ ಈ ವೈರಸ್ಸು ನಮ್ಮನ್ನು ಸಾಕಷ್ಟು ಹೈರಾಣುಗೊಳಿಸಿದೆ. ಬೆಂಗಳೂರಿನ ಅರ್ಧದಷ್ಟು ಹೊಟೆಲ್ಗಳು ಅದಾಗಲೇ ಮುಚ್ಚಿಹೋಗಿವೆ. ಅನೇಕರು ಬಾಡಿಗೆ ಕಟ್ಟಲಾಗದೇ ಪರಿತಪಿಸುತ್ತಿದ್ದಾರೆ. ಇಲ್ಲೆಲ್ಲಾ ಕೆಲಸ ಮಾಡುತ್ತಿದ್ದ ಸಾವಿರಾರು ಮಂದಿ ತಮ್ಮ-ತಮ್ಮ ಮನೆಗಳಿಗೆ ಹೋಗಿ ತಿಂಗಳುಗಳುರುಳಿವೆ. ಕೂಡಿಟ್ಟಿದ್ದೆಲ್ಲಾ ಖಾಲಿಯಾಗಿ ಈಗ ಸಂಕಟ ಶುರುವಾಗಿದೆ. ಇನ್ನು ವೈರಸ್ಸಿಗೆ ಹೆದರಿ ಮನೆಯೊಳಗೆ ಕುಳಿತರೆ ಪರಿಸ್ಥಿತಿ ಗಂಭೀರವಾಗುತ್ತಲೇ ಸಾಗುತ್ತದೆ. ನಾವೆಲ್ಲರೂ ಹಂತ-ಹಂತವಾಗಿ ನಮ್ಮ ನಮ್ಮ ಚಟುವಟಿಕೆಗಳಲ್ಲಿ ಮಗ್ನರಾಗೋಣ. ಅದಾಗಲೇ ವ್ಯಾಕ್ಸಿನ್ಗಾಗಿ ನಡೆಯುತ್ತಿರುವ ಸಂಶೋಧನೆ ಅಂತಿಮ ಹಂತವನ್ನು ಮುಟ್ಟಿರುವುದರಿಂದ, ಕೇಂದ್ರಸಕರ್ಾರವು ಅದನ್ನು ಕೊನೆಯ ವ್ಯಕ್ತಿಯವರೆಗೂ ತಲುಪಿಸಲು ಬೇಕಾದ ಸಿದ್ಧತೆ ಮಾಡಿಕೊಳ್ಳುತ್ತಿರುವುದರಿಂದ ಕೊರೋನಾ ಗೆಲ್ಲುವ ಅಸ್ತ್ರ ಹತ್ತಿರದಲ್ಲಿದೆ. ಹೆದರಿಕೆ ಬೇಕಾಗಿಲ್ಲ. ಭಾರತ ಈಗ ಪುನರ್ ನಿಮರ್ಾಣದ ಹೊಸ್ತಿಲಲ್ಲಿದೆ. ಜಾಗತಿಕ ಮಟ್ಟದಲ್ಲಿ ನಮ್ಮ ಬೆಲೆ ಹಿಂದೆಂದಿಗಿಂತಲೂ ಹೆಚ್ಚಾಗುವ ಎಲ್ಲ ಲಕ್ಷಣಗಳೂ ಕಾಣುತ್ತಿವೆ. ಚೀನಾವನ್ನೆದುರಿಸುವುದಕ್ಕೆ ಜಗತ್ತೆಲ್ಲ ಭಾರತದ ಪರವಾಗಿ ನಿಂತಿರುವುದಿರಲಿ, ವ್ಯಾಕ್ಸಿನ್ ಉತ್ಪಾದನೆಗೆ ರಷ್ಯಾ ಭಾರತದ ಸಹಾಯ ಕೇಳಿಕೊಂಡಿರುವುದಿರಲಿ, ಶ್ರೀಲಂಕಾದ ಅಧ್ಯಕ್ಷ ಚೀನಾದೊಂದಿಗೆ ಸಂಬಂಧ ಗಟ್ಟಿಮಾಡಿಕೊಂಡಿದ್ದ ನಮ್ಮ ಬಲುದೊಡ್ಡ ತಪ್ಪು ಎಂದು ಹೇಳಿದ್ದಾಗಲೀ ಚೀನಾ 5ಜಿ ವಿಚಾರದಲ್ಲಿ ಹುವೈ ಕಂಪೆನಿಗೆ ಅವಕಾಶ ಮಾಡಿಕೊಡಬೇಕೆಂಬ ವಿನಂತಿಯನ್ನು ಮಂಡಿಸಿರುವುದಾಗಲೀ ಇವೆಲ್ಲವೂ ಭಾರತ ವಿಶ್ವಶಕ್ತಿಯಾಗಿ ಬೆಳೆದು ನಿಲ್ಲುತ್ತಿರುವುದನ್ನು ಸೂಚಿಸುತ್ತಿದೆ. ಈ ಹೊತ್ತಿನಲ್ಲಿ ಆಂತರಿಕವಾಗಿ ಇದನ್ನು ಸದೃಢಗೊಳಿಸುವ ಹೊಣೆಗಾರಿಕೆ ನಮ್ಮದಿದೆ. ನಡೆಯಲೇಬೇಕಿದ್ದ ಯಾವ ಕೆಲಸವನ್ನೂ ನಿಲ್ಲಿಸಬೇಕೆಂದು ಆಗ್ರಹಿಸುವುದು ಬೇಡ. ಪರೀಕ್ಷೆಗಳಿರಲಿ, ವ್ಯಾಪಾರ-ಉದ್ದಿಮೆಗಳೇ ಇರಲಿ, ಇವೆಲ್ಲವೂ ಮತ್ತೆ ಹಳಿಗೆ ಮರಳಬೇಕಿದೆ. ಶಾಲಾ-ಕಾಲೇಜುಗಳು ಎಂದಿನಂತೆ ಪುನರಾರಂಭಗೊಳ್ಳಬೇಕಿದೆ. ಸಾಮಾಜಿಕ ಅಂತರದಿಂದ ಮಾಸ್ಕ್ ಬಳಕೆಯಿಂದ ಮತ್ತು ಸ್ವಲ್ಪ ಎಚ್ಚರಿಕೆಯಿಂದ ವೈರಸ್ಸನ್ನು ತಡೆಯಲು ಸಾಧ್ಯವಾಗುತ್ತದೆಂದು ಗೊತ್ತಿರುವಾಗ ನಾವು ಮುಕ್ತವಾಗಬೇಕಾಗಿದೆ. ಧೈರ್ಯವಾಗಿ ಮುನ್ನುಗ್ಗುತ್ತಾ ಇತರರಿಗೂ ಧೈರ್ಯ ತುಂಬಬೇಕಿದೆ!

ಫ್ರೀಡಂ ಆಫ್ ಎಕ್ಸ್ಪ್ರೆಶನ್ ನಮ್ಗೂ ಐತೆ!!

ಫ್ರೀಡಂ ಆಫ್ ಎಕ್ಸ್ಪ್ರೆಶನ್ ನಮ್ಗೂ ಐತೆ!!

ಬುದ್ಧಿಜೀವಿಗಳು ಫ್ರೀಡಂ ಆಫ್ ಎಕ್ಸ್ಪ್ರಶನ್ ಎಂಬ ತಮ್ಮ ಕೊಡಲಿಯನ್ನು ತಾವೇ ತಮ್ಮ ಕಾಲ ಮೇಲೆ ಹಾಕಿಕೊಂಡಿದ್ದಾರೆ. ಕಳೆದ ನಾಲ್ಕೈದು ವರ್ಷಗಳಿಂದ ಅವರಿಟ್ಟ ಯಾವ ಹೆಜ್ಜೆಯೂ ಸಫಲತೆಯ ದಿಕ್ಕಿನತ್ತ ಸಾಗದಿರುವುದು ದೇಶದ ಪಾಲಿಗೆ ವರದಾನವೇ ಸರಿ. ನೆನಪು ಮಾಡಿಕೊಳ್ಳಿ, ಬಿಹಾರದ ಚುನಾವಣೆಗೆ ಮುನ್ನ ಇದ್ದಕ್ಕಿದ್ದಂತೆ ಅಸಹಿಷ್ಣುತೆಯ ಜಪ ಮಾಡುತ್ತ ಹತ್ತಾರು ಸಾಹಿತಿಗಳು ತಮ್ಮ ಕಡಿಮೆ ಮೌಲ್ಯದ ಪ್ರಶಸ್ತಿಗಳನ್ನು ಹಿಂದಿರುಗಿಸಿದ್ದರು. ಕನರ್ಾಟಕದ ಕೆಲವು ಸಾಹಿತಿಗಳಂತೂ ಹಿಂದಿರುಗಿಸಿದ್ದೇವೆಂಬ ಪತ್ರಿಕಾಗೋಷ್ಠಿ ಮಾಡಿದ್ದಷ್ಟೇ ಬಂತು ಪ್ರಶಸ್ತಿಯಿಂದ ಬಂದ ಹಣವನ್ನು ಮರಳಿ ಕೊಟ್ಟೇ ಇಲ್ಲವೆಂದು ಅನೇಕರು ಲೇವಡಿ ಮಾಡಿದ್ದು ನಿಮಗೆ ನೆನಪಿರಬೇಕು. ಎಡಪಂಥೀಯರೇ ಹಾಗೆ ಸಣ್ಣದ್ದನ್ನು ದೊಡ್ಡದ್ದು ಮಾಡಿ ಜಗತ್ತಿಗೆ ತೋರಿಸಬಲ್ಲರು. ಪ್ರತಿಭಟನೆಗೆ ಐದು ಜನರಿದ್ದರೂ ಐವತ್ತು ಪತ್ರಿಕೆಗಳಲ್ಲಿ ವರದಿ ಬರುವಂತೆ ನೋಡಿಕೊಳ್ಳಬಲ್ಲರು. ಇವರು ಓದಿದ ಕವನ ಕೇಳಲು ನಾಲ್ಕೇ ಜನ ಸಭಿಕರಿದ್ದರೂ 40 ಫೇಸ್ಬುಕ್ ಪೇಜುಗಳಲ್ಲಿ ಅವರ ಬೆನ್ನು ಇವರು ಕೆರೆದು ಪ್ರಚಾರ ಗಿಟ್ಟಿಸಿಕೊಳ್ಳಬಲ್ಲರು. ಆದರೆ ಕಳೆದ ಐದಾರು ವರ್ಷಗಳಲ್ಲಿ ಸಮಾಜ ಜಾಗೃತವಾಗಿ ನಿಂತಿರುವುದರಿಂದ ಇವರ ಆಟ ನಡೆಯುತ್ತಿಲ್ಲ. ಇವರೀಗ ಕೊನೆಯ ಹೋರಾಟ ಸಂಘಟಿಸುತ್ತಿದ್ದಾರೆ. ಕೆಲವರಂತೂ ಅದಾಗಲೇ ಬಸವಳಿದು ಬಿಲವನ್ನು ಸೇರಿಕೊಂಡುಬಿಟ್ಟಿದ್ದಾರೆ.

1

ಇವಿಷ್ಟನ್ನೂ ಏಕೆ ಹೇಳಬೇಕಾಯ್ತೆಂದರೆ ಇತ್ತೀಚೆಗೆ ದೆಹಲಿ ದಂಗೆಯ ಕುರಿತಂತೆ ವಕೀಲೆ ಮೋನಿಕಾ ಅರೋರಾ ಮತ್ತು ಮಿತ್ರರು ಸೇರಿ ಬರೆದಿದ್ದ ‘ದೆಹಲಿ ರಯಟ್ 2020’ ಎಂಬ ಕೃತಿಯನ್ನು ಪ್ರಕಾಶನ ಮಾಡುವ ಭರವಸೆ ಕೊಟ್ಟು ಬಿಡುಗಡೆಗೂ ಸಜ್ಜುಗೊಳಿಸಿದ್ದ ಬ್ಲೂಮ್ಸ್ಬರಿ ಎಂಬ ಪ್ರಕಾಶನ ಸಂಸ್ಥೆ ಏಕಾಕಿ ಈ ಪುಸ್ತಕದ ಪ್ರಕಾಶನದಿಂದ ಹಿಂದೆ ಸರಿದು ಅಚ್ಚರಿಮೂಡಿಸಿಬಿಟ್ಟಿತ್ತು. ಹಾಗಂತ ಇದು ಸಾಮಾನ್ಯವಾದ ಪ್ರಕಾಶನ ಸಂಸ್ಥೆ ಎಂದು ಭಾವಿಸಬೇಡಿ. 1986ರಲ್ಲಿ ಲಂಡನ್ನಲ್ಲಿ ಹುಟ್ಟಿ ಅಮೆರಿಕಾದಲ್ಲೂ ತನ್ನ ಶಾಖೆಗಳನ್ನು ತೆರೆದು ಭಾರತ, ಆಸ್ಟ್ರೇಲಿಯಾ, ಕತಾರ್ ಮೊದಲಾದ ಸ್ಥಳಗಳಿಗೆ ವಿಸ್ತಾರಗೊಂಡಿತ್ತು. ಜಗತ್ತಿನ ಅನೇಕ ಖ್ಯಾತನಾಮರು ಈ ಪ್ರಕಾಶನ ಸಂಸ್ಥೆಗೆ ಬರೆಯುತ್ತಾರೆ. ಹ್ಯಾರಿ ಪಾಟರ್ ಇವರೇ ಹೊರತರೋದು. ಇಂತಹ ಸಂಸ್ಥೆ ಕೆಲವೇ ದಿನಗಳ ಹಿಂದೆ ದೆಹಲಿ ದಂಗೆಯ ಕುರಿತಂತೆ ಎಡಪಂಥೀಯ ವಿಚಾರಧಾರೆಗಳನ್ನು ಹೊತ್ತ ಶಾಹೀನ್ಬಾಗ್ ಫ್ರಮ್ ಪ್ರೊಟೆಸ್ಟ್ ಟು ಎ ಮೂವ್ಮೆಂಟ್ ಎಂಬ ಪುಸ್ತಕವನ್ನು ಪ್ರಕಟಿಸಿತ್ತು. ಅಕ್ಷರಶಃ ಬಲಪಂಥೀಯರ ನಡೆಯನ್ನು, ಕೇಂದ್ರಸಕರ್ಾರವನ್ನು ಖಂಡಿಸುವ ಪುಸ್ತಕವಾಗಿ ಬಂದಿತ್ತು ಇದು. ಆಗ ಯಾವ ಬಲಪಂಥೀಯನೂ ಈ ಪುಸ್ತಕವನ್ನು ವಿರೋಧಿಸಿರಲಿಲ್ಲ. ಎಷ್ಟಾದರೂ ಮಾತನಾಡುವ ಹಕ್ಕು ಇದ್ದೇ ಇದೆಯಲ್ಲಾ; ಇದಕ್ಕೆ ಪ್ರತಿಯಾಗಿ ಮತ್ತೊಂದು ಪುಸ್ತಕವನ್ನೇ ಪ್ರಕಟಿಸಬೇಕೆಂದು ನಿಶ್ಚಯಿಸಿದ ಮೋನಿಕಾ ಅರೋರಾ ಮತ್ತು ಮಿತ್ರರು ದೆಹಲಿಯ ದಂಗೆಗಳಾದ ನಂತರ ಪೊಲೀಸರ ಚಾಜರ್್ಶೀಟನ್ನು, ಪ್ರತ್ಯಕ್ಷದಶರ್ಿಗಳ ವರದಿಗಳನ್ನು ಆಧರಿಸಿ ಘಟನೆ ಆಧಾರಿತ ಕೃತಿಯೊಂದನ್ನು ಬರೆದರು. ಸಹಜವಾಗಿ ಬ್ಲೂಮ್ಸ್ಬರಿ ಅದನ್ನು ಪ್ರಕಟಿಸಲು ಒಪ್ಪಿಗೆಯನ್ನೂ ಕೊಟ್ಟಿತು. ಈ ಬೆಳವಣಿಗೆಯಿಂದ ಅನಾಥರಂತಾದವರು ಮಾತ್ರ ಎಡಪಂಥೀಯರೇ. ಬಲಪಂಥೀಯರು ಇಷ್ಟು ವೇಗವಾಗಿ ಇಷ್ಟು ನಿಖರವಾಗಿ ಪ್ರತ್ಯಾಕ್ರಮಣ ಮಾಡಬಹುದೆಂಬ ಕಲ್ಪನೆಯೂ ಅವರಿಗಿರಲಿಲ್ಲ. ಬಖರ್ಾದತ್ರಿಂದ ಹಿಡಿದು ಸ್ವರಾ ಭಾಸ್ಕರ್ವರೆಗೆ ಸೆಲೆಬ್ರಿಟಿಗಳೆನಿಸಿಕೊಂಡವರೆಲ್ಲ ಅರಚಾಡಿಬಿಟ್ಟರು. ಸಹಜವಾಗಿಯೇ ಕಾಂಗ್ರೆಸ್ಸು ಜೊತೆಗೂಡಿತು. ಇನ್ನು ಕಟ್ಟರ್ಪಂಥಿ ಮುಸಲ್ಮಾನರನ್ನು ಕೇಳುವಂತೆಯೇ ಇಲ್ಲ. ಇವರೆಲ್ಲರಿಗೂ ಎಡಪಂಥೀಯರಂತೂ ವೇದಿಕೆ ನಿಮರ್ಾಣ ಮಾಡಿಯೇಕೊಟ್ಟಿದ್ದರು. ಇವರೆಲ್ಲರ ಪರವಾಗಿ ದನಿ ಎತ್ತಲು ಖ್ಯಾತ ಎಡಪಂಥೀಯ ಇತಿಹಾಸಕಾರ ಡ್ಯಾರಿ ಲಿಂಪಲ್ ತನ್ನ ಪ್ರಭಾವವನ್ನು ಬಳಸಿ ಪ್ರಕಾಶನ ಸಂಸ್ಥೆಯ ಮೇಲೆ ಒತ್ತಡ ಹೇರಿ ಈ ಪುಸ್ತಕವನ್ನು ಹಿಂತೆಗೆದುಕೊಳ್ಳುವಂತೆ ಮಾಡಿಬಿಟ್ಟರು. ಎಡಪಂಥೀಯರ ಪಾಳಯದಲ್ಲಿ ಇದಕ್ಕಿಂತಲೂ ಒಳ್ಳೆಯ ಗಣೇಶಚೌತಿ ಆಚರಣೆಯಾಗಿರಲಿಕ್ಕಿಲ್ಲ! ಬಲಪಂಥೀಯರ ಪಡೆಯಲ್ಲಿ ಈ ಅಚ್ಚರಿಯ ಆಕ್ರಮಣ ಸೂತಕದ ವಾತಾವರಣವನ್ನೇ ನಿಮರ್ಾಣ ಮಾಡಿಬಿಟ್ಟಿತ್ತು. ಹೇಳಿದೆನಲ್ಲ, ಕಳೆದ ಐದಾರು ವರ್ಷಗಳಲ್ಲಿ ಬಲಪಂಥೀಯರು ಎಷ್ಟು ಬಲವಾಗಿ ಜೊತೆಯಾಗಿದ್ದಾರೆಂದರೆ ಬ್ಲೂಮ್ಸ್ಬರಿಯ ವಿರುದ್ಧ ಒಟ್ಟಾಗಿ ನಿಲ್ಲಲು ನಿರ್ಧರಿಸಿಯೇಬಿಟ್ಟರು.

4

ಮುಲಾಜಿಲ್ಲದೇ ಒಬ್ಬೊಬ್ಬರಾಗಿ ಈ ಪ್ರಕಾಶನ ಸಂಸ್ಥೆಗೆ ಕೊಟ್ಟಿದ್ದ ತಮ್ಮ ಪುಸ್ತಕಗಳನ್ನು ಮರಳಿ ಪಡೆಯಲಾರಂಭಿಸಿದರು. ಈ ಘೋಷಣೆಯನ್ನು ಅತ್ಯಂತ ಕ್ಲುಪ್ತಕಾಲದಲ್ಲಿ ಮಾಡಿದವರು ಖ್ಯಾತ ಚಿಂತಕ ಆನಂದ್ ರಂಗನಾಥ್. ಅವರು ವಿಜ್ಞಾನಿಗಳ ಕುರಿತಂತೆ ತಾವು ಬರೆದಿದ್ದ ಪುಸ್ತಕ ಪ್ರಕಾಶನಕ್ಕೆ ಬ್ಲೂಮ್ಸ್ಬರಿ ಕೊಟ್ಟಿದ್ದ ದೊಡ್ಡಮೊತ್ತದ ಮುಂಗಡ ಹಣವನ್ನು ತಕ್ಷಣವೇ ಮರಳಿಸಿ ಸಂಚಲನವುಂಟುಮಾಡಿಬಿಟ್ಟರು! ನಿವೃತ್ತ ಐಎಎಸ್ ಅಧಿಕಾರಿಯಾಗಿರುವ ಸಂಜಯ್ ದೀಕ್ಷಿತ್ ತಮ್ಮ ಪುಸ್ತಕವನ್ನೂ ಮರಳಿ ಪಡೆದರು. ಬರುಬರುತ್ತಾ ಖ್ಯಾತನಾಮರನೇಕರು ಬ್ಲೂಮ್ಸ್ಬರಿಗೆ ತಮ್ಮ ಕೃತಿಗಳನ್ನು ಪ್ರಕಾಶನಕ್ಕೆ ಕೊಡದಿರುವ ಸಂಕಲ್ಪ ಮಾಡುವ ಸುದ್ದಿ ಹೊರಬರುತ್ತಿದ್ದಂತೆ ಬಲಪಂಥೀಯರ ಪಡೆಯೊಳಗೆ ಮಿಂಚಿನ ಸಂಚಾರವಾಯ್ತಲ್ಲದೇ ಎಡಪಂಥೀಯರು ಆಕ್ರಮಣದಿಂದ ಆತ್ಮರಕ್ಷಣೆಯ ಕಡೆಗೆ ವಾಲಿಕೊಂಡರು. ಈ ರೀತಿ ವ್ಯಕ್ತಿಯೊಬ್ಬರ ಮಾತನಾಡುವ ಹಕ್ಕನ್ನು ಕಸಿದುಕೊಳ್ಳುವ ತಮ್ಮ ಈ ನಡೆ ದೀರ್ಘಕಾಲದಲ್ಲಿ ಪ್ರಶ್ನೆಗೊಳಗಾಗುತ್ತದೆ ಎನ್ನುವುದು ಖಾತ್ರಿಯಾಗುತ್ತಿದ್ದಂತೆ ಪ್ರಕಾಶನ ಸಂಸ್ಥೆಯೊಂದು ಪುಸ್ತಕ ಪ್ರಕಾಶಿಸದಿರುವುದು ವಾಕ್ಸ್ವಾತಂತ್ರ್ಯದ ಹರಣವೇ ಅಲ್ಲ ಎಂದು ಅವರುಗಳೆಲ್ಲಾ ಸಮಥರ್ಿಸಿಕೊಳ್ಳಲಾರಂಭಿಸಿದರು. ನಿಸ್ಸಂಶಯವಾಗಿ ಅದು ಅವರ ಮೊದಲ ಸೋಲು. ಇತ್ತ ಸಂಕ್ರಾಂತ್ ಸನು, ಅಂಕುರ್ ಪಾಠಕ್ ಇವರೀರ್ವರೂ ಸೇರಿ ಭಾರತೀಯ ಚಿಂತನೆಗಳ ಪ್ರಚಾರಕ್ಕೆಂದೇ ಆರಂಭಿಸಿದ್ದ ಗರುಡ ಪ್ರಕಾಶನ ದೆಹಲಿ ದಂಗೆಯ ಕುರಿತಂತ ಈ ಪುಸ್ತಕವನ್ನು ಪ್ರಕಾಶಿಸಲು ಮುಂದೆಯೂ ಬಂತು. ಅದಾಗಲೇ ಈ ಕಾರಣದಿಂದಾಗಿಯೇ ಸದ್ದು ಮಾಡಿದ್ದ ಈ ಕೃತಿ ಈಗ ಮಾರುಕಟ್ಟೆಗೆ ಬರಲು ಗರುಡವನ್ನೇರಿ ಕುಳಿತುಕೊಳ್ಳುತ್ತಿದ್ದಂತೆ ನಿಜದ ಬೆಂಕಿ ಹೊತ್ತಿತು. ಪ್ರಕಾಶನಾ ಪೂರ್ವ ಮಾರಾಟ ಭಾರತದಮಟ್ಟಿಗೆ ದಾಖಲೆ ಎನಿಸಿಕೊಂಡಿತು. ಮೊದಲ ಒಂದು ಗಂಟೆಯಲ್ಲಿ ಹತ್ತುಸಾವಿರ ಪುಸ್ತಕಗಳ ಖರೀದಿಗೆ ಜನ ಬೇಡಿಕೆ ಮಂಡಿಸಿದರು. ಈ ಹೊಡೆತವನ್ನು ತಾಳಲಾಗದೇ ಪ್ರಕಾಶನದವರ ವೆಬ್ಸೈಟ್ ಕುಸಿದುಬಿತ್ತು. ಮುಂದಿನ ಎರಡು ಗಂಟೆಗಳಲ್ಲಿ ಪುಸ್ತಕವನ್ನು ಕೊಂಡುಕೊಳ್ಳಬೇಕೆಂದು ಮಿಲಿಯಗಟ್ಟಲೆ ಜನ ವೆಬ್ಸೈಟ್ಗೆ ಭೇಟಿಕೊಡುತ್ತಿರುವುದರ ಸಂಕೇತಗಳು ದೊರೆತವು. ಅನೇಕರು ಇದುವರೆಗೂ ಜೀವಮಾನದಲ್ಲಿ ಪುಸ್ತಕವನ್ನೇ ಓದಿಲ್ಲವಾದರೂ ಈ ಪುಸ್ತಕವನ್ನು ಖರೀದಿಸುತ್ತೇವೆ ಎಂದರು. ಕೆಲವರು ಕೊಡುಗೆಯಾಗಿ ಕೊಡಲು ಈ ಪುಸ್ತಕವನ್ನು ಖರೀದಿಸಲಿದ್ದೇವೆ ಎಂದರು. ಬ್ಲೂಮ್ಸ್ಬರಿ ಈ ಪುಸ್ತಕವನ್ನು ಪ್ರಕಟಿಸಿದ್ದರೆ ಕೆಲವು ಸಾವಿರ ಪ್ರತಿಗಳು ಖಚರ್ಾಗಿ ಕಥೆ ಮುಗಿದೇ ಹೋಗುತಿತ್ತು. ಆದರೀಗ ಹಾಗಲ್ಲ. ಈ ಪುಸ್ತಕದ ಕುರಿತಂತೆ ವ್ಯಾಪಕವಾದ ಚಚರ್ೆಯಾಗಿದೆ. ಬಲಪಂಥೀಯರು ಒಗ್ಗೂಡುವಂತಾಗಿದೆ ಮತ್ತು ಪುಸ್ತಕ ಪ್ರಕಾಶನಕ್ಕೂ ಬಿಳಿಯರ ಗುಲಾಮಿತನ ನಡೆಸಬೇಕಾದ ಅವಶ್ಯಕತೆ ಇಲ್ಲವೆಂಬುದು ಅರಿವಾಗಿದೆ.

ಒಳಿತೇ ಆಯ್ತು ಬಿಡಿ. ಆತ್ಮನಿರ್ಭರತೆಯ ಭಾರತ ನಿಮರ್ಾಣವಾಗೊದು ಹೀಗೇ.

ಇಸ್ಲಾಂ ಭಯೋತ್ಪಾದನೆಯ ಕೇಂದ್ರವಾಗುತ್ತಿದೆ ಟರ್ಕಿ!!

ಇಸ್ಲಾಂ ಭಯೋತ್ಪಾದನೆಯ ಕೇಂದ್ರವಾಗುತ್ತಿದೆ ಟರ್ಕಿ!!

ಭಾರತದಲ್ಲಿ ಮುಸಲ್ಮಾನರ ಅಹಲ್-ಎ-ಹದಿತ್ ಪಂಗಡ ನಿರ್ವಹಿಸುತ್ತಿತ್ತು. ನಿರಂತರ ಪ್ರಯಾಸದಿಂದಾಗಿ ಮಹಾರಾಷ್ಟ್ರದಲ್ಲಿ 40 ಮಸೀದಿಗಳನ್ನು, ಕೇರಳದಲ್ಲಿ 75 ಮಸೀದಿಗಳನ್ನು ವಹಾಬಿಗಳು ತಮ್ಮ ತೆಕ್ಕೆಗೆ ಹಾಕಿಕೊಂಡುಬಿಟ್ಟಿದ್ದರು. ಅದಾಗಿ ಆರು ವರ್ಷ ಕಳೆದೇಹೋಯ್ತು. ಮುಸಲ್ಮಾನರನ್ನು ಕಟ್ಟರ್ ಆಗಿಸುವ ಪ್ರಕ್ರಿಯೆ ಈ ಆರು ವರ್ಷಗಳಲ್ಲಿ ಹಿಂದಿಗಿಂತ ಜೋರಾಗಿ ನಡೆದಿದೆ.

ಕ್ರಿಸ್ಟೊಫರ್ ಜೆಫರ್ಲಾಟ್ ತನ್ನ ‘ದ ಸೌದಿ ಕನೆಕ್ಷನ್’ ಎಂಬ ಲೇಖನದಲ್ಲಿ ಕೇರಳದಲ್ಲಿ ಸಲಫಿಗಳ ಪ್ರಭಾವ ಹೆಚ್ಚುತ್ತಿರುವುದನ್ನು ವಿಸ್ತಾರವಾಗಿ ವಿವರಿಸಿದ್ದ. ಆತನ ಪ್ರಕಾರ ಮಿಲಿಯನ್ಗಟ್ಟಲೆ ರಿಯಾಲ್ಗಳು ಕೇರಳದ ಮಲಪ್ಪುರಂಗೆ ಕಟ್ಟರ್ಪಂಥಿ ಇಸ್ಲಾಮನ್ನು ಹಬ್ಬಿಸಲೆಂದೇ ಹರಿದುಬಂದಿತ್ತು. ಅಷ್ಟೇ ಅಲ್ಲ, ಆತ ಹೇಳುವಂತೆ ಸೌದಿಯ ಹಣದಿಂದ ಎರಡು ಸಂಘಟನೆಗಳು ಬಲವಾಗಿ ಬೆಳೆದು ನಿಂತಿದ್ದವು. ಮೊದಲನೆಯದು ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ಆದರೆ ಎರಡನೆಯದ್ದು ಸೊಷಿಯಲ್ ಡೆಮಾಕ್ರಟಿಕ್ ಪಾಟರ್ಿ ಆಫ್ ಇಂಡಿಯಾ. ಅರ್ಥವಾಗುವ ಭಾಷೆಯಲ್ಲಿ ಹೇಳಬೇಕೆಂದರೆ ಪಿಎಫ್ಐ ಮತ್ತು ಎಸ್ಡಿಪಿಐ. ಕ್ರಿಸ್ಟೊಫರ್ ಈ ಎರಡು ಸಂಘಟನೆಗಳ ಕುರಿತಂತೆ ವಿವರಿಸುತ್ತಾ ತಮ್ಮ ಹೆಸರಿನಲ್ಲೆಲ್ಲೂ ಸಲಫಿತ್ವವನ್ನು ಪ್ರತಿಬಿಂಬಿಸದ ಈ ಸಂಘಟನೆಗಳು ಮಾಡುವ ಕೆಲಸ ಮಾತ್ರ ಆ ವಿಚಾರವನ್ನು ಹಬ್ಬಿಸುವುದೇ ಆಗಿವೆ ಎಂದಿದ್ದಾರೆ. ನೆನಪಿರಲಿ, ಐಸಿಸ್ಗೆ ಬೇಕಾಗಿರುವ ಮೂಲದ್ರವ್ಯವನ್ನು ಈ ಸಲಫಿಸಂ ನೀಡುತ್ತಿದೆ. ಕಳೆದ ಕೆಲವಾರು ವರ್ಷಗಳಿಂದ ಇಸ್ಲಾಂನ ಕಟ್ಟರ್ಪಂಥಿ ಚಿಂತನೆಯಾದ ಸಲಫಿಸಂ ಬುದ್ಧಿವಂತ ಅಕ್ಷರಸ್ಥರೆನಿಸಿಕೊಂಡವರನ್ನೇ ತನ್ನೆಡೆಗೆ ಸೆಳೆಯುತ್ತಿದೆ. ಇವರುಗಳಿಗೆ ಸೂಫಿ ತತ್ವ ಮೂಢನಂಬಿಕೆ ಎನಿಸುತ್ತದೆಯಲ್ಲದೇ ಅದನ್ನು ಮೂರ್ಖತೆ ಎಂದೂ ಜರಿಯುತ್ತಾರೆ. ಕೇರಳ, ಕನರ್ಾಟಕಗಳಲ್ಲಿ ಓದಿಕೊಂಡವರೇ ಹೆಚ್ಚಾಗಿದ್ದಾಗ್ಯೂ ಈ ಕಟ್ಟರತೆ ಇತ್ತೀಚಿನ ದಿನಗಳಲ್ಲಿ ವ್ಯಾಪಕವಾಗಿ ಹಬ್ಬುತ್ತಿದೆ. ಐಸಿಸ್ಗೆ ಹೆಚ್ಚಿನ ಪ್ರಮಾಣದಲ್ಲಿ ತರುಣರು ಪೂರೈಕೆಯಾಗುತ್ತಿರುವುದು ಇಲ್ಲಿಂದಲೇ ಎಂಬುದು ಆತಂಕದ ವಿಚಾರವೇ. ಈ ರಾಜ್ಯಗಳಿಂದಲೇ ಹೆಚ್ಚಿನ ಜನ ಗಲ್ಫ್ ರಾಷ್ಟ್ರಗಳಲ್ಲಿ ದುಡಿಯಲು ಹೋಗುತ್ತಿರುವುದರಿಂದ ಬಹುಶಃ ಬ್ರೈನ್ವಾಶ್ನ ಹಿಂದಿನ ಕಾರಣ ಅದೂ ಇರಬಹುದು. ಇವಿಷ್ಟೂ ಈಗ ಏಕೆ ಹೇಳಿದ್ದೆಂದರೆ ಡಿಜೆ ಹಳ್ಳಿಯ ಗಲಾಟೆ ಖಂಡಿತವಾಗಿಯೂ ಒಂದು ಫೇಸ್ಬುಕ್ ಪೋಸ್ಟಿನ ಕಾರಣಕ್ಕೆ ನಡೆದದ್ದು ಅಲ್ಲವೇ ಅಲ್ಲ. ಅದು ನೆಪ ಮಾತ್ರ. ಒಳಗೆ ವಿಸ್ತಾರವಾಗಿ ಬೆಳೆದು ನಿಂತ ಜಾಲವೊಂದು ಕೆಲಸ ಮಾಡುತ್ತಿದೆ. ಒಡೆಯರು ಕೊಟ್ಟ ಹಣಕ್ಕೆ ಸೂಕ್ತ ಕೆಲಸ ಮಾಡಿ ತೋರುವ ದದರ್ುಳ್ಳ ಜನ ಸುಲಭಕ್ಕೆ ಬಡಕಾಯಿಸಿ ಬೆಂಕಿ ಹಚ್ಚುವ ಕೆಲಸ ಮಾಡುತ್ತಿದ್ದಾರೆ. ಸರಿಯಾಗಿ ಪ್ರತಿಕ್ರಿಯಿಸಿ ಈ ಇಡಿಯ ಹೋರಾಟವನ್ನು ಚಿವುಟಿ ಮುರಿದು ಹಾಕದಿದ್ದರೆ ಮುಂದಿನ ದಿನಗಳು ಬಲುಕಷ್ಟ!

6

ಈ ಕುರಿತಂತೆ 2014ರಲ್ಲೇ ಪತ್ರಕರ್ತ ವಿಕ್ಕಿ ನಂಜಪ್ಪ ಎಚ್ಚರಿಸಿದ್ದರು. ಅವರ ಪ್ರಕಾರ ಆಗ 18ಲಕ್ಷ ವಹಾಬಿಗಳು ಭಾರತದಲ್ಲಿದ್ದು ಸೌದಿ ಅರೇಬಿಯಾ ಹನ್ನೆರಡುವರೆ ಕೋಟಿ ರೂಪಾಯಿಯನ್ನು ವಹಾಬಿ ವಿಶ್ವವಿದ್ಯಾಲಯಗಳಿಗಾಗಿ, ಆರೂಕಾಲು ಕೋಟಿ ರೂಪಾಯಿಯನ್ನು ಮಸೀದಿಗಳಿಗಾಗಿ, ಐದು ಕೋಟಿ ರೂಪಾಯಿಯನ್ನು ಮದರಸಗಳಿಗಾಗಿ ವಿನಿಯೋಗ ಮಾಡಲು ನಿಶ್ಚಯಿಸಿರುವ ಗೂಢಚರ ವರದಿಯನ್ನು ತಮ್ಮ ಲೇಖನದಲ್ಲಿ ಉಲ್ಲೇಖಿಸಿದ್ದರು. ಈ ಎಲ್ಲ ಚಟುವಟಿಕೆಯನ್ನು ಭಾರತದಲ್ಲಿ ಮುಸಲ್ಮಾನರ ಅಹಲ್-ಎ-ಹದಿತ್ ಪಂಗಡ ನಿರ್ವಹಿಸುತ್ತಿತ್ತು. ನಿರಂತರ ಪ್ರಯಾಸದಿಂದಾಗಿ ಮಹಾರಾಷ್ಟ್ರದಲ್ಲಿ 40 ಮಸೀದಿಗಳನ್ನು, ಕೇರಳದಲ್ಲಿ 75 ಮಸೀದಿಗಳನ್ನು ವಹಾಬಿಗಳು ತಮ್ಮ ತೆಕ್ಕೆಗೆ ಹಾಕಿಕೊಂಡುಬಿಟ್ಟಿದ್ದರು. ಅದಾಗಿ ಆರು ವರ್ಷ ಕಳೆದೇಹೋಯ್ತು. ಮುಸಲ್ಮಾನರನ್ನು ಕಟ್ಟರ್ ಆಗಿಸುವ ಪ್ರಕ್ರಿಯೆ ಈ ಆರು ವರ್ಷಗಳಲ್ಲಿ ಹಿಂದಿಗಿಂತ ಜೋರಾಗಿ ನಡೆದಿದೆ. ರಾಜರುಗಳು ಹಿಂದೆಲ್ಲ ಕ್ರೂರ ಪ್ರಾಣಿಗಳನ್ನು ಅನ್ನ ಕೊಡದೇ ಸತಾಯಿಸಿ ಕೊನೆಗೊಮ್ಮೆ ಶಿಕ್ಷೆ ಕೊಡಬೇಕಾದ ವ್ಯಕ್ತಿಯನ್ನು ಬೋನಿಗೆ ತಳ್ಳಿ ತಮಾಷೆ ನೋಡುತ್ತಿದ್ದರಂತಲ್ಲ, ಹಾಗೆಯೇ ಈಗ ಈ ಸಂಘಟನೆಗಳು ಮುಸಲ್ಮಾನರನ್ನು ತಯಾರು ಮಾಡುತ್ತಿವೆ. ನಿರಂತರವಾಗಿ ಅವರೊಳಗೆ ಮತಾಂಧತೆಯ ವಿಚಾರಗಳನ್ನು ತುಂಬುತ್ತಾ ಸಿಡಿಯಲು ಸಿದ್ಧವಾಗಿರುವ ಮಿಸೈಲುಗಳಂತೆ ರೂಪಿಸುತ್ತಿದ್ದಾರೆ. ಬಾಬ್ರಿ ಕಟ್ಟಡ ಉರುಳಿದ ದೃಶ್ಯಗಳನ್ನೇ ಮತ್ತೆ ಮತ್ತೆ ತೋರಿಸುತ್ತಾ ಅಲ್ಲಿ ರಾಮಮಂದಿರ ನಿಮರ್ಾಣವಾಗುತ್ತಿರುವುದರ ಇತ್ತೀಚಿನ ದೃಶ್ಯಗಳನ್ನು ಮುಂದಿಟ್ಟುಕೊಂಡು ಕ್ರೌರ್ಯವನ್ನೇ ಹಗಲು-ರಾತ್ರಿ ಉಣಬಡಿಸಲಾಗುತ್ತಿದೆ. ಇದಕ್ಕೆ ಸೌದಿಯಿಂದ ಹಣ ಬರತ್ತಿದೆ ಕೂಡ. ಇತ್ತೀಚೆಗೆ ಟಕರ್ಿ ಹಣಪೂರೈಕೆ ಜವಾಬ್ದಾರಿ ಹೊರುತ್ತಿದೆ. ಅಲ್ಲಿನ ಅಧ್ಯಕ್ಷನಿಗೆ ಪಾಕಿಸ್ತಾನ, ಭಾರತ ಮತ್ತು ಮಲೇಷಿಯಾಗಳಲ್ಲಿರುವ ಮುಸಲ್ಮಾನ ತರುಣರನ್ನು ಬಳಸಿಕೊಂಡು ತಾನು ಸೌದಿಗಿಂತಲೂ ಬಲವಾದ ಶಕ್ತಿಯಾಗಿ ಬೆಳೆಯುವ ಆಸೆಯಿದೆ. ಅದಕ್ಕೆಂದೇ ಹೊಸ ಮಾರ್ಗವನ್ನು ಆತ ಆರಿಸಿಕೊಳ್ಳುತ್ತಿದ್ದಾನೆ. ಅದರಿಂದಾಗಿಯೇ ಟ್ರಿಪಲ್ ತಲಾಖಿನ ಸಂದರ್ಭದಲ್ಲಿ, ರಾಮಮಂದಿರ ನಿಮರ್ಾಣದ ಕೋಟರ್ಿನ ನಿರ್ಣಯ ಸಂದರ್ಭದಲ್ಲಿ ಹೊತ್ತುರಿಯದ ಭಾರತ ಸಿಎಎ ಹೊತ್ತಲ್ಲಿ ಏಕರಸವಾಗಿ ಪ್ರತಿಭಟಿಸಿತು. ಹಾಗೆ ನೋಡಿದರೆ ಟ್ರಿಪಲ್ ತಲಾಖ್ ಮುಸಲ್ಮಾನರನ್ನು ಉರಿಸಿದಷ್ಟು ಸಿಎಎ ಖಂಡಿತವಾಗಿಯೂ ಉರಿಸಲಿಲ್ಲ. ನಾಗರಿಕತ್ವ ಕಾನೂನಿಗೂ ಭಾರತದಲ್ಲಿರುವ ಮುಸಲ್ಮಾನರಿಗೂ ಸಂಬಂಧವೇ ಇರಲಿಲ್ಲ. ಹಾಗಿದ್ದಾಗ್ಯೂ ಅವರು ಪ್ರತಿಭಟನೆಗೆ ಧುಮುಕಿದರೆಂದರೆ ಅದರ ಹಿಂದಿನ ಕಾರಣಗಳು ಬೇರೆಯೇ ಇದ್ದವೆಂಬುದನ್ನು ಎಂಥವನಾದರೂ ಊಹಿಸಬಲ್ಲ! ಬೆಂಗಳೂರಿನ ಗಲಭೆಯ ಹಿಂದಿನ ಕೈವಾಡ ಎಸ್ಡಿಪಿಐದು ಎನ್ನುವುದಕ್ಕೆ ಈಗ ಸಾಕ್ಷಿಗಳು ಸಿಗುತ್ತಿವೆ. ಇದನ್ನೇ ಆಧಾರವಾಗಿಟ್ಟುಕೊಂಡು ಕೆದಕಿ ನೋಡಿದರೆ ಮುಸಲ್ಮಾನ ಭಯೋತ್ಪಾದಕರಿಗೆ ಟಕರ್ಿಯೊಂದಿಗೆ ಹೊಸ ಸಂಬಂಧಗಳು ಗಟ್ಟಿಯಾಗುವಂತೆ ಕಂಡು ಬರುತ್ತಿವೆ. ಸ್ವತಃ ಅಮಿರ್ಖಾನ್ ಟಕರ್ಿಗೆ ಭೇಟಿಕೊಟ್ಟು ಅಲ್ಲಿನ ಪ್ರಥಮ ಮಹಿಳೆಯನ್ನು ಮಾತನಾಡಿಸಿಕೊಂಡು ಬಂದಿರುವ ವರದಿಗಳನ್ನೆಲ್ಲಾ ಓದುತ್ತಿದ್ದರೆ ಭಾರತದ ಪಾಲಿಗೆ ಸವಾಲು ದೊಡ್ಡದಿದೆ ಎಂಬುದು ಖಾತ್ರಿಯಾಗುತ್ತಿದೆ.

7

ಅತ್ತ ಪಾಕಿಸ್ತಾನಕ್ಕೆ ಅಮೇರಿಕಾ ಗುಮ್ಮುತ್ತಲೇ ಇದೆ. ಟಕರ್ಿ, ಮಲೇಷಿಯಾಗಳೊಂದಿಗೆ ಸೇರಿ ಸೌದಿಯ ವಿರುದ್ಧ ಬೇರೊಂದು ಕೂಟವನ್ನೇ ರಚಿಸುವ ಮಾತನಾಡಿದ್ದ ಪಾಕಿಸ್ತಾನಕ್ಕೆ ಸೌದಿ ಅರೇಬಿಯಾ ಸರಿಯಾಗಿಯೇ ಪಾಠ ಕಲಿಸಿದೆ. ಟಕರ್ಿಯೊಂದಿಗೆ ಸಂಬಂಧ ಕಡಿದುಕೊಂಡರೆ ಮಾತ್ರ ತನ್ನ ಸಹಕಾರ ಸಿಗುವುದೆಂದು ಹೇಳಿರುವ ಸೌದಿಯ ಮಾತುಗಳು ಪಾಕಿಸ್ತಾನದ ಪಾಲಿಗೆ ನುಂಗಲಾರದ ಬಿಸಿ ತುಪ್ಪ. ಅಮೇರಿಕಾ ಕೂಡ ಇದನ್ನೇ ಪುನರುಚ್ಚರಿಸಿರುವುದು ಏಷ್ಯಾದಲ್ಲಿ ಒಂಟಿಯಾಗುತ್ತಿರುವ ಪಾಕಿಸ್ತಾನವನ್ನು ತೋರುತ್ತಿದೆ. ಒಟ್ಟಾರೆ ಕೊರೋನಾ ಕಿರಿಕಿರಿ ಕಳೆಯುವ ಹೊತ್ತಿಗೆ ಜಗತ್ತಿನ ಸೂತ್ರ ಖಂಡಿತವಾಗಿಯೂ ಬದಲಾಗಿರುತ್ತದೆ. ಈ ಬದಲಾದ ಸಮೀಕರಣದ ಆಧಾರದ ಮೇಲೆ ಇಲ್ಲಿ ಹಾರಾಡುತ್ತಿರುವವರ ಸದ್ದು ಅಡಗಲಿದೆಯೋ ಹೆಚ್ಚಲಿದೆಯೋ ಎಂಬುದನ್ನು ಕಾಲ ಕಟ್ಟಿಕೊಡಲಿದೆ!

ಮುಖ್ಯಮಂತ್ರಿ ಯಡ್ಯೂರಪ್ಪನವರು ಬೆಂಗಳೂರಿನ ದಂಗೆಯನ್ನು ಒಂದು ಸ್ಥಳೀಯ ಘಟನೆ ಎಂದು ತಳ್ಳಿ ಹಾಕದೇ ಸೂಕ್ತವಾದ ತನಿಖೆ ನಡೆಸಿ ಹಿಂದು-ಮುಂದೆಲ್ಲವನ್ನೂ ಜಾಲಾಡಿಸಿ ರಾಜ್ಯ ಮತ್ತು ದೇಶ ನೆಮ್ಮದಿಯಾಗಿರಲು ವಾತಾವರಣ ರೂಪಿಸಿಕೊಡಬೇಕೆಂದು ಸಮಾಜ ಒತ್ತಾಯಿಸುತ್ತಿರುವುದು ಈ ಕಾರಣಕ್ಕಾಗಿಯೇ!!

ಡಿಜೆ ಹಳ್ಳಿ ದಂಗೆ; ಅನೇಕ ಪ್ರಶ್ನೆಗಳು!

ಡಿಜೆ ಹಳ್ಳಿ ದಂಗೆ; ಅನೇಕ ಪ್ರಶ್ನೆಗಳು!

ಈ ದೇಶದಲ್ಲಿ ವಹಾಬಿಗಳನ್ನು ಅನೇಕ ಮುಸಲ್ಮಾನರು ಹತ್ತಿರಕ್ಕೂ ಸೇರಿಸುವುದಿಲ್ಲ. ಅನೇಕ ಮುಸ್ಲೀಂ ಪಂಥಗಳಿಗಂತೂ ವಹಾಬಿಗಳ ಮುಖ ಕಂಡರಾಗದು. ಆದರೆ, ಇವರೆಲ್ಲರೂ ಒಂದೇ ವೇದಿಕೆಯನ್ನು ಹಂಚಿಕೊಂಡಿದ್ದು ಮಾತ್ರ ಸಿಎಎ ವಿರುದ್ಧದ ಪ್ರತಿಭಟನೆಯಲ್ಲಿಯೇ. ಆ ದೃಷ್ಟಿಯಿಂದ ಸಿಎಎ ನಿಜಕ್ಕೂ ಅಪಾಯಕಾರಿಯಾಗಿಯೇ ಪರಿಣಮಿಸಿದೆ.

ಬೆಂಗಳೂರಿನಲ್ಲಿ ಒಂದು ಫೇಸ್ಬುಕ್ ಪೋಸ್ಟ್ ಬೆಂಕಿಯನ್ನೇ ಹಚ್ಚಿಬಿಟ್ಟಿತು. ರೊಚ್ಚಿಗೆದ್ದಿದ್ದ ಜನತೆ ರಸ್ತೆ ಬದಿಯಲ್ಲಿ ನಿಂತಿದ್ದ ವಾಹನಗಳ ಮೇಲೆ ತಮ್ಮ ಕೋಪ ತೀರಿಸಿಕೊಂಡರು. ಪಾಪ, ಆ ವಾಹನಗಳದ್ದು ಅದ್ಯಾವ ಜಾತಿಯೋ! ಫೇಸ್ಬುಕ್ ಪೋಸ್ಟಿನ ಅರ್ಥವೇನೆಂಬುದಾದರೋ ಅವುಗಳಿಗೆ ಗೊತ್ತಿತ್ತೋ ಇಲ್ಲವೋ. ಆದರೇನು? ಆಕ್ರೋಶಕ್ಕೊಳಗಾಗಿದ್ದ ಜನತೆಗೆ ಅವೆಲ್ಲಾ ಅರ್ಥವಾಗಿತ್ತಲ್ಲ, ಅಷ್ಟೇ ಸಾಕು. ಜನ ಪೊಲೀಸ್ ಸ್ಟೇಷನ್ನಿನ ಮೇಲೆ ಮುಗಿಬಿದ್ದರು. ಸ್ವತಃ ಶಾಸಕರ ಮನೆಯೇ ಬೆಂಕಿಗೆ ಆಹುತಿಯಾಯ್ತು. ‘ದಲಿತನ ಮೇಲೆ ಮರದ ಕೊಂಬೆ ಬಿದ್ದು ಸಾವು’ ಎಂಬೆಲ್ಲಾ ಶೀಷರ್ಿಕೆ ನೀಡಲು ಹಿಂದೆ-ಮುಂದೆ ನೋಡದ ಪತ್ರಿಕೆಗಳು ದಲಿತ ಶಾಸಕನ ಮೇಲೆಯೇ ನಡೆದ ಈ ಹಲ್ಲೆಯನ್ನು ಆದಷ್ಟು ಬೇಗ ಮುಚ್ಚಿ ಹಾಕಿಬಿಡಲು ಯತ್ನಿಸಿದವು. ಎಲ್ಲಕ್ಕಿಂತಲೂ ದುರದೃಷ್ಟಕರ ಸಂಗತಿ ಎಂದರೆ ಮುಸಲ್ಮಾನರ ವಿರುದ್ಧ ಮಾತನಾಡಿದ್ದ ಎಂಬ ಒಂದೇ ಕಾರಣಕ್ಕೆ ತನ್ನದ್ದೇ ಶಾಸಕರ ಸೋದರಳಿಯನಿಗೂ ತಮಗೂ ಸಂಬಂಧವೇ ಇಲ್ಲವೆಂದುಬಿಟ್ಟಿತ್ತು ಕಾಂಗ್ರೆಸ್ಸು. ಕಾಂಗ್ರೆಸ್ಸಿನ ರಾಜ್ಯಾಧ್ಯಕ್ಷರಂತೂ ಒಂದು ಹೆಜ್ಜೆ ಮುಂದೆ ಹೋಗಿ ಆತ ಬಿಜೆಪಿಯ ಕಾರ್ಯಕರ್ತ ಎಂದೂ ಪತ್ರಿಕಾಗೋಷ್ಠಿಯಲ್ಲಿ ಹೇಳಿಬಿಟ್ಟರು. ಶಾಸಕ ದಲಿತನೆಂಬುದನ್ನು ಮರೆತು ಆತನ ಮೇಲೆ ನಡೆಯಲಾದ ಹಲ್ಲೆಗೆ ವಿರೋಧ ವ್ಯಕ್ತಪಡಿಸದೇ ಸಿಗುವ ಮತಗಳಿಗಾಗಿ ಜೊಲ್ಲು ಸುರಿಸುವ ಮಂದಿಗೆ ಏನೆನ್ನಬೇಕು ಹೇಳಿ? ಹಾಗಂತ ಕಾಂಗ್ರೆಸ್ಸಿನ ಈ ಮಾನಸಿಕತೆ ಹೊಸತೇನೂ ಅಲ್ಲ. ಸ್ವಾತಂತ್ರ್ಯ ಹೋರಾಟದ ಕಾಲಘಟ್ಟದಿಂದಲೂ ಹಿಂದೂಗಳ ದನಿಯನ್ನು ಅಡಗಿಸುತ್ತಲೇ ಬಂದಿದೆ ಅದು. ಖಿಲಾಫತ್ ಚಳುವಳಿಯೇ ಇರಲಿ, ಮೋಪ್ಲಾ ಕಾಂಡವೇ ಇರಲಿ ಕಾಂಗ್ರೆಸ್ ಎಂದಿಗೂ ಸ್ಪಷ್ಟ ದನಿಯಲ್ಲಿ ಮಾತನಾಡಿದ್ದೇ ಇಲ್ಲ. ಶ್ರದ್ಧಾನಂದರ ಹತ್ಯೆಯ ಹೊತ್ತಲ್ಲಿ, ನೌಕಾಲಿ ದಂಗೆಯ ಸಂದರ್ಭದಲ್ಲಿ ಕಾಂಗ್ರೆಸ್ಸಿನ ನಿಲುವು ಕಾಂಗ್ರೆಸ್ಸಿಗೇ ಅರ್ಥವಾಗುವಂಥದ್ದಾಗಿರಲಿಲ್ಲ. ಈಗಲೂ ಹಾಗೆಯೇ. ಗೊಂದಲದ ಗುಡಾಗಿಬಿಟ್ಟಿದೆ ಆ ಪಕ್ಷ. ಸಾಮಾನ್ಯ ಹಿಂದುವಿಗೂ ಎಸ್ಡಿಪಿಐ ಪ್ರೇರಿತ ಈ ದಂಗೆ ತಪ್ಪೆಂದು ಅರ್ಥವಾಗುತ್ತದೆ. ಆದರೆ, ಅದನ್ನು ದೃಢವಾಗಿ ಹೇಳುವಲ್ಲಿ ಕಾಂಗ್ರೆಸ್ಸೇಕೆ ಸೋಲುತ್ತಿದೆ ಎಂಬುದು ಕಾಂಗ್ರೆಸ್ ಕಾರ್ಯಕರ್ತನಿಗೆ ಗೊಂದಲವೆನಿಸುವಂತಾಗಿಬಿಟ್ಟಿದೆ!

9

ಇಷ್ಟಕ್ಕೂ ಈ ಇಡಿಯ ಘಟನೆಗೆ ಕಿಡಿ ಹಚ್ಚಿದ್ದು ಮುಸಲ್ಮಾನರೇ. ಹಿಂದೂ ದೇವತೆಗಳನ್ನು ಅವಹೇಳನಗೈಯ್ಯುವ ಫೇಸ್ಬುಕ್ ಪೋಸ್ಟ್ಗಳನ್ನು ಮುಲಾಜಿಲ್ಲದೇ ಹಾಕುವ ಇವರುಗಳಿಗೆ ಸರಿಯಾದ ಉತ್ತರ ಕೊಟ್ಟವ ಶಾಸಕರ ಅಳಿಯ. ನಮ್ಮ ದೇವರುಗಳನ್ನು ನಿಂದಿಸುವ ಅವರ ಈ ಕ್ರಿಯೆಗೆ ಪ್ರತಿಕ್ರಿಯೆಯಾಗಿ ಆಕಾರ-ರೂಪುಗಳಿಲ್ಲದ ದೇವರು ಅಲ್ಲಿ. ಹೀಗಾಗಿಯೇ ಮುಸಲ್ಮಾನರು ಅತ್ಯಂತ ಗೌರವಿಸುವ ಪ್ರವಾದಿಯೇ ಮುಂದಿನ ಟಾಗರ್ೆಟ್ಟು. ಜಗತ್ತಲ್ಲೆಲ್ಲೂ ಹಾಗೇ. ಚಾಲರ್ಿ ಹೆಬ್ಡು ನೆನಪಿರಬೇಕಲ್ಲ. ಅದೂ ಕೂಡ ಹೀಗೆಯೇ ಆದದ್ದು. ತಾವು ಮತ್ತೊಂದು ಪಂಥವನ್ನು ನಿಂದಿಸುವಾಗ, ಆಚರಣೆಗಳನ್ನು ಆಡಿಕೊಳ್ಳುವಾಗ, ದೇವರುಗಳನ್ನು ಹೀಯಾಳಿಸುವಾಗ ಯಾವ ತಪ್ಪು ಇವರಿಗೆ ಕಂಡು ಬರುವುದಿಲ್ಲ. ಆದರೆ, ಯಾರಾದರೂ ತಮ್ಮನ್ನು ಮುಟ್ಟಬಂದರೆ ಮಾತ್ರ ನಕಶಿಖಾಂತ ಉರಿದು ಹೋಗುತ್ತಾರೆ. ರಾಜಕಾರಣದ ಪಡಸಾಲೆಗಳಲ್ಲಿ ತಿರುಗಾಡುವ ನನ್ನ ಮುಸ್ಲೀಂ ಮಿತ್ರರೊಬ್ಬರು ಈ ಸಂದರ್ಭದಲ್ಲಿಯೇ ಹಾಕಿದ್ದ ಫೇಸ್ಬುಕ್ ಪೋಸ್ಟೊಂದು ಗಮನಿಸಿ ನಗು ಬರುತ್ತಿತ್ತು. ಅವರ ಪ್ರಕಾರ ಶಾಸಕರಳಿಯ ಮಾಡಿದ್ದು ತಪ್ಪು. ಆದರೆ, ಮುಸಲ್ಮಾನ ದಂಗೆಕೋರರ ಬಳಿ ಮಾತ್ರ ಶಾಂತಿಯಿಂದಿರುವಂತೆ ಕೋರಿಕೊಳ್ಳುತ್ತಿದ್ದರು. ವಾಸ್ತವವಾಗಿ ಅವರು ಕೇಳಿಕೊಳ್ಳಬೇಕಾದ್ದು ಅಕ್ಷರಶಃ ಉಲ್ಟಾ. ಶಾಸಕರ ಅಳಿಯನಿಗೆ ಸಂಯಮ ಕಾಯ್ದುಕೊಳ್ಳಲು ಹೇಳಬೇಕಿತ್ತು ಮತ್ತು ತಮ್ಮ ಸೋದರ ಮುಸಲ್ಮಾನರು ಮಾಡುತ್ತಿರುವುದನ್ನು ತಪ್ಪು ಎಂದು ಹೇಳಬೇಕಿತ್ತು. ಆದರೇನು? ಮುಸಲ್ಮಾನ ಎಷ್ಟೇ ಪ್ರಜ್ಞಾವಂತನಾದರೂ ಆತನೊಳಗೆ ಅರಿವಿಲ್ಲದೇ ಇಣುಕುವ ಮತಾಂಧತ್ವ ತನ್ನ ಧಮರ್ೀಯರ ವಿರುದ್ಧ ಮಾತನಾಡುವ ಧೈರ್ಯವನ್ನು ಕೊಡಲಾರದು. ಈ ಕಾರಣಕ್ಕಾಗಿಯೇ ಶಾಸಕ ಜಮೀರ್ ಹೇಳುವಂತೆ ಇಡಿಯ ಸಮಾಜ ಇಂದು ಅನಕ್ಷರಸ್ಥರು ಮತ್ತು ದಡ್ಡರಿಂದಲೇ ತುಂಬಿ ಹೋಗಿದೆ. ಹಿಂದೂಗಳೆನಿಸಿಕೊಂಡವರೇನೂ ಕಡಿಮೆ ಇಲ್ಲ. ಮುಸಲ್ಮಾನರಿಗೆ ಬುದ್ಧಿ ಹೇಳುತ್ತಲೇ ಶಾಸಕರಳಿಯ ಮಾಡಿದ್ದನ್ನು ನಾನು ಒಪ್ಪಲಾರೆ ಎಂದೆನ್ನುವ ಅನೇಕ ಪೋಸ್ಟುಗಳು ಆನಂತರದ ದಿನಗಳಲ್ಲಿ ಓಡಾಡಿದವು. ಸಾಮಾಜಿಕ ಜಾಲತಾಣಗಳು ವ್ಯಾಪಕವಾದ ನಂತರ ಯಾರೂ ಯಾರನ್ನೂ ಹೇಗೆ ಬೇಕಾದರೂ ನಿಂದಿಸುವ ಮುಕ್ತ ಪರವಾನಗಿ ಸಿಕ್ಕಿಬಿಟ್ಟಿದೆ. ಇದೇ ಮುಸಲ್ಮಾನರು ಮೋದಿಯವರ ಕುರಿತಂತೆ ಬಳಸಿದ ಭಾಷೆಗಳು ಯಾರಿಗೆ ಗೊತ್ತಿಲ್ಲ ಹೇಳಿ? ಅಮಿತ್ ಶಾಗೆ ಕೊರೋನಾ ದೃಢಪಟ್ಟಿದೆ ಎಂದು ಗೊತ್ತಾದೊಡನೆ ಆತನ ಸಾವನ್ನು ಹಾರೈಸುವ ಎಷ್ಟೊಂದು ಹೇಳಿಕೆಗಳು ಹೊರಟಿದ್ದನ್ನು ಮರೆಯುವುದಾದರೂ ಹೇಗೆ? ಮೊಹಮ್ಮದ್ ಪೈಗಂಬರರ ಕುರಿತಂತೆ ಅಗೌರವದ ಮಾತುಗಳನ್ನು ಆಡಿದರು ಎಂದ ಮಾತ್ರಕ್ಕೆ ಅವರು ಮೈಲಿಗೆಯಾಗುತ್ತಾರೇನು? ಅಥವಾ ಜಗತ್ತಿನಾದ್ಯಂತ ಇರುವ 700 ಕೋಟಿ ಮಂದಿ ಅವರನ್ನು ಅನವಶ್ಯಕವಾಗಿ ಹೊಗಳಿಬಿಟ್ಟರೆ ಅವರು ಶ್ರೇಷ್ಠರಾಗಿಬಿಡುತ್ತಾರೇನು? ಇದು ಸಾಧ್ಯವೇ ಇಲ್ಲದ ಸಂಗತಿ. ಬಿಸಿಲು ಹೆಚ್ಚಾದಾಗ ಸೂರ್ಯನಿಗೆ ಮನಸೋ ಇಚ್ಛೆ ಬೈಯ್ಯುವ ಅದೇ ಜನ ನಾಲ್ಕು ದಿನ ಸೂರ್ಯ ಕಾಣದೇ ಹೋದಾಗ ಎಲ್ಲರ ದೇಹಾರೋಗ್ಯ ಹಾಳಾಗಿಬಿಟ್ಟಿದೆ ಎಂದೂ ಬೈಯ್ಯುತ್ತಾರೆ. ಹೀಗೆ ನಿಂದಿಸುತ್ತಿದ್ದಾರೆಂಬ ಕಾರಣಕ್ಕೆ ಸೂಯರ್ಾರಾಧಕರು ಧಾಂಧಲೆ ಎಬ್ಬಿಸಿಬಿಟ್ಟರೆ ನಷ್ಟ ಸೂರ್ಯನಿಗೋ ಅಥವಾ ಅವನ ಆರಾಧಕರಿಗೋ ಎನ್ನುವುದೇ ಪ್ರಶ್ನೆ. ಜಗತ್ತಿನ ಇತಿಹಾಸದಲ್ಲಿ ಶಾಸಕರ ಸೋದರಳಿಯನಂತೆ ಸಾವಿರಾರು ಮಂದಿ ಆಗಿಹೋಗಬಹುದು. ಆದರೆ ನಿಜಕ್ಕೂ ಶ್ರೇಷ್ಠತೆ ಇದ್ದರೆ ಪೈಗಂಬರ್ರಂತೆ ಒಬ್ಬರು ಮಾತ್ರವೇ ಹುಟ್ಟುವುದು ಸಾಧ್ಯ. ಹೀಗಿರುವಾಗ ಈ ಒಟ್ಟಾರೆ ಪ್ರಕರಣವನ್ನು ನೋಡಬೇಕಾದ ದೃಷ್ಟಿಕೋನವೇ ಭಿನ್ನವಾಗಿತ್ತಲ್ಲವೇ? ದಿನಬೆಳಗಾದರೆ ಭಗವಾನ್ನಂತಹ ಬುದ್ಧಿಜೀವಿಗಳು ಶ್ರೀರಾಮನನ್ನು ಆಡಿಕೊಳ್ಳುತ್ತಾರೆ. ರಾಮನ ವ್ಯಕ್ತಿತ್ವದ ಕುರಿತಂತೆ ಸಂದೇಹಗಳನ್ನು ವ್ಯಕ್ತಪಡಿಸುತ್ತಾರೆ. ಕೊನೆಗೆ ರಾಮನ ಹುಟ್ಟೂರು ಅಯೋಧ್ಯೆಯಲ್ಲಿ ಆತನ ಮಂದಿರವನ್ನೇ ಧ್ವಂಸಗೊಳಿಸಿ ಮಸೀದಿಯನ್ನೂ ಕಟ್ಟಿಬಿಡುತ್ತಾರೆ. ಇತಿಹಾಸವನ್ನು ಅವಲೋಕಿಸಿ ನೋಡಿ. ರಾಮನ ಕುರಿತಂತೆ ಅಪದ್ಧಗಳನ್ನಾಡಿದವರ ಹೆಸರು ಇಂದು ಉಳಿದಿಲ್ಲ. ಆದರೆ ರಾಮ ಮನೆ-ಮನೆಯಲ್ಲೂ ಇದ್ದಾನೆ. ಮೊನ್ನೆ ಮಂದಿರಕ್ಕೆ ಭೂಮಿಪೂಜನವಾಗುವಾಗ ಜಗತ್ತಿನಾದ್ಯಂತ ಕೋಟ್ಯಂತರ ಮಂದಿ ರಾಮನಿಗೆ ಜೈಕಾರ ಹಾಕಿದ್ದಾರೆ. ಸತ್ಯ ಶಾಶ್ವತವೆನ್ನುವುದು ಈ ಕಾರಣಕ್ಕೆ. ಆದರೆ ನೀವು ಸುಳ್ಳಿನ ಪರವಾಗಿ ನಿಂತಿದ್ದರೆ ಅದನ್ನು ಸತ್ಯವೆಂದು ಸಾಬೀತುಪಡಿಸಲು ಮಾತ್ರ ತಿಪ್ಪರಲಾಗ ಹಾಕಬೇಕು. ಜನ ಅದನ್ನು ಸತ್ಯವೆಂದು ಭ್ರಮಿಸುವಂತೆ ಮಾಡಬೇಕು. ಯಾರಾದರೊಬ್ಬರು ‘ಸತ್ಯವಲ್ಲ’ ಎಂದು ಹೇಳಲು ಯತ್ನಿಸಿದರೆ ಅವರನ್ನು ಕೊಲ್ಲಬೇಕು. ಇದು ಸಹಜ ಪ್ರಕ್ರಿಯೆ. ಈಗ ಗಲಾಟೆ ಮಾಡುವವರೇ ತಾವು ಯಾವ ಪಾಳಯದಲ್ಲಿದ್ದೇವೆ ಎಂಬುದನ್ನು ನಿರ್ಣಯಿಸಿಕೊಳ್ಳಬೇಕು ಅಷ್ಟೇ.

10

ಇಷ್ಟಕ್ಕೂ ಭಾರತದಲ್ಲಿ ಈ ಪರಿಯ ಕದನ ಕುತೂಹಲತನ ಮುಸಲ್ಮಾನರಲ್ಲೂ ಎಂದಿಗೂ ಇರಲಿಲ್ಲ. ಹಳ್ಳಿ-ಹಳ್ಳಿಗಳಲ್ಲಿರುವ ಮುಸಲ್ಮಾನರು ಸ್ಥಳೀಯ ಹಿಂದೂಗಳೊಂದಿಗೆ ಸಹಜವಾದ ಸುಮಧುರವಾದ ಬಾಂಧವ್ಯವನ್ನೇ ಹೊಂದಿದ್ದರು. ಅದರಲ್ಲೂ ಬರೇಲ್ವಿ ಪಂಥಕ್ಕೆ ಸೇರಿದ ಸುನ್ನಿಗಳದ್ದಂತೂ ಭಾರತೀಯತೆಗೆ ಹೊಂದುವ ಆಚರಣೆಗಳೇ ಆಗಿಬಿಟ್ಟಿದ್ದರಿಂದ ಎಲ್ಲವೂ ಚೆನ್ನಾಗಿಯೇ ಇತ್ತು. ಕಳೆದ ನಾಲ್ಕಾರು ದಶಕಗಳಲ್ಲಿ ಇದನ್ನು ಬುಡಮೇಲುಗೊಳಿಸುವ ಮತ್ತು ಮುಸಲ್ಮಾನರನ್ನು ಕಟ್ಟರ್ ಧಮರ್ೀಯರನ್ನಾಗಿಸುವ ಪ್ರಯತ್ನ ಭರದಿಂದ ಸಾಗಿದೆ. ಈ ಪ್ರಯತ್ನದಲ್ಲಿ ವಹಾಬಿಗಳ ಪಾತ್ರ ಬಲುದೊಡ್ಡದ್ದು. ಹಾಗೆ ನೋಡಿದರೆ ಈ ದೇಶದಲ್ಲಿ ವಹಾಬಿಗಳನ್ನು ಅನೇಕ ಮುಸಲ್ಮಾನರು ಹತ್ತಿರಕ್ಕೂ ಸೇರಿಸುವುದಿಲ್ಲ. ಅನೇಕ ಮುಸ್ಲೀಂ ಪಂಥಗಳಿಗಂತೂ ವಹಾಬಿಗಳ ಮುಖ ಕಂಡರಾಗದು. ಆದರೆ, ಇವರೆಲ್ಲರೂ ಒಂದೇ ವೇದಿಕೆಯನ್ನು ಹಂಚಿಕೊಂಡಿದ್ದು ಮಾತ್ರ ಸಿಎಎ ವಿರುದ್ಧದ ಪ್ರತಿಭಟನೆಯಲ್ಲಿಯೇ. ಆ ದೃಷ್ಟಿಯಿಂದ ಸಿಎಎ ನಿಜಕ್ಕೂ ಅಪಾಯಕಾರಿಯಾಗಿಯೇ ಪರಿಣಮಿಸಿದೆ. ಈ ಹೋರಾಟಗಳ ನಂತರ ಮುಸಲ್ಮಾನ್ ತರುಣರಿಗೆ ವಹಾಬಿ ಚಿಂತನೆಗಳ ಮೇಲೆ ಅದೆಷ್ಟು ಆಸಕ್ತಿ ಬೆಳೆಯಲಾರಂಭಿಸಿದೆ ಎಂದರೆ ಹಳ್ಳಿ-ಹಳ್ಳಿಯಲ್ಲೂ ಈ ಜಮಾತಿನ ಜನ ತಮ್ಮ ವಿಚಾರಧಾರೆಯನ್ನು ಹಬ್ಬಿಸಲು ಪ್ರವಾಸ ಆರಂಭಿಸಿಬಿಟ್ಟಿದ್ದಾರೆ. ಮುಸಲ್ಮಾನರೊಳಗಿನ ಅನೇಕ ಶಾಂತಿ ಪ್ರತಿಪಾದಕ ಪಂಥಗಳು ಕೈಚೆಲ್ಲುವ ಹಂತಕ್ಕೆ ಬಂದುಬಿಟ್ಟಿವೆ. ಇದು ಸ್ವತಃ ಮುಸಲ್ಮಾನರಿಗೇ ಒಳಿತೆನಿಸುವ ಬೆಳವಣಿಗೆಯಂತೂ ಅಲ್ಲ. ಜಾಗತಿಕವಾಗಿ ಕಂಡು ಬರುತ್ತಿರುವ ಬದಲಾವಣೆಗಳು ಮತ್ತು ಇಸ್ಲಾಂ ಸಾಗುತ್ತಿರುವ ಹಾದಿ ಇವೆಲ್ಲವೂ ಕೂಡ ಹೊಸ ಸವಾಲನ್ನಂತೂ ಖಂಡಿತ ತರಲಿದೆ. ಇತ್ತೀಚೆಗೆ ಇಸ್ರೇಲ್ ಯುಎಇಯೊಂದಿಗೆ ಮಾಡಿಕೊಂಡ ಒಪ್ಪಂದವೇ ಇದಕ್ಕೆ ಸ್ಪಷ್ಟ ಉದಾಹರಣೆ. ಸದಾ ಇಸ್ಲಾಮನ್ನು ಉಳಿಸಲು ಮುಂಚೂಣಿಯಲ್ಲಿ ನಿಂತಿರುತ್ತಿದ್ದ ಸೌದಿ ಅರೇಬಿಯಾ ಈ ಬಾರಿ ಪಾಕಿಸ್ತಾನದ ಬೆನ್ನೆಲುಬನ್ನೇ ಮುರಿಯಲು ತಾನು ಕೊಟ್ಟ ಒಂದು ಬಿಲಿಯನ್ ಡಾಲರ್ ಸಾಲವನ್ನು ಮರಳಿ ಪಡೆದಿದೆ! ಸೌದಿ ಅರೇಬಿಯಾಕ್ಕೆ ಹೆದರಿಕೆ ಹುಟ್ಟಿಸುವ ಪ್ರಯತ್ನವಾಗಿ ಟಕರ್ಿಯೊಂದಿಗೆ ಸಂಬಂಧ ಬೆಳೆಸಿಕೊಳ್ಳುವ ಮಾತುಗಳನ್ನಾಡಿ ಅದು ಸಾಕಷ್ಟು ಹೊಡೆತ ತಿಂದಿದೆ. ಹಾಗಂತ ಸುಮ್ಮನಿಲ್ಲ. ಕಾಶ್ಮೀರ ಮತ್ತು ಭಾರತದ ಇತರೆಡೆ ದಂಗೆಗಳನ್ನು ಹಬ್ಬಿಸಲು ಅದು ಈಗ ಟಕರ್ಿಯ ಮೊರೆ ಹೋಗಿದೆ. ಟಕರ್ಿಯ ಅಧ್ಯಕ್ಷ ತಾನೀಗ ಇಸ್ಲಾಮಿನ ಮಹಾರಕ್ಷಕನಾಗಿ ಹೊರಹೊಮ್ಮಬೇಕೆಂಬ ಧಾವಂತದಲ್ಲಿದ್ದಾನೆ. ಇವೆಲ್ಲದರ ನೇರ ಮತ್ತು ಅಡ್ಡ ಪರಿಣಾಮಗಳು ಭಾರತದಲ್ಲಿರುವ ಮುಸಲ್ಮಾನರ ಮೇಲೆ ನಿಸ್ಸಂಶಯವಾಗಿ ಆಗಲಿದೆ. ಈ ಎಲ್ಲ ಹಿನ್ನೆಲೆಯನ್ನಿಟ್ಟುಕೊಂಡು ಬೆಂಗಳೂರಿನ ದಂಗೆಗಳನ್ನು ನೋಡಬೇಕೇ ಹೊರತು ಒಂದು ಫೇಸ್ಬುಕ್ ಪೋಸ್ಟ್ನ ಆಧಾರದ ಮೇಲಂತೂ ಅಲ್ಲವೇ ಅಲ್ಲ!

ಇಡಿಯ ಪ್ರಕರಣದಲ್ಲಿ ಎಸ್ಡಿಪಿಐನ ಪಾತ್ರ ಬಲು ಮುಖ್ಯವಾದ್ದು. ಕಳೆದ ಚುನಾವಣೆಯಲ್ಲಿ ಕಾಂಗ್ರೆಸ್ಸಿನ ವಿರುದ್ಧ ತನ್ನ ಅಭ್ಯಥರ್ಿಯನ್ನು ಕಣಕ್ಕಿಳಿಸದೇ ಶಾಸಕ ದೊಡ್ಡ ಪ್ರಮಾಣದ ಗೆಲುವು ಸಾಧಿಸಲು ಅನುಕೂಲ ಮಾಡಿಕೊಟ್ಟಿದ್ದು ಇದೇ ಪಕ್ಷ. ಆದರೀಗ ಕಾಪರ್ೊರೇಶನ್ ಚುನಾವಣೆಗೂ ಮುನ್ನ ಹೀಗೊಂದು ದಂಗೆಗೆ ಕಾರಣವಾಗಿ ಮುಸಲ್ಮಾನರ ವೋಟುಗಳನ್ನು ಅದು ಕ್ರೋಢೀಕರಿಸಿಕೊಳ್ಳುತ್ತಿರುವುದನ್ನು ನೋಡಿದರೆ ಕಾಂಗ್ರೆಸ್ಸು ನಿಸ್ಸಂಶಯವಾಗಿ ಬಲವಾದ ಹೊಡೆತ ತಿನ್ನಲಿದೆ. ಅಪ್ಪಿ-ತಪ್ಪಿ ಕಾಂಗ್ರೆಸ್ ನಾಯಕರು ತಮ್ಮ ಶಾಸಕನ ಪರವಾಗಿ ನಿಂತು ದಂಗೆಕೋರರ ವಿರುದ್ಧ ಸಣ್ಣ ಹೇಳಿಕೆಯನ್ನು ಕೊಟ್ಟುಬಿಟ್ಟಿದ್ದರೂ ಕಾಂಗ್ರೆಸ್ಸು ಮುಸಲ್ಮಾನರ ವೋಟುಗಳನ್ನು ಶಾಶ್ವತವಾಗಿ ಕಳೆದುಕೊಳ್ಳುತ್ತಿತ್ತಲ್ಲದೇ ಎಸ್ಡಿಪಿಐ ಪ್ರಬಲವಾಗಿ ಬೆಳೆದುಬಿಟ್ಟಿರುತ್ತಿತ್ತು. ಮುಂದಿನ ದಿನಗಳಲ್ಲಿ ಕಾಂಗ್ರೆಸ್ಸಿಗೆ ಮುಳುವಾಗಿ ಆಂಧ್ರದಲ್ಲಿ ಓವೈಸಿ ಸಹೋದರರಂತೆ ಇಲ್ಲಿಯೂ ಎಸ್ಡಿಪಿಐನ ಕುಳಗಳು ಬಲವಾಗಿ ಬೇರೂರಿಬಿಟ್ಟಿರುತ್ತಿದ್ದವು. ಇಡಿಯ ಪ್ರಕರಣಕ್ಕೆ ಈ ಒಂದು ತಿರುವೂ ಕೂಡ ಇದೆ.

11

ಇವೆಲ್ಲವುಗಳ ನಂತರವೂ ಸಾಮಾನ್ಯ ನಾಗರಿಕನಲ್ಲಿ ಒಂದು ಪ್ರಶ್ನೆಯಂತೂ ಹಾಗೆಯೇ ಉಳಿದುಬಿಡುತ್ತದೆ. ಯಾವುದಾದರೊಬ್ಬ ವ್ಯಕ್ತಿಯನ್ನು ಸಂಬಂಧವೇ ಇಲ್ಲದ ಮತ್ತೊಬ್ಬ ವ್ಯಕ್ತಿ ನಿಂದಿಸಿಬಿಟ್ಟರೆ ಆ ವ್ಯಕ್ತಿಗೆ ಕಳಂಕ ತಟ್ಟಿಯೇ ಬಿಡುತ್ತದಾ? ಮತ್ತು ಹಾಗೆ ನಿಂದಿಸಿದ ವ್ಯಕ್ತಿಯನ್ನು ಕೊಂದುಬಿಟ್ಟರೆ ಅಥವಾ ಅವನ ಧಮರ್ೀಯರನ್ನು ನಾಶಗೊಳಿಸಿದರೆ ಆ ವ್ಯಕ್ತಿಯ ಗೌರವ ಹೆಚ್ಚುತ್ತದಾ? ಅಲ್ಲದೇ ಈ ರೀತಿ ತಮ್ಮೊಳಗೆ ಇತರರನ್ನು ನಾಶಗೈಯ್ಯುವ ಆಲೋಚನೆಯನ್ನೇ ತುಂಬಿಕೊಂಡಿರುವಂತಹ ಈ ಮಂದಿ ನಾಗರಿಕ ಸಮಾಜದಲ್ಲಿ ಇತರರೊಂದಿಗೆ ಬದುಕುವ ಅರ್ಹತೆ ಉಳಿಸಿಕೊಂಡಿದ್ದಾರಾ? ಇಂತಹ ಅನೇಕ ಜೀವಪರ ಪ್ರಶ್ನೆಗಳನ್ನು ಕೇಳುವ, ಟೌನ್ಹಾಲ್ಗಳ ಮುಂದೆ ದಿನಬೆಳಗಾದರೆ ಬಂದು ಕೂರುವ ಎಡಪಂಥೀಯ ಬುದ್ಧಿಜೀವಿಗಳೆಲ್ಲಾ ಈಗೇಕೆ ಬಿಲಸೇರಿಕೊಂಡುಬಿಟ್ಟಿದ್ದಾರೆ? ಅವರ ಪೌರುಷವೇನಿದ್ದರೂ ಯಾರನ್ನು ಕೊಲೆಗೈಯ್ಯುವುದನ್ನು ಸಮಥರ್ಿಸದ ತಾಳ್ಮೆ ಮತ್ತು ಸಹನೆಯನ್ನೇ ಮೈಗೂಡಿಸಿಕೊಂಡಿರುವ ಹಿಂದೂಗಳ ಮೇಲೆ ಮಾತ್ರವೇನಾ?

ಬೆಂಗಳೂರಿನ ದಂಗೆ ಅನೇಕ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ಉತ್ತರ ಕಂಡುಕೊಳ್ಳದಿದ್ದರೆ ನಮ್ಮ ಪಾಲಿನ ಬರಲಿರುವ ದಿನಗಳು ನಿಜಕ್ಕೂ ಕಠೋರವಾಗಿರಲಿವೆ!!

ಸವಾಲುಗಳನ್ನು ಅವಕಾಶವಾಗಿಸಿಕೊಳ್ಳುವ ಚಾಣಾಕ್ಷ ಮೋದಿ!

ಸವಾಲುಗಳನ್ನು ಅವಕಾಶವಾಗಿಸಿಕೊಳ್ಳುವ ಚಾಣಾಕ್ಷ ಮೋದಿ!

ಭಾರತ ಜಗತ್ತಿನ ಅತ್ಯಂತ ದೊಡ್ಡ ಶಸ್ತ್ರಾಸ್ತ್ರ ಆಮದು ರಾಷ್ಟ್ರವಾಗಿರುವುದರಿಂದ ಪ್ರಬಲವಾದ ಅನೇಕ ರಾಷ್ಟ್ರಗಳು ನಮಗೆ ಶತ್ರವೂ, ಮಿತ್ರನೂ ಏಕಕಾಲಕ್ಕೆ ಆಗಿವೆ. ಯಾರಿಂದ ಶಸ್ತ್ರಗಳನ್ನು ಕೊಳ್ಳುವೆವೋ ಅವರು ನಮಗೆ ಮಿತ್ರರಾಗಿಬಿಟ್ಟರೆ, ಯಾರಿಂದ ಕೊಳ್ಳುವುದಿಲ್ಲವೋ ಅವರು ಶತ್ರುಗಳು.

ಸವಾಲಾಗಿ ಎದುರಾಗಿರುವ ಸಂಗತಿಯನ್ನು ಅವಕಾಶವಾಗಿ ಪರಿವತರ್ಿಸಿಕೊಳ್ಳುವವನು ಬುದ್ಧಿವಂತ. ಅದಕ್ಕೆ ಬುದ್ಧಿಯಂತೂ ಬೇಕೇ ಬೇಕು. ಜೊತೆಗೆ 56 ಇಂಚಿನ ಎದೆಯೂ ಬೇಕು. ಹೌದು. ನಾನು ನರೇಂದ್ರಮೋದಿಯವರ ಬಗ್ಗೆಯೇ ಮಾತನಾಡುತ್ತಿದ್ದೇನೆ. ಕರೋನಾ ಭಾರತಕ್ಕೆ ಅಪ್ಪಳಿಸುವ ಆರಂಭದಲ್ಲಿ ಜನತಾ ಕಫ್ಯರ್ೂ ಘೋಷಿಸಿದ್ದು, ಅದರ ಹಿಂದು-ಹಿಂದೆಯೇ ಲಾಕ್ಡೌನ್ಗಳು ಭಾರತವನ್ನು ಆವರಿಸಿಕೊಂಡಿದ್ದು ಈಗ ಹಳೆಯ ಕಥೆ. ಯಾವೊಬ್ಬ ನಾಯಕನಿಗಾದರೂ ಇಂತಹ ದುಃಸ್ಥಿತಿಗೆ ಕಾರಣರಾದ ವ್ಯಕ್ತಿ ಅಥವಾ ದೇಶದ ಮೇಲೆ ಕೋಪವಿರುವುದು ಸಹಜವೇ. ಹಾಗಂತ ತೀರಿಸಿಕೊಳ್ಳುವುದಾದರೂ ಹೇಗೆ? ಅಮೇರಿಕಾ ತಂಟೆ ಮಾಡಿದ್ದರೆ ಪ್ರಜಾಪ್ರಭುತ್ವ ರೀತಿಯಲ್ಲೇ ಬಡಿದಾಡಬಹುದಿತ್ತೇನೋ; ಎಷ್ಟಾದರೂ ಅದೂ ಪ್ರಜಾಪ್ರಭುತ್ವ ರಾಷ್ಟ್ರವೇ ಅಲ್ಲವೇನು? ಆದರೆ ಚೀನಾ ಹಾಗಲ್ಲ. ಅದು ತನ್ನಿಚ್ಛೆಗೆ ಬಂದಂತೆ ನಡೆಯುವ ಹಠಮಾರಿ ಧೋರಣೆಯ ರಾಷ್ಟ್ರ. ಉತ್ಪಾದನೆಯಲ್ಲಿ ಎಲ್ಲರಿಗಿಂತಲೂ ಮುಂದಿದ್ದೇನೆಂಬ ಧಿಮಾಕು ಬೇರೆ. ಸಣ್ಣ-ಪುಟ್ಟ ರಾಷ್ಟ್ರಗಳನ್ನು ಹಣಕೊಟ್ಟು ಕೊಳ್ಳಬಲ್ಲೆ ಎಂಬ ದುರಹಂಕಾರ. ಅದರೆದುರಿಗೆ ನಾವಾದರೂ ಎಂಥವರು. ದೊಡ್ಡ ಮೊತ್ತದ ವ್ಯಾಪಾರ ಕೊರತೆ ನಮ್ಮಿಬ್ಬರ ನಡುವೆ. ಅವರದ್ದೇ ಸಿದ್ಧಾಂತಗಳ ಮೇಲೆ ನಡೆಯುವ ಪಕ್ಷ ಇಲ್ಲಿ ಕೇರಳದಲ್ಲಿ ಅಧಿಕಾರ ಹಿಡಿದಿದೆಯಲ್ಲದೇ ಈ ಸಿದ್ಧಾಂತವನ್ನು ಮಾತನಾಡುವ ಅನೇಕ ಮಂದಿ ಆಯಕಟ್ಟಿನ ಜಾಗಗಳಲ್ಲಿ ಕುಳಿತು ಭಾರತವನ್ನೇ ವಿರೋಧಿಸುತ್ತಾರೆ. ಇವೆಲ್ಲವನ್ನೂ ವಿರೋಧಿಸಬೇಕಿದ್ದ ಗಾಂಧೀಜಿಯವರ ಹೆಸರು ಹೇಳುವ ಕಾಂಗ್ರೆಸ್ ಪಕ್ಷವಂತೂ ಚೀನಾ ಸಕರ್ಾರದೊಂದಿಗೆ ಒಪ್ಪಂದ ಮಾಡಿಕೊಂಡು ಹಣ ಪಡೆಯುವ ಆರೋಪಕ್ಕೊಳಗಾಗಿ ಸ್ವತಃ ಸುಪ್ರೀಂಕೋಟರ್ಿನಿಂದ ಛೀಮಾರಿ ಹಾಕಿಸಿಕೊಂಡಿದೆ. ಬೇರೆ ಸಂದರ್ಭಗಳಲ್ಲಿ ಚೀನಾವನ್ನೆದುರಿಸುವ ಮಾತನ್ನು ನರೇಂದ್ರಮೋದಿ ಆಡಿದ್ದರೆ ಇವರುಗಳೇ ವಿರೋಧಿಸಿಬಿಡುತ್ತಿದ್ದರೇನೋ! ಈಗ ಹಾಗಾಗಲಿಲ್ಲ. ಕರೋನಾ ನೆಪ ಬಳಸಿಕೊಂಡು ಚೀನಾಕ್ಕೆ ಸೆಡ್ಡು ಹೊಡೆಯುವ ಆತ್ಮನಿರ್ಭರ ಭಾರತದ ಕನಸನ್ನು ಮೋದಿ ಕಟ್ಟಿಕೊಟ್ಟರು. ಆದರೆ ಅದು ಅಕ್ಷರಶಃ ಚೀನಾ ವಿರುದ್ಧವೇ ಎಂದು ಬಿಂಬಿತವಾಗಲು ಗಾಲ್ವಾನ್ನಲ್ಲಿ ಚೀನಾ ತಂಟೆ ಮಾಡಬೇಕಾಗಿ ಬಂತು. 20 ಸೈನಿಕರ ಹೌತಾತ್ಮ್ಯ ದೇಶದ ಪ್ರಧಾನಿಯನ್ನು ಕಂಗೆಡಿಸಿದ್ದು ನಿಜ. ಆದರದು ವ್ಯರ್ಥವಾಗಲು ಅವರು ಬಿಡಲಿಲ್ಲ. ಹಂತ-ಹಂತವಾಗಿ ಚೀನಾದ ಅಪ್ಲಿಕೇಶನ್ಗಳನ್ನು ನಿಷೇಧಿಸುತ್ತಾ ಜಗತ್ತಿನ ಅನೇಕ ರಾಷ್ಟ್ರಗಳಿಗೆ ಸಮರ್ಥವಾದ ಸಂದೇಶವನ್ನು ಕೊಟ್ಟರು. ಟಿಕ್ಟಾಕ್ನಂತಹ ಕಂಪೆನಿಗಳಿಗಂತೂ ಸಾವಿರಾರು ಕೋಟಿಗಳ ನಷ್ಟವಾಯ್ತು. ಸ್ವತಃ ಅಮೇರಿಕಾ, ಯುರೋಪ್ಗಳು ಹುವೈ ಕಂಪೆನಿಯನ್ನು ನಿಷೇಧಿಸುವ ಮಾತನಾಡಿದಮೇಲೆಯಂತೂ ಚೀನಾ ವ್ಯಾಪಾರದ ವಿಷಯದಲ್ಲಿ ಮುಟ್ಟಿ ನೋಡಿಕೊಳ್ಳುವಷ್ಟು ನಷ್ಟ ಅನುಭವಿಸಿತು!

6

ನಿಜವಾದ ಸವಾಲಿದ್ದದ್ದು ರಕ್ಷಣಾ ಇಲಾಖೆಯಲ್ಲಿ. ಭಾರತ ಜಗತ್ತಿನ ಅತ್ಯಂತ ದೊಡ್ಡ ಶಸ್ತ್ರಾಸ್ತ್ರ ಆಮದು ರಾಷ್ಟ್ರವಾಗಿರುವುದರಿಂದ ಪ್ರಬಲವಾದ ಅನೇಕ ರಾಷ್ಟ್ರಗಳು ನಮಗೆ ಶತ್ರವೂ, ಮಿತ್ರನೂ ಏಕಕಾಲಕ್ಕೆ ಆಗಿವೆ. ಯಾರಿಂದ ಶಸ್ತ್ರಗಳನ್ನು ಕೊಳ್ಳುವೆವೋ ಅವರು ನಮಗೆ ಮಿತ್ರರಾಗಿಬಿಟ್ಟರೆ, ಯಾರಿಂದ ಕೊಳ್ಳುವುದಿಲ್ಲವೋ ಅವರು ಶತ್ರುಗಳು. ಹಾಗಂತ ಶಸ್ತ್ರಾಸ್ತ್ರಗಳನ್ನು ಕೊಂಡ ಮಾತ್ರಕ್ಕೆ ಮುಗಿಯಲಿಲ್ಲ. ಚೀನಾದ ಪ್ರತಿಭಟನೆ ಕೂಡ ಅದಕ್ಕೆ ಸೇರಿಕೊಳ್ಳುತ್ತದೆ. ನಮ್ಮನ್ನು ಪರೋಕ್ಷವಾಗಿ ಬೆದರಿಸುತ್ತದೆ ಚೀನಾ. ಶಸ್ತ್ರಾಸ್ತ್ರ ಕೊಳ್ಳುವುದಿರಲಿ ಗಡಿಯಲ್ಲಿ ರಸ್ತೆಗೆ ನಾವು ಕೈ ಹಾಕಿದರೆ ಚೀನಾ ಉರಿದುಬೀಳುತ್ತದಲ್ಲ ಅಂಥದ್ದರಲ್ಲಿ ಯಾವ ಸಕರ್ಾರ ತಾನೇ ಮಹತ್ವದ ಒಪ್ಪಂದಕ್ಕೆ ಒಂದಾದಮೇಲೊಂದರಂತೆ ಸಹಿ ಹಾಕಬಲ್ಲದು ಹೇಳಿ? ಗಾಲ್ವಾನ್ನ ಚೀನಾದ ದಾಳಿಯ ನಂತರ ಭಾರತಕ್ಕೆ ಮುಕ್ತ ಅವಕಾಶ ತೆರೆದುಕೊಂಡಂತಾಯ್ತು. ಸೇನಾ ನಾಯಕರುಗಳಿಗೆ ಶಸ್ತ್ರಾಸ್ತ್ರಗಳನ್ನು ಖರೀದಿ ಮಾಡುವ ಆಪತ್ಕಾಲದ ಅವಕಾಶ ಮೋದಿ ಸಕರ್ಾರ ನೀಡಿದ್ದಲ್ಲದೇ ಅಗತ್ಯವಾಗಿ ಬೇಕಾಗಿದ್ದ ಶಸ್ತ್ರಾಸ್ತ್ರಗಳನ್ನು ತುತರ್ು ಖರೀದಿ ಮಾಡಿಬಿಟ್ಟಿತು. ಇಷ್ಟೇ ಆಗಿದ್ದರೆ ದೊಡ್ಡ ಸಂಗತಿಯಾಗಿರುತ್ತಿರಲಿಲ್ಲ. ಎರಡು ದಿನಗಳ ಹಿಂದೆ ರಕ್ಷಣಾ ಇಲಾಖೆಯಲ್ಲಿ ಇನ್ನು ಮುಂದೆ ಆಮದು ಮಾಡಲೇಬಾರದಾಗಿರುವ ನೂರಾ ಒಂದು ವಸ್ತುಗಳನ್ನು ಪಟ್ಟಿ ಮಾಡಿ ಪ್ರಕಟಣೆ ಹೊರಡಿಸಲಾಗಿದೆ. ಮುಂದಿನ ನಾಲ್ಕು ವರ್ಷಗಳ ಕಾಲ ಕಟ್ಟುನಿಟ್ಟಾಗಿ ಈ ನಿಯಮವನ್ನು ಪಾಲಿಸಬೇಕೆಂದು ನಿಶ್ಚಯವೂ ಮಾಡಲಾಗಿದೆ. ಖಾಸಗಿ ಕಂಪೆನಿಗಳು ಈ ಕ್ಷೇತ್ರದಲ್ಲಿ ಗಮನ ಹರಿಸಿ ಭಾರತವನ್ನು ಆತ್ಮನಿರ್ಭರವಾಗುವತ್ತ ಶ್ರಮಿಸಲು ಸಹಕರಿಸಬೇಕೆಂದು ಕೇಳಿಕೊಳ್ಳಲಾಗಿದೆ. ಕಳೆದ ಐದು ವರ್ಷಗಳಲ್ಲಿ ಸೇನೆಯ ಮೂರು ವಿಭಾಗಗಳು ಈ ಪಟ್ಟಿಯೊಳಗಿನ ವಸ್ತುಗಳ ಖರೀದಿಗೆ ಸುಮಾರು ಮೂರುವರೆ ಲಕ್ಷಕೋಟಿ ರೂಪಾಯಿ ವ್ಯಯಿಸಿವೆ. ಈ ಆಧಾರದ ಮೇಲೆಯೇ ಮುಂದಿನ ಆರರಿಂದ ಏಳು ವರ್ಷಗಳಲ್ಲಿ ಸುಮಾರು ನಾಲ್ಕು ಲಕ್ಷಕೋಟಿ ರೂಪಾಯಿಯ ವಸ್ತುಗಳ ಉತ್ಪಾದನೆ ನಡೆಯಲಿದೆ ಎಂದು ರಕ್ಷಣಾ ಇಲಾಖೆ ಅಭಿಪ್ರಾಯಪಟ್ಟಿದೆ. ಈ ವರ್ಷವೇ ಸುಮಾರು 52ಸಾವಿರ ಕೋಟಿ ರೂಪಾಯಿಯನ್ನು ಮೀಸಲಿಡಲಾಗುವುದೆಂದು ರಕ್ಷಣಾ ಸಚಿವರು ಹೇಳಿಕೆ ಕೊಟ್ಟಿದ್ದಾರೆ. ನೆನಪಿಡಿ. ಹೀಗೆ ಆಮದು ನಿಷೇಧಿತ ವಸ್ತುಗಳಲ್ಲಿ ಸಣ್ಣ-ಪುಟ್ಟ ಬೋಲ್ಟು-ನೆಟ್ಟುಗಳು ಸೇರಿಕೊಂಡಿದೆ ಎಂದು ಭಾವಿಸಬೇಡಿ. ಇವುಗಳಲ್ಲಿ ಆಟರ್ಿಲರಿ ಗನ್ನುಗಳು, ಯುದ್ಧೋಪಯೋಗಿ ರೈಫಲ್ಗಳು, ಸೋನಾರ್ಗಳು, ಟ್ರಾನ್ಸ್ಪೋಟರ್್ ಏರ್ಕ್ರಾಫ್ಟ್, ರೆಡಾರ್, ಹಗುರ ಯುದ್ಧ ಹೆಲಿಕಾಪ್ಟರ್ಗಳು ಕೂಡ ಸೇರಿವೆ.

ಇದರಲ್ಲೇನು ವಿಶೇಷ? ಎಂದು ಅನೇಕರು ಹುಬ್ಬೇರಿಸಬಹುದು. ಮುಂದಿನ ಐದಾರು ವರ್ಷಗಳಲ್ಲಿ ಈ ನಾಲ್ಕುಲಕ್ಷ ಕೋಟಿ ರೂಪಾಯಿಯನ್ನು ವಿದೇಶಕ್ಕೆ ಕೊಡದೇ ಇಲ್ಲಿನ ಕಂಪೆನಿಗಳಿಗೇ ತಮ್ಮ ಚಟುವಟಿಕೆಯನ್ನು ವಿಸ್ತರಿಸಲು ಅವಕಾಶ ಮಾಡಿಕೊಟ್ಟಂತಾಗುವುದು. ಜೊತೆಗೆ ಖರೀದಿ ಖಾತ್ರಿಯಾಗಿರುವುದರಿಂದ ಆ ಕಂಪೆನಿಗಳು ಮುಲಾಜಿಲ್ಲದೇ ವಸ್ತುಗಳನ್ನು ಉತ್ಪಾದಿಸುವುದಲ್ಲದೇ ಹೊಸ ಆವಿಷ್ಕಾರಗಳತ್ತ ಗಮನವೀಯಲೂ ಸಾಧ್ಯವಾಗುತ್ತದೆ. ಮುಂದಿನ ದಿನಗಳಲ್ಲಿ ಇದು ರಕ್ಷಣಾ ಕ್ಷೇತ್ರದಲ್ಲಿ ಮಹತ್ವದ ಮೈಲುಗಲ್ಲಾಗಿ ಭಾರತವನ್ನು ಶಸ್ತ್ರ ಆಮದು ರಾಷ್ಟ್ರದಿಂದ ಶಸ್ತ್ರ ರಫ್ತು ರಾಷ್ಟ್ರವಾಗಿ ಪರಿವತರ್ಿಸುವಲ್ಲಿ ಸಹಾಯ ಮಾಡಲಿದೆ. ಇದೇ ಹೊತ್ತಲ್ಲಿ ಮತ್ತೊಂದು ಸಂಭ್ರಮದ ಸುದ್ದಿ ಎಂದರೆ ಚೀನಾ ಭಾರತಕ್ಕೆ ರಫ್ತು ಮಾಡುವ ಪ್ರಮಾಣ ಜನವರಿಯಿಂದೀಚೆಗೆ ಶೇಕಡಾ 25ರಷ್ಟು ಕಡಿಮೆಯಾಗಿದೆ. ಅದೇ ವೇಳೆಗೆ ಭಾರತ ಸುಮಾರು ಶೇಕಡಾ 7ರಷ್ಟು ಹೆಚ್ಚು ರಫ್ತು ಮಾಡಿದೆ. ಚೀನಾದ ಸ್ಮಾಟರ್್ಫೋನ್ಗಳ ಮಾರುಕಟ್ಟೆ ಭಾರತದಲ್ಲಿ ಶೇಕಡಾ 81ರಿಂದ 72ಕ್ಕೆ ಕುಸಿದಿರುವುದು ಒಳ್ಳೆಯ ಬೆಳವಣಿಗೆ.

7

ಚೀನಾ ಭಾರತೀಯ ಸೈನಿಕರ ಮೇಲೆ ಕೈ ಮಾಡಿ ದೊಡ್ಡ ಸಮಸ್ಯೆಯನ್ನು ಮೈಮೇಲೆಳೆದುಕೊಂಡಿದೆ. ಅದರಲ್ಲೂ ಮೋದಿ ಎಂತಹ ನಾಯಕತ್ವ ಪ್ರದಶರ್ಿಸುತ್ತಿದ್ದಾರೆಂದರೆ ಪ್ರತ್ಯಕ್ಷ ಯುದ್ಧಭೂಮಿಯಲ್ಲೂ ಚೀನಾ ಹಿಂದಡಿಯಿಡುವಂತೆ ಮಾಡುತ್ತಿದ್ದಾರಲ್ಲದೇ ಪರೋಕ್ಷ ಯುದ್ಧದಲ್ಲೂ ಚೀನಾಕ್ಕೆ ಬೆವರಿಳಿಸುತ್ತಿದ್ದಾರೆ. ಎಸೆದ ಕಲ್ಲುಗಳನ್ನು ಮನೆಗೆ ಇಟ್ಟಿಗೆ ಮಾಡಿಕೊಳ್ಳುವುದರಲ್ಲಿ ಮೋದಿ ನಿಸ್ಸೀಮರು ಎನ್ನುವುದು ಸುಳ್ಳಲ್ಲ!